|
返到屋企喇, 好感動呀! 全隊都返晒落嚟.
起企嶺下橫風橫雨, d雷電又劈又閃, 好似起戰場度打緊仗咁, 仲勁過睇3d大銀幕立體電影, 起公厠側跟都好驚比雷劈親, 唯有退回車裏, 心想大隊起山上真係非常危險, 內心極為擔心. 兩次見到山上有人逆麥徑下來都空歡喜一場, 兩隊都唔係TKO隊, 佢地都係起上山中途折返, 仲話上面環境極為惡劣, 個鬼佬話horrible! 當時心裏真係打定輸數!
突然一架私家車高速駛過嚟起我身邊停下, 原來係停雲師兄, 佢見到跑網d POST立刻趕嚟幫手, 真係令人好感動. 我地兩個等吓等吓, 終於收到明師兄電話, 通知我地全隊平安落咗山, 就快到馬路, 當時真係開心到無法形容. 過咗一陣, 見到電筒光線由山上照落嚟, 跟住見到熟悉既面孔一個一個咁出現, 明師兄, 牛牛, kk同朋友, 活活, iceberg, kf, 車仔, 嘩! 個個都安全冇事, 真係謝天謝地. 最後大家兵分兩路, 停雲載3個到馬鞍山, 我載7個返TKO及九龍, 終於大團圓結局!
真係一個十分難忘既晚上!
[ 本帖最後由 大雄2009 於 2010-9-11 01:30 編輯 ] |
|