|
|
香港三項鐵人挑戰賽2010
2010年9月26日
科學園
人生第一場3鐵比賽, 雖然距離連半奧都冇, 可以話係迷你型3鐵, 但對於我呢個3鐵新新手黎講已經充滿挑戰
比賽前一天, 係小弟結婚過大禮既日子, 比起3鐵比賽可以講得上係更重要既事, 所以之前一整日都忙於準備各樣事宜, 直到晚上10點前先返到屋企, 又咁岩屋企裝修關係, 本來已經亂擺既裝備就更加亂, 終於用左大半個小時執齊比賽既裝備, 再上網睇下d 前輩所提點既tips 同checklist, 11點終於上床, 但實太在興奮, 短短5個多小時既睡眠都唔係太好, 4點半左右起身, 將有關物資, 單車搬上車, 再駕車接載朋友, 好順利地0545 到達科學園停車場
慢慢走到大會既booth, 呢個時侯問題出現, 因為根本唔知longrun 個booth 係邊, 咁走去大會, 大會竟然答我, "我地唔知架woo, 你要問返你地自己 " 下.... 咁我即係點, 由於我0645已經要briefing, 第一次參加有好多野唔識, 心諗冇號碼布咁點?? 終於係心亂如麻之際"揾到" longrun 個booth(特別多謝花子提點), 見有兩箱野, 知道其中一箱係號碼布, (有彩有位師兄提點, 好似係傑佬, 唔記得係咪) 佢話皇上同kin kin黎緊, 呢一箱係大會既t shirt, 唔好派住, 等皇上佢地黎到先搞
理唔到咁多野,去整body making, 攞泳帽, 貼貼紙, 擺單車同轉項物品, 換衫, 食gel, 準備泳鏡, 望望錶時間已經差不多, 就去聽briefing, 見到hk 3鐵界一哥, 李致和, 仲有一大班身穿港隊既人, 我呢d 新手當然細心聆聽講解(因為真係驚犯規俾人DQ), 心情愈來愈緊張, 同jun 兄, cb34 師兄, 大師兄影過相, 準備落水, 嘩.... 一黎深水出發原來係咁, 係碼頭一跳就落左去, 慢慢游出去等待, 因為太多人, 我慢慢去左好邊既位置, 一路踩水一路心諗, 咁多人點游呀??
一聲之下大家全力出發, 我就平常心向前游, 但游左大約百多米, 發覺唔對路, 自己原來嚴重偏左, 見d 人龍原來貼晒右邊浮波游, 自己立即向右出發, 已經冇留意自己係乜位置, 總之知道自己唔係最慢 , 後面仲有人, 一路游, 慢慢轉向另一邊, 再轉回碼頭位置, 呢個時候又發現自己出錯, 游左向左邊, 又及時修正向上岸位努力, 保持自己覺得最舒服既感覺上岸, 一上到碼頭個人真係腳浮浮, 跟人跑上去, 見到老婆, 再見到亮哥, 多謝大家幫手影相, 唔理咁多人跑去邊我又跟住跑, 向住自己架車跑, 總算記得轉項次序, 但著鞋都係用左幾多時間, 算啦, 就咁推住架車出去, 跟住就上車踩呀踩
單車段, 發覺自行好屎, 可能一直都同自己講目標係完成比賽, 踩車好慢, 平均只有26,7km/hr左右, 一路保持轉速就算, 冇刻意加速, 因為唔清楚自己轉跑步時既情況, 一路上見人家既3鐵車, 真係好快, 當然人家都付出左好多操練先有咁既速度, 又見到d 港隊車隊勾車咁踩.... "fung fung 聲"咁係隔離係咁介我.... 屎左
踩完5個圈, 好驚入到落車區唔識落車, 所以速度收得好慢, 跟大會工作人員指示返去擺好架車, 準備去最後一項進發, 呢個時間問題出現, 因為唔係好知要向邊個方向跑, 同埋大會職員亦冇俾指示, 咁岩見有3個師兄向右邊跑, 一於死跟, 慢慢jog 返過左U turn開始清楚條路線, 去到海邊碼頭見到其他組別又開始準備落水, 唔理得人地咁多啦, 發力係咁跑, 感覺上自己應該仲有力, 開始加速, 不久竟然見到傑佬, 冇諗過追到佢, 大家互相打打氣後繼續加速, 去到折返點攞左條黑色帶時(以表示到達折返點), 點知唔小心整跌左工作人員手上個d, sorry !! 回程因為掌握到條路既距離, 一路可以加速keep得幾好, 回程再見傑佬同jun兄, 跑步環節可以話係最有信心既, 一路只有過人(可能好似花子咁講, 3鐵人少操跑), 最後見到終點衝線, 完成人生第一個3鐵比賽
－－－－－－－－－－－－－－－－－－－－－－－－－－－－－－－－－－－－－－－－－－－－－－
P.S. 後記: 感覺幾好玩, 不過自己個組太早起步, 一來唔想咁早起身, 二來大會準備都好趕, 再者,雖然我玩個組係好多人, 但比起成個event黎講, 個時始終太早, 感覺上比較冷清, 到B組中段時, 整體熱鬧好多
時間方面完全冇留意, 亦冇計自己時間, 知道仲有好大既進步空間, 尤其踩車同游水, 當然轉項技巧亦有好多問題, 不過總括黎講值得一玩同埋玩得好開心
再次多謝longrun booth 咁多位ching/ctse做義工同埋係賽前各方面協助及提點
[ 本帖最後由 馬神 於 2010-9-27 19:05 編輯 ] |
|
樓主
" />" /> 
.gif)
" />" /> 
.gif)
" />" />" /> .gif)
