|
原帖由 allanccl 於 2009-3-21 10:50 發表 waynekkw,花子阿DEE,比因,-R-,Victor 同埋所有參加既咁多位師兄/姐 加油!我會係大風坳附近映快相,差唔多上完斜果陣,記住笑下,抹下汗,映番張大頭相,會映多幾張,擺個靚post呀!
Allan Ching 為大家做義工影相, 十分感激!!
其實畢拉山15K 當係最後一次長課, 然後慢慢減里數, 再加碳, 留力下星期廣州半馬就啱啱好... 抑或條路太崎嶇, 萬一有損傷, 就連鄭開都跑唔到?
所以响山路我都會就住就住... 各位 Ching/Ctse 注意, 若明天有雨, 未必見到條山路 (試過前幾年落大雨, 條山路好似條河咁, 完全睇唔到係氹定係路, 好易中招...) 加埋大霧的話, 重容易迷路, 舊年因為無工作人員响分义路指路, 好多人無端端跑多咗 (所以我衰咗, 後面一直跟住我個Ctse高手又衰埋, 响分义轉右! 咁就跑多咗成k, 累佢無咗個獎...), 總之入咗山路, 一味左轉就唔會錯啦! |
|