|
尋日都有玩糖尿聯會個10k, 因為住大埔所以好老定7:45先出門口, 慢慢jog去就熱左身, 8:00到達會場見到幾個攤位, 我諗都係登記處所以順便排隊尾啦, 排下排下見到位身型自己差唔多既C兄話件背心好細件, 所以自己登記時諗住攞大碼, 誰不知大碼己斷碼, 又唔識轉加大結果攞左中碼, 貼身都冇所謂, 點知仲著到好似露池裝咁.
講番比賽大會起步時間比好多C兄/C姐彈, 未夠鐘就開跑, 我8:25企埋位唔到3分鐘就聽到起步既BB聲, 排位唔知點解又分兩組, 我唔理3 7 21都企係前面o個組較後, 起步步速好快頭個k我都係3'40".自己知道時間太快, 只好順著跑亦唔敢再加速, 跑下跑下人群散開, 前面少左人, 到左科學園一路都幾順, 到科學園尾見到帶頭既跑手己經過完隧道掉左頭, 睇下個錶19'24.心諗如果可以同一時間返到去就謝天謝地. 可惜愈跑愈大風, 愈跑愈慢, 當然愈跑愈辛苦啦, 之後好彩同一位C兄係科學園至水站前拍左段帶返起D時間, 到左最後2k被2個老外跑手過左, 自己亦希望唔好輸甘多, 亦盡量跟上, 但只維持左1k, 突然間後面傳來人群聲, 2男2女跑手步大力雄咁追上, 我相信應該係女子頭2名好手, 其中一位C兄一路觀察尼2位女跑手, 嚴如教練一樣, 到最後半k佢地開始衝刺, 我只有個心可以跟上對腳同條氣就唔聽話, 慢慢被佢地拋離左, 死下死下咁跑埋o個半k, 返到終點, 時間同上次沙田10k差唔多40'28.唉.... |
|