SOHO....-_-

LMF

自從有soho以來,我都期期買,難得香港地有有心人搞體育雜誌,
買完今期,翻了翻,唔係嘛,點解越來越似d mug 週物週,
有三分一係廣告,小弟當然知道香港乃商業社會,本書賺錢來自廣告,
點會係賣書o個十幾蚊,
好可惜,今期我看soho的速度同mug週一樣咁快,有新主題但欠深入,
最奇怪係唔通每一樣東西只要冠名"運動"兩字,就可以穿鑿附會?
十二星座可以,點解唔應下節,出十二生肖?
四型人格流於表面,獨立可作專題又有吸引力,
介紹飛盤的只說不用裁判亦能自律,又用圖表示場地分佈,但如何玩,
點計分都冇提及,幅圖有o羊用?
人地點知得一分有幾難,點解會搞到大汗疊細汗?
呢幾期都唔知本書想帶出o羊訊息
我比較欣賞訪問搞運動的人,或名人如何看待運動,
今期長毛的那部分最好
請問史波,soho的定位如何?
太多種類的運動,要涵蓋全部,只會是蜻蜓點水,膚淺
集中某一類,市場只是某一類人,
keymansoho就明顯係好例子
相信搞運動雜誌不只介紹運動,而係推廣運動文化
原諒小弟的勞穌

kito807

ching 意見希望有關人仕可以睇到, 多意見先有進步ma.

多廣告小弟覺得無乜問題, 鍾意睇就睇, 唔鍾意睇揭去下一頁都唔係好side 時間,

不過內容方面, 我都覺得確實有改進空間。

我唔係期期都有買, 我只能舉一個例子:
我買左一期係介紹跑鞋, 因為小弟對跑鞋認識唔多, 本想買黎睇下有咩好介紹,
點知書入面介紹幾款波鞋ga 資料都係好官方, 即係上返網都搵到0個d, 同埋拎過下咩獎, 另外都有各種評分

但其實我最想知係對鞋適合跑幾k, 用黎跑長課同全馬得唔得, 想要多d 專業意見, 但雜誌只講到 "夠保護" , "避震好",
避震好係咪等於可以跑長課呢? 我都知呢d 又視乎個人體重, 但佢可以詳細d 講下幾重ga 人著呢對鞋好, 適合中長或短課之類之類
如入面d 資料我上官網都搵到, 咁我買本雜誌就好似無乜用.....


也請原諒小弟的勞穌

我會繼續支持 soho!! 希望你地更進步!

小東

我都覺得本書越來越行, 加多一本講足球的我睇都未睇過, 如果我要睇足球的都唔使買sportsoho啦
訪問名人還好, 加埋d運情真係整cheap哂, 訪問蔡逹明廣告居多

LMF

好在都有ching 支持,我都想本書好好地,
話曬o係香港綜合運動雜誌唔多,

之前本書開書時叫人俾多d意見,都好虛心,
好有心做好本書,但而家俾左意見,完全都冇反應,
淨係每月月頭提大家買書
唔知史波(目弟)唔(目弟)到?

放眼書報攤,都係足球同籃球多,其他運動的雜誌生存空間少之又少,
而家資訊咁發達,好多人上下網都得到唔少料,
如果雜誌內容唔係一般人咁易得到,可觀性又會增加,
譬如運動創傷,治療,肌力鍛鍊等等
又或追貼時事,之前阿叔過身,我仲以為會講下一代名宿,
點知冇,我諗尹佬都唔會講,
另外本書報導只局限在香港的體壇,外地的少之又少,
大多資料來源都來自本港的學者,醫生,運動家,
外國的研究呢?

呢個世界好現實,做得好,人地會讚賞你,幫襯你,
做唔好,就唔so你

hychong

搞雜誌係唔容易，諮詢意見後，也要一些時間才可落實的。我下期開始會在Soho寫欄，順便把三位意見，反映給雜誌中人啦。

ahko

有買既跑友 今期渣打專集如何??

全馬

老實講, 自從soho加左足球獨立本外, 我就無買過。因為我對足球dd興趣都無, 要我俾多幾蚊買一本揭都唔揭ge書, 就交俾人回收, 我覺得好唔環保, 好浪費。

以下內容唔知依家本書有無, 因為我無買好耐:
香港體壇實在太細, 好容易來來去去都係o個幾個運動明星。
可以的話(我知會好難), 嘗試衝入中國, 報導一下國家級或省級運動員ge 生活同訓練方法, 我諗會較多人有興趣。
好似本野外定向咁, 如果只講香港境內事, 一早摺左啦!
*我都係想本書好姐, 以上有乜得罪, 請多多包函!*

runningman

sportsoho現時都仲未有明顯定位，咩都講下

又唔似普及運動書，又唔係專題運動書
開書初期，少d廣告，感覺d內文多d誠意
而家多左好多有sales意味既介紹文章，如樓上講過訪問蔡達明，但原來係幫鞋賣廣告

今期所以謂渣打專集，好馬虎，只係放幾張相，有個星級成績表
有幾頁跑手訪問，但個訪問大部都係d玩玩下既參賽者，但又無冠亞季既訪問

個星級成績表，唔係講邊個人跑冠亞季，係講某d選手既全馬同半馬成績，只係放左d人頭加個名同完成時間
係d人星級定時間星級？無講
星級在跑手？但完全無講d人有咩特別，好似其中「江鳳仙」、「羅錦輝」，大家一定知兩位係邊個？
星級在時間？又放左幾個3個幾鐘無獎既人

開頭因為支持佢訂左一年
講真，完左之後如果都係咁，我唔會再買

[ 本帖最後由 runningman 於 2010-3-11 00:54 編輯 ]

全馬

原帖由 runningman 於 2010-3-11 00:51 發表

                               
登錄/註冊後可看大圖

sportsoho現時都仲未有明顯定位，咩都講下

又唔似普及運動書，又唔係專題運動書
開書初期，少d廣告，感覺d內文多d誠意
而家多左好多有sales意味既介紹文章，如樓上講過訪問蔡達明，但原來係幫鞋賣廣告

今期所 ...

今期出書時間應係渣馬之前, 無今年資料係正常ge。
(有錯請指正)

runningman

原帖由 全馬 於 2010-3-11 09:50 發表

                               
登錄/註冊後可看大圖

今期出書時間應係渣馬之前, 無今年資料係正常ge。
(有錯請指正)

一定唔係啦，本書係3月書，加上內容全部都係賽後野
佢連路線圖都無放

TerrySze

原帖由 全馬 於 2010-3-11 09:50 發表

                               
登錄/註冊後可看大圖

今期出書時間應係渣馬之前, 無今年資料係正常ge。
(有錯請指正)

March 2010 .....e期係渣馬之後Ｏ.... 有今年渣馬喔..
訪問蔡達明係上期（２月份）

jshho

SportsSoho ... 未有明顯定位 ...

今期個本, 我係 OK 睇左唔夠 5 分鐘放番落架 ...

說實話, 我寧可比錢買外國出的專題雜誌.

lynnling

買左今期.....
內容真係唔太吸引.....
下期真係打下書剃先決定

p.s. 上年渣打認識哩本雜誌...keep住買...都差唔多一年....今期內容係我覺得最唔吸引

key

我以為今期會好多篇幅講渣打馬拉松, 點知得嗰少少, 真係唔夠喉   

hkyen

原帖由 key 於 2010-3-11 17:03 發表

                               
登錄/註冊後可看大圖

我以為今期會好多篇幅講渣打馬拉松, 點知得嗰少少, 真係唔夠喉     

我係seven到睇左一陣 真係好少渣打野呀

forget

第一次買,見佢封面話渣馬特集,又有兩本以為成本講渣馬,原來一本係講足球 ,唔要足球果本賣9蚊得唔得

半桶水老編

多謝各方評論，無論彈與讚，都收到，但能否做到，只可說〝儘力而為〞。就好像練跑多年，越練就越發現很多缺點，改之不儘，如擺手，呼吸，后蹬等。當然，在改進過程中，會迷失，疑惑，甚至受傷，但如前輩所說，這些都是很可貴的经驗。眾多運動中，我最愛跑步，喜歡是為在跑道上，无論你碰到的跑手是快或慢，大家都会豎起大拇子，共勉之。

[ 本帖最後由 半桶水老編 於 2010-3-25 22:50 編輯 ]

LMF

期待中.......

jsmleung02

話是話今期星級成績表裡CUT人頭相片整到潔儀好肉酸, 好似俾人斬頭咁. 好唔靚

龜速行

期待中.......X2

add oil ar