瑜人跑步日誌

nothize

little-fish 發表於 2013-6-6 20:30

                               
登錄/註冊後可看大圖

我係平時跑係比很多人慢喎••••不過如果比賽順利的話，我應該有sub45能力，因在某段時期，按計劃便會 ...

我對師兄呢個練習方法很有興趣! 你有在日誌中詳談嗎?

我之前望完師兄日誌第一頁見到啲格式有少少走樣所以便無心機看埋其它. 剛巧在呢個貼看到師兄說平時練習比人慢, 比賽卻比人快. 此道似乎可保不傷之餘又能有效增益, 似乎就是我想要的方法!

little-fish

nothize 發表於 2013-6-6 20:56

                               
登錄/註冊後可看大圖

我對師兄呢個練習方法很有興趣! 你有在日誌中詳談嗎?

我之前望完師兄日誌第一頁見到啲格式有少少走樣所 ...

有，由第8頁開始，是我首次10km 的詳盡練習記錄，之後接著便是全馬訓練（我冇半馬經驗），可以參考一下，但請自行調節，要用心跳帶，及無限的耐性，因起步很輕鬆，很多人有懷疑便放棄。不過其實到第二階段尾時是挺吃力的（但又不至死去活來）

Recovery run, long run, semi long run(3段變速跑） , speed repeat（短衝）, hill repeat（短途山坡衝，至辛苦這個，泠汗都出，但我是到全馬時先加入練）, tempo, interval

就這幾種跑法，不同系統有不同名稱，大同少異。因我是利用心率作第一指標，所以除了speed repeat/hill repeat, 其他一律與心跳有關

nothize

little-fish 發表於 2013-6-6 21:42

                               
登錄/註冊後可看大圖

有，由第8頁開始，是我首次10km 的詳盡練習記錄，之後接著便是全馬訓練（我冇半馬經驗），可以參考一下， ...

謝謝賜教

little-fish

nothize 發表於 2013-6-6 21:51

                               
登錄/註冊後可看大圖

謝謝賜教

其實我想Mimi 多了解這個，因為心跳較高（雖然未必一定構成問題），這個練法應該可以有效降低心跳。

nothize

little-fish 發表於 2013-6-7 13:56

                               
登錄/註冊後可看大圖

其實我想Mimi 多了解這個，因為心跳較高（雖然未必一定構成問題），這個練法應該可以有效降低心跳。 ...

啊!! 係喎 Mimi 第一頁有說她心率不正.

Mimi

多謝兩位師兄關心、提點
其實我真係唔識控制速度，當然唔會好似d後生仔衝100m咁跑，但總知一開始跑就盡自己能力。個個都話我去得太盡、跑到過火；我自知我唔識放鬆（好諷刺，我練習瑜珈，但係唔識放鬆。我唯一可以放鬆係上完幾堂超power、想死、十級折磨瑜珈堂之後嘅大休息，同埋meditation)，我唔明白乜嘢叫太盡、過火。我好清楚去到咩位我會「冧」；跑、運動、甚至瑜珈（嚴重聲名:瑜珈唔係運動，係修練）對我嚟講完全唔係舒服；其實人生就係苦困，所以要透過唔同歷煉去解脫……呀！講得太遠……收！
nothize 師兄，唔使喊喎！天生係咁怨都無謂。相反，我超鍾意自己……有d自戀添，hahahahaha

Mimi

(呢幾日都忙/懶，襯放假，快d寫番。）
6月6日，星期四，又係上當嘅日子。
至從大休之後，每次跑之前都戰戰兢兢，驚自己做得唔好、更甚應付唔嚟、唔達標，上堂就更驚。
果日搭緊火車去運動場，突然有啟悟。記得以前一位瑜珈老師講過:每一次上堂前唔好有期望；無論你練習咗幾耐，每一次練習都係新開始，放開心胸去接受新鮮事。無需望過去，過去只會帶來無謂嘅恐懼或驕傲；更無需望將來，因為將來只係自製幻象；活在當下，感受上堂嘅一刻，只要你全情投入，一切都變成果刻嘅最好。
曾經睇過一位跑手咁寫: every run is a new run. Every runner is a beginner when he starts a new run. Be humble, yet confident. Experience every run like a baby.
抛開無謂包袱，開開心心上堂去！
雖然唔算輕鬆，但總算完成。好開心！
其實唔算好熱，但係跑完變水人，好彩有網衫換，hehe
我諗我core真係太雞！上堂只有“提腿“同core有關，做得都唔算多，但係肚肚酸咗兩日，星期五上瑜珈練core俾老師話點解咁咋！
今堂啟示:好好的活在當下…

Mimi

休息後第一次長過10k, 頭4k都ok舒服, 之後有D吃力。
諗起第一次長課..
諗起初中讀果課"風雪中的北平" -- 行一步, 退三步... 算啦! 人生就係咁架啦...
大髀又磨損咗! 痛! (花士靈呀!)
跑完去Seven買野飲, 太多汗, 嚇親亞姐
跑完無胃口, 無食夜晚飯

登錄/註冊後可看大圖

Mimi

各位有無試過某d日子跑 會有唔同感覺呢?
有d學派瑜珈會喺新月嘅日子減低練習強度, 話說新月能量較低同易傷。
我練習嘅最好時間係喺一個月圓之夜 (我係人狼??)
尋日跑咗一課好有覺知 (mindful) 嘅10k...
唔快, 但係身體嘅信號好強... 唔識形容... 總之係好敏感身體狀況, mind and body become one...
微風細雨, 舒服

登錄/註冊後可看大圖

Mimi

由細到大都俾人話我反叛，父母係咁講，話我做每件事都要人擔心；老細叫到入房warning,話我反叛！
其實我真係唔係呀！喺值得尊重嘅權威不，就算幾唔甘心，我都100%服從。
果陣喺印度學瑜珈，上師講乜、點教，無論點唔認同都要聽，洗厠所、無熱水冲涼、無啖好食、聽課坐地下腰痛腳痺、練習辛苦，一律乖乖受哂。我山長水遠去印度學嘢（8個鐘頭飛機、5個鐘頭火車、13個鐘頭的士，仲要遲到無得入學校/寺院），唔係為咗嘈交！
以前學capoeira, 有師兄講過: 教練話你，你拗都無用。不如自己練多幾次，等教練無機會鬧你仲實際。
講番跑步。
尋晚上堂，做完warm up，跑（400x2+體能）,本來應該唔難。但跑到第二set，教練話:你爆咗“計“，停。
爆“計“？係一d都唔輕鬆，但我仲可跑！
但係教練就係教練，佢講，我要聽，如果唔係、或者有任何唔尊重就唔好嚟上堂，無人迫我嚟，教練都係義務，佢無必要特別照顧個別學員，（雖然我見到佢真係做到！）尤其我咁咋！
無得跑、完成唔到4 sets, 好失望、好嬲自己點解咁咋、點解會面青！？擡頭望d雨越落越大，我問自己為乜跑？點解要咁辛苦？為咗證明d我根本證明唔到嘅嘢？追夢？我嘅夢喺邊？
好頹、好想大喊，反正落緊雨，無人會知。
但大家嚟上堂唔係睇你黑面，要做大小姐就番屋企。從拾心情，檢討自己仲實際……問題係，我真係唔知自己衰乜，我嚟緊應該點做？
Tomorrow is another day.
聽日又係新開始。屢戰屢敗，屢敗屢戰，總有一日，我可以（再）跑到！

vcbid

Mimi 發表於 2013-6-14 23:58

                               
登錄/註冊後可看大圖

由細到大都俾人話我反叛，父母係咁講，話我做每件事都要人擔心；老細叫到入房warning,話我反叛！
其實我真 ...

師姐, 睇你個BLOG覺得你係一個倔強硬頸既人, 有毅力係好, 但係唔係每樣事都要搏老命, 體能既野可以慢慢練, 唔洗1次谷爆自己既, 平常心放輕鬆, 有時會有你意想不到既效果...中國人有一句欲速不達呀

nothize

Mimi 發表於 2013-6-14 23:58

                               
登錄/註冊後可看大圖

由細到大都俾人話我反叛，父母係咁講，話我做每件事都要人擔心；老細叫到入房warning,話我反叛！
其實我真 ...

教練要確保所有學員都得到 100% 運動安全與增益.

無錯今次仲可以跑. 下次呢? 下下次呢?

如果單靠意志並忽略身體狀況可以對訓練有良好效果, 咁一定會有一班人建立一套意志跑法. 好可惜......我試過呢套跑法, 係有害無益.

little-fish

跑爆咗同是否能繼續又真係冇必然性•••••其實練習，在任何情況下都至多用到約9成，死谷會影響服原，即overall 影響整個進度。
玩這些短途衝圈（400m或 以下，如300，200，100） ，與其盲目追求時間，不如要求姿勢良好、盡量放鬆為首要，上次已與你面談提及。自自然然就會快，不用强求。

Mimi

little-fish 發表於 2013-6-15 09:27
跑爆咗同是否能繼續又真係冇必然性•••••其實練習，在任何情況下都至多用到約9成，死谷會影響服原，即o ...

呀！原來果日賜教嘅係小魚師兄你！(成日形著你係舉重嘅大隻女人，原來你都幾慈父型架喎！）唔認得人，失覺失覺！（你又認得我嘅？）
如果我無記錯，同你傾計果日係我第一日歸隊，我又係跑爆，俾教練同師母話……

Mimi

今次真係跑爆... 無嘢講，我衰!
頭8k, ok; 回程, 半死 -- 行又暈, 跑又唔夠力, 想嘔, 尾2k, 90%死...
番到屋企無胃口, 老公話點都要食d, 結果... 嘔
唉...

登錄/註冊後可看大圖

肥B

Mimi 發表於 2013-6-18 08:58

                               
登錄/註冊後可看大圖

今次真係跑爆... 無嘢講，我衰!
頭8k, ok; 回程, 半死 -- 行又暈, 跑又唔夠力, 想嘔, 尾2k, 90%死...
番到 ...

Mimi好好細心寧聽自己的身體是很重要的，要好好愛錫自己
慢下來有時比快還困難，

vcbid

Mimi 發表於 2013-6-18 08:58

                               
登錄/註冊後可看大圖

今次真係跑爆... 無嘢講，我衰!
頭8k, ok; 回程, 半死 -- 行又暈, 跑又唔夠力, 想嘔, 尾2k, 90%死...
番到 ...

你唔似跑爆, 似係中暑多D, 係咪無補夠水?

中暑係會死人架, 有暈同嘔既感覺唔好死頂, 搵個陰涼既地方坐低飲水, 抖夠搭車返屋企啦

Mimi

肥B 發表於 2013-6-18 09:58

                               
登錄/註冊後可看大圖

Mimi好好細心寧聽自己的身體是很重要的，要好好愛錫自己
慢下來有時比快還困難， ...

我已經一開始就keep 住唔快 （7min /k, 唔快過6min 50s/k), 但係越慢、越耐就越辛苦？
慢又唔係、快又唔得，都唔知想點？！

Mimi

vcbid 發表於 2013-6-18 10:50

                               
登錄/註冊後可看大圖

你唔似跑爆, 似係中暑多D, 係咪無補夠水?

中暑係會死人架, 有暈同嘔既感覺唔好死頂, 搵個陰涼既地方坐 ...

下~原來係中暑!!?
我最後兩k聽唔到嘢、睇唔到顏色... 經過威爾斯果陣直情想"欄"入急診室
我都有坐底, 起身跑兩步又嚟過...
       

vcbid

Mimi 發表於 2013-6-18 11:52

                               
登錄/註冊後可看大圖

下~原來係中暑!!?
我最後兩k聽唔到嘢、睇唔到顏色... 經過威爾斯果陣直情想"欄"入急診室 ...

好大可能係中暑, 跑前同跑緊既時候一定一定要飲多D水呀
千萬唔好死頂, 跑唔到就坐車走, 你已經接近休克, 暈低分分鐘玩完, 你重咁後生靚女, 跑步唔係搏命

ps. 唔好嫌我長氣