小弟自從1月1號玩東北縱走左腳咬柴之後都係跑過2-3日(10K), 更不幸既係2月3號右腳唔小心又咬柴(我之前咬過3次右腳). 終於知道咩叫「興奮」! 無辦法之下去左睇跌打, 果醫師同我講D骨無事, 只係傷左D筋, 所以一睇就睇晒2隻腳, 佢唔敢大力按我隻腳, 因為真係好痛, 佢只係幫我按周圍既筋, 之後就講我係嚴重肌肉疲勞, 我就諗都係, 平時我企1個鐘左右就覺得好攰, 佢幫我按腳底筋, 腳跟, 脛前肌. 哈哈睇到自己2隻腳包住真係好似著左對襪咁(不過係厚身襪). 嘩! 隻腳一落地,真係比死更痛苦. 連行都行唔到. 唯有好似「跛佬」咁, 柺下柺下行.
唉!依家日日都要去睇跌打. 幫d肌肉按摩同埋拉鬆d筋, 佢話我到依家為止d筋都未按鬆, 仲係好硬, 行既時候都覺得痛...特別係訓醒起床時隻腳落地.
之前仲要報左全馬, 無練過, 又傷左. 點算!!!
請問各位ching/ctse有無d快速方法搞一搞對腳? |