邁向馬拉松之路 Enthusistence

runnrun

runnrun 發表於 2014-8-25 23:44
vcbid ching: 收到！ 我會慢慢加上去，唔好太心急！
Enthusiasm　ching:　你既意思係我LSD唔洗再加落去住 ...

收到！咁我睇返狀態決定，慢慢加上去練！　ching比個網好多資料，好有用，要吸收下先得！

vcbid

runnrun 發表於 2014-8-26 10:10
收到！咁我睇返狀態決定，慢慢加上去練！　ching比個網好多資料，好有用，要吸收下先得！ ...

其實渣馬1月尾, 11月尾到1月頭練到3-4課30K以上已經夠哂, 太早練到30K過早谷起狀態, 到時回落重慢左

我上年先開始跑步, 上年3月果時10k重係跑緊差不多50mins, 跟住同你一樣年尾皇者之戰半馬(1:4x), 渣馬(3:42), 跑得好輕鬆

上屆渣馬2月跑, 我12月先尾先第1次跑30k, 所以話唔洗心急慢慢都未遲, 我大你十幾廿年都得, 你easy job啦

runnrun

多謝兩位ching, 其實我前日想跑30km係因為今日要返大陸，有5日跑唔到，所以想練長d，心急左少少，不過黎緊我會循序漸進，跑多幾次20km先再加上去，listen to my body !

Vcbid ching你都好利害，一年幾跑齡咁快就練到sub345!

Enthusistence

26/8/14
項目：Easy Run
時間：54分鐘

分享：
「你咁鍾意長跑，你會唔會睇足一場馬拉松嘅賽事影片？」一位朋友帶點疑惑地問我。對於非長跑熱愛者，那些馬拉松影片真的沒有什麼好看。連續兩小時千篇一律的動作，事實上真的沒有一般球類活動般千變萬化，難以吸引一般人的注意力。不過，熱愛長跑的人卻會看得津津有味。人各有愛吧？

                               
登錄/註冊後可看大圖

                               
登錄/註冊後可看大圖

*藤原新是其中一位我很喜歡的日本選手。

Enthusistence

27/8/14

溫度：
28-30度

濕度：
85%

項目：
Tempo Run (9.2km-9.3km, 38:24 )

分享：
今日我喺圖書館借咗本書《我在肯亞跑步的日子》。嚟本書我一直想睇好耐，不過次次去圖書館都已經比人借咗。今次終於借到！睇咗幾頁，書入邊有一番說話令我幾深刻。「肯亞人精神上可以表現得這麼剛強的另一個原因是，當他們跑步時，似乎花比較少的時間在進行分析。如果你問一位肯亞跑者在比賽時腦袋瓜在想什麼，他通常會簡單地回答，像是『我感覺很好，所以加快腳步』或者『我覺得很累，所以停了下來』相對地，西方跑者會確切地告訴你他每一英里的想法，他的時間怎麼切割，比賽中他的戰術如何變化。不過，如同雷那多‧卡諾瓦在他旗下的其中一位肯亞跑者最近在美國贏得一項大城市的馬拉松後所說：『如果想要成為頂尖的運動員，你必須帶點瘋狂，而不是像會計師。』就像伊斯梅爾‧基魯伊一九九三在斯圖加特那般瘋狂，仍有七圈要跑，他卻跟著自己的感覺，發瘋似的急速狂奔。他沒有計算當晚每一圈的平均時間，只是感覺不錯便這麼做，最終成為世界冠軍。」

回想過往，我每次練Tempo Run都會不斷望著秒錶，每400米就check一次時間，如果比預計時間慢了便會加速，這樣好像難以感受跑步的樂趣。今日，我決定全程不看手錶，依自己的感覺去跑，當感到累時就跑慢一些，感覺不錯時便再加快速度。

過往兩三個月我都喺運動場練Tempo Run，今日想轉一轉環境，所以我今次喺街練。整段路的距離為9.2公里-9.3公里，今次我所需時間為38:24，速度約4:07/km-4:10/km。喺跑街難度大啲，中途都有5-6條30米~80米嘅斜路。今次無刻意追時間（因為全個過程無睇錶！），只喺順著自己感覺去跑，全個過程無受著秒錶的影響，感覺十分良好！

                               
登錄/註冊後可看大圖

runnrun

runnrun 發表於 2014-8-26 11:57
多謝兩位ching, 其實我前日想跑30km係因為今日要返大陸，有5日跑唔到，所以想練長d，心急左少少，不過黎緊 ...

唔好意思，咁遲先覆你，岩岩返到香港，幾日冇練跑！ching建議不錯，一於遲點係長跑網開返個日誌！

Enthusistence

Enthusistence 發表於 2014-8-27 22:01
27/8/14

溫度：

Re kokyan_lam : 的確喺，想慢就慢，想快就快，感覺好好多，平時不停追時間壓力大好多。

Re Ah_Wing：好奇一問，師兄，平時你喺外國跑開，你嗰邊長跑風氣喺點？例如對長跑嘅重視程度同香港分別大唔大？

Ah_Wing

好奇一問，師兄，平時你喺外國跑開，你嗰邊長跑風氣喺點？例如對長跑嘅重視程度同香港分別大唔大？

跑步都有好多圈子，但整體嚟講，呢邊地大人多，比較起上嚟點都會覺得外國普及啲，多元化啲，深入啲。

呢邊啲學校通常由初中開始就有田徑隊，香港講名校，只論學術上嘅名氣，呢面有田徑名校，欖球名校，籃球名校...等，對運動嘅重視程度由此可見。

跑友乜嘢人都有，大家對跑的熱誠都是一樣，男女老幼，減肥的，比賽的，玩玩吓的。呢面賽事多，多唔同選擇迎合唔同喜好嘅跑友，相比下香港嚟嚟去去都係某幾個比賽，某啲路線，話題同意見交流上自然會較為狹窄。始終呢邊人多，自然會多啲高質數嘅跑手分享經驗同意見。高手香港當然一樣都有，但比較少見活躍係討論區，或現實上都可能比較少接觸到。

可能香港地細人多，壓力大，啲跑友好似好多怨氣，因為經常都會見到啲爭執post，同單車友唔妥，同途人唔妥；呢類post係外國啲forum比較少見。同埋香港跑友好喜歡shopping，特別多關於跑步架生嘅討論，啲鬼佬似乎較為求其。

Enthusistence

Ah_Wing 發表於 2014-8-30 04:51
跑步都有好多圈子，但整體嚟講，呢邊地大人多，比較起上嚟點都會覺得外國普及啲，多元化啲，深入啲。

呢 ...

Thanks for sharing! 你講得啱，運動喺香港的確被睇低一線。因為政府向來都無完善嘅配套去support本地運動員。在前景同收入都唔可觀嘅前提下，實在難以挽留有潛質嘅運動員。

哈，香港人怨氣多又好似真喺啵！無辦法，喺一個生活節奏咁急速嘅社會生活，普遍人壓力都唔細。生活作息紊亂，人都難免燥啲！

Enthusistence

29/8/14
項目：Easy Run
時間：45分鐘

1/9/14
項目：Tempo Run
時間：38分鐘
距離：8.58km
平均速度：4‘26“


2/9/14
項目：Tempo Run
時間：1:09:43
距離：15.46km
平均速度：4‘30“

Enthusistence

2/9/14

溫度：
31度

濕度：
85-90%

項目：
Tempo Run
時間：1:09:43
距離：15.46km
平均速度：4‘30“

反思：
上個星期感冒，所以無乜點練到，Easy Run同休息比較多。嚟一兩日開始練番！今日跑咗個長嘅Tempo Run，今次全程keep住勻速。夏天跑超過10km嘅Tempo Run真喺比較難捱，嗰種辛苦唔喺踹氣踹得好勁嘅辛苦，而喺好悶熱嘅辛苦。跑完之後成了水人，唔知以為岩岩玩完 Ice bucket challenge，全身濕哂，條褲會滴水。

P.S. 跑街雖然無跑運動場咁悶，不過就辛苦啲啲。

Enthusistence

3/9/14

溫度：
31-32度

濕度：
80-85%

項目：
長課
時間：1:43:00
距離：19.8-20km
平均速度：約 5‘10“

反思：

有時覺得自己嘅訓練，有計劃得嚟又無乜規律，睇心情決定練乜，唔會有一個固定既時間表，我都唔知咁樣喺好定唔好，哈。昨天練完Tempo Run，今日再練長課。心知有可能未recover完，但偏偏今日就好想跑長課，所以就一跑跑咗20k。

一直以嚟無 Join 跑會練，進步就難免會慢啲，不過我反而很喜歡嚟種隨心所欲丶想跑乜就跑乜嘅感覺！我唔介意進步得慢，至少我樂在其中！

Enthusistence

休腿一天！
聽日開始返新工，份工喺返我母校做訓導阿Sir。希望一切順順利利丶啲學生唔好太頑皮，如果唔喺真喺頭痕！嚟份工7點半返到6點。未來嘅日子夜晚我仲會去報課程考證書，希望跑步嘅熱情唔會因此而減退！


渣馬距離依家仲有唔夠半年，各位師兄比心機練，我地下年渣馬時見面喇！

Enthusistence

多謝大家既祝福！停咗3日，settle down後今日開始跑番。

溫度：
32-33度

項目：
Easy Run
時間：1:20:00
距離：16km
平均速度：約 5‘00“

感思：
今日紀錄方面有啲亂咗，因為跑跑下見到有識嘅學生打緊波，所以就join咗佢地，停跑了。距離同時間方面都只喺大約，唔準的，速度就大約5:00/km左右。好少朝早跑步，好曬，不過好在今日一號風球，熱得嚟又有風，所以叫做跑得幾好！

至於返工嗰度，我都好開心學校既校長同副校長都信得過我，比我喺學校擔當訓導一職。一開始我真係唔太習慣。好多異常目光望住我，包括學生同老師都喺。因為大家都好好奇點解我會返去做。初初以為低年級同學唔太認得我，點知原來好多都認得。由學校既大師兄變做阿Sir，我諗大家雙方都要啲時間適應。

上年DSE雖然夠分入u，不過就入唔到心水科目，今年做住一年野先，下年再報HD讀。屋企經濟環境唔算好好，既然自己想再讀書，咁就靠自己搵錢去讀！用自己賺番嚟既錢去交學費，我相信會令我更用心讀好佢！

runnrun

Enthusistence 發表於 2014-9-8 00:27
多謝大家既祝福！停咗3日，settle down後今日開始跑番。

溫度：

讀書方面最緊要知道自己想做咩，知道點樣可以達到目標，跟住努力向目標進發　　其實同跑步一樣，跑步你做到，相信你讀書一樣可以，我身邊都好多朋友由HD/IVE努力兩年升返上大學資助學位 加油呀師兄！

Enthusistence

runnrun 發表於 2014-9-8 00:42
讀書方面最緊要知道自己想做咩，知道點樣可以達到目標，跟住努力向目標進發　　其實同跑步一樣，跑步你 ...

多謝大家既支持！返咗兩日，可能仍然唔習慣，成日唔小心做錯野，不斷比人鬧，真喺有啲壓力。本來比人鬧都唔緊要，但鬧我嗰個喺邀請我返學校做既，真係覺得好難為情。

Enthusistence

thanks各位師兄，我諗可能係初初唔太習慣，希望盡早適應！

9/9/14

溫度：
31-32度

濕度：
70-85%

項目：
LSD
時間：2:50:38
距離：約30.2km
平均速度：約 5‘38“

反思:
由於返咗嚟份工後壓力頗大，慢跑成為了一個十分重要的緩壓途徑。我很喜歡慢跑的感覺，自由自在，可以暫時放低所有不安的情緒，而且亦能為自己帶來滿足感。今日4:30開波，上半段（頭15km）仍然有陽光，下半段陽光漸漸變弱。跑完之後全身散哂，正！好耐無跑過咁長！不過我都要考慮下帶個腰包，揸住支寶礦力跑唔太方便。

Enthusistence

12/9/14

溫度：
29度

項目：
Easy Run
時間：43分鐘
距離：7km

反思：我學校有個同事，與我職位一樣，同樣是教學助理，佢喺退休警長嚟。嚟份工喺我第一份工，雖然未習慣工作，但識到嚟個警長真喺好好彩。佢教識咗我好多野，令我明白如何在職場生存。雖然我成日做錯野比上司鬧，嚟點令我幾有挫折感，不過佢都會鼓勵我繼續努力落去。今日我就同嚟位同事跑咗7km。


係學校做仲有其他開心嘅part嘅，就喺可以同到啲低form嘅小朋友傾下計咁。以前我做學生嘅時候，其實好難識到初中嘅同學。依家身份係阿sir，我先發現：原來我已經成長了，成為了別人的長輩。今日先又有3-4個中一丶中二學生聊我傾計，最後用咗$13.5買咗3盒野飲請佢地飲野，哈哈。

Enthusistence

13/9/14

項目：
間歇跑 300米*6 (休2分鐘）
1. 50s
2. 49s
3. 49s
4. 49s
5. 49s
6. 50s

反思：
今日同一位好友既細佬練跑，我地就一齊練300米間歇。最初無諗過衝咁快，不過佢細佬又唔想跑長interval，所以無所謂喇，就衝300米！對上一次衝300米已經喺上年11月，成10個月無衝，對快跑嘅感覺唔太唔記得了。幸好，跑出嚟成績都唔錯，全部休2分鐘左右，除咗跑完第4個多2分鐘。咁耐無練衝到49s-50s左右，收哂貨！可能喺因為身邊有人谷自己，所以推到自己更快！

Enthusistence

已報渣馬！
感謝颱風海鷗，讓我可以7點鍾坐喺電腦前面報名。如果今日要返工，我便無法如此順利報名。這是因為平日這段時間我已趕頭趕命地整理一切準備上班。
各位師兄，下年1月25日有緣見！

登錄/註冊後可看大圖