Cliff之跑步記錄

Cliff

瀝青路面，唔會線腳，唔會凹凸不平，唔會積水，抓地感覺十足，相當唔錯

[ 本帖最後由 Cliff 於 2011-10-1 08:49 編輯 ]

Cliff

好中意呢段直道，跑起來好有feel

Cliff

呢段就當系做日光浴啦。

Cliff

細公園有大雕塑：奔馬雕塑。

Cliff

原帖由 上水馬王 於 2011-9-30 22:21 發表

                               
登錄/註冊後可看大圖

靈芝公園環境好正呀，我都想去跑下！

多謝馬王亦都歡迎馬王過黎跑番幾十轉！幾時你都post d靚跑線俾我地流下口水啦。

其實未中意跑步前，真系唔知身邊仲有咁多跑步佳境，或者系因為平時行公園，通常行路系行唔曬ge，所以睇到的風景都好有限，用跑ge方式就唔同啦，可以睇多好多美景架。

[ 本帖最後由 Cliff 於 2011-10-1 08:47 編輯 ]

Cliff

2011-10-2 陰有短時小雨

國慶假期第二天，亦都系屋企抖左兩日，今日雖然個天一直陰陰地，仲有短時小雨，不過我都想好左，小雨都照跑。
今日決定跑寶安公園。寶安公園其實同塘朗山公園一樣，基本上系圍住幾座小山頭而建，size就比塘朗山公園細好多。之前去寶安公園都系跑環山道，一圈3K，環山道依山而建，石子水泥路面，長斜同急斜交錯，綠蔭環繞，簡直是跑步聖地，不足之處就系（尤其系週末同節假日）好多人，有d路段有時甚至可以用寸步難行黎形容。

另外，公園總有一條上山道，石板路面，斜度更大更陡，d坡度個人認為比塘朗山、平巒山更甚，從北面上山道入口跑上山頂再從另一面落山到東面上山道入口大約2K。

今日好彩落小雨，我到ge時候公園唔多人。跑左一圈環山道后，我決定挑戰一下上山道（之前未试过跑呢條上山道，都系走上去ge，而且行上去都覺好辛苦）。

跑上山道時，仍然貫徹上落斜慢跑，平路快跑的策略，估唔到，之前在我眼裡算系不可能跑上去ge路，今日居然輕鬆征服，而且總上落山兩次，跑完後仲想跑多轉環山道，不過想下都系算了，上半身無問題，擔心ge系下半身出事。系跑上山道ge途中，遇到幾位同樣跑緊ge跑友，以前覺得只能遙望或仰視ge猛人，宜家居然可以拉近d甚至可以平視甚至甚至有机会超越羅wo，好有成就感啊。

跑完後，仲落廚整埋餸兼飯後洗埋碗筷，完全無覺攰。

Ps：今晚整左：薯仔燜五花肉、涼瓜炒蛋、肉片炒絲瓜&炒麥菜，破例飲左罐啤酒，好正！

場地：寶安公園
時間：環山道 3K 17‘
         上山道 2K*2  45‘
         Total: 9K  62'
跑鞋：美記Wave Mustang 6 (宜家越黎越中意WM6 啦)

[ 本帖最後由 Cliff 於 2011-10-2 23:34 編輯 ]

Cliff

環山道隨拍

Cliff

上山道隨拍
下面第一幅就系北面上山道入口，右面ge系環山道

[ 本帖最後由 Cliff 於 2011-10-2 22:33 編輯 ]

Cliff

仲系上山道，從未覺得上山道如此美麗，因為從未從頭到尾行曬。

Cliff

最後一張梗系山頂ge view 啦

Cliff

原帖由 上水馬王 於 2011-10-3 00:46 發表

                               
登錄/註冊後可看大圖

睇你post寶安公國d相，環境一樣咁正

。。。。。。

Cliff

2011-10-3 星期一 阴凉、雨

今日去左市場買餸，好耐無去市場買餸，宜家先發現的餸菜價錢真系貴左好多（真後知後覺得好厲害 ），一般都系到超市買，好多餸計埋一齊look卡，都唔多覺肉赤，系市場就系一樣樣俾cash，真系不當家不知柴米貴啊。

今日跑休，等個膝頭go抖下先。

[ 本帖最後由 Cliff 於 2011-10-4 22:10 編輯 ]

Cliff

2011-10-4 星期二 陰涼

晚上8點半開跑，頭3圈（每圈700米）都系4‘15“ge圈速，第4圈起加小小到4’10”，跑到第7圈（5K）時用時28‘12“，平均4’03”每圈。今晚臨時加多3圈，共跑10圈（7K）。最後一圈居然仲有力衝刺，好爽。

今晚天氣明顯涼左好多，風都大左。汗出得都無咁多。返去ge路上都系好大風，大家記得要注意跑后擦汗保溫，感冒就唔抵啦。

場地：體育館外圍
距離：10圈（7K）
時間：40‘12“
跑鞋：美記Wave Nexus 5

Cliff

2011-10-6 星期四 晴朗凉爽

今晚穿翻ACE跑。
差不多成個月無著ACE，唔知系唔系呢條友要比d顏色比我睇，只系比兩樣感覺比我：個底薄、硬，完全唔系之前輕盈舒適ge感覺。可能系因為呢牌都系著美記Wave，底厚避震強，而家著翻輕量化ge ACE一下子未適應到。

所以，適應跑就系今晚ge主題，慢、慢、慢。先至跑到第3圈，膝頭同腳踝就已經唔舒服，唯有再慢d。最後跑左7圈（5k），呼吸非常順暢，梗系啦，咁慢。對腳就唔系好妥，腳踝、膝頭酸脹，即可拉根，好左少少，睇黎要抖多幾日恢復先得啦。

今晚依然涼爽，大風，所以都帶左件長袖衫去，跑完后擦乾汗即刻著翻，都系穩陣d好。

場地：體育館外圍
距離：7圈（5K）
用時：32’28” （好慢）
跑鞋：Adizero ACE

Cliff

RIP Steve Jobs......................

[ 本帖最後由 Cliff 於 2011-10-7 10:55 編輯 ]

Cliff

2011-10-9 星期日 晴朗涼爽

多跑休左一日，今日一定要跑啦。

今晚都系著返Wave啦。跑左10圈，速度唔系太快，不過感覺好舒服。

上午，送囡囡返學后，去左父母家。做左一d好耐無做ge小事，比如陪媽媽到街市買餸；買餸返黎后一邊泡功夫茶一邊陪老豆睇影碟《建黨偉業》，而媽媽就系旁邊幫孫女縫衫；中午就落廚房幫媽媽煮餸，順便學左炒一個新菜；食完放后搶住去洗碗，等老豆休息一下。我感覺得到，距地好開心。其實父母要求真系無高，得閒多d陪下daddy、mammy啦。

場地：體育館外圍
距離：10圈（7k）
時間：41’59”
跑鞋：美記Wave Nexus 5

Cliff

2011-10-11 星期二 阴有阵雨

下午開始一直落雨，仲以為晚上跑唔到添，誰知到左晚上居然停左，又可以跑啦。

晚上8點開跑，跑左10圈（每圈700米共7K），都系慢慢跑，用時40‘58“，前面都系keep住4’20”ge圈速，到左后3圈就加到4’，最後一圈沖左一下，去到3‘29“。

場地：體育館外圍
距離：7K
時間：40‘58”
跑鞋：美記Wave Mustang 6

Cliff

2011-10-14 星期五 雨

晚上难得無落雨，抖左3日，今日終於可以跑了。
今晚跑體育館大圈，一圈1.2K 左右，最終跑左6圈，7.2K左右。前面5圈都系幾慢，最後一圈加速衝刺，條氣都唔會頂唔順，最後用時41‘26“。

場地：體育館外圍（大圈）
距離：7.2K左右
時間：41’26”
跑鞋：美記wave nexus 5

Cliff

2011-10-16 星期日 晴朗涼爽

今日北京馬拉松比賽日，無得參加，就系屋企睇直播，可惜睇睇下都系d黑人ge鏡頭，只睇左半粒鐘。

晚上8:40開跑。計劃跑10K。距離上次跑正正經經跑10K都系幾個月前ge事，自從膝蓋同腳踝受傷恢復后，一跑到7K下半身都會無舒服。其實經過咁耐ge恢復訓練同深蹲訓練，膝蓋應該硬凈好多。

一個人跑步ge時候，好似可以聽得到身體各個部位ge聲音。一陣個心臟話：“無事war，可以再跑快d！”一陣個胃話：“速度0岩0岩好，不會痛war”。一陣個膝蓋話：“喂喂喂，跑慢d啦，酸酸地啦”！一陣個腳趾又話：“大佬，速度無錯啊，我地宜家感覺良好”！一陣個腳踝又話：“宜家ge速度、跑鞋都幾舒適，keep住啦”..............就系咁一路聽住身體ge彙報，一路勻速咁跑，不知不覺就跑過5k、7k，身體各部位都話無事，可以繼續跑war。最後跑左10.3K，用時57’30“。

場地：體育館外圍（大圈）
距離：10.3K
用時：57‘30”
跑鞋：美記wave nexus 5

Cliff

2011-10-18 星期二 晴朗清凉

晚上8:40開跑，輕鬆跑7.2k，用時39‘38“，天氣涼左，風都大左好多，跑極都唔覺好多汗，跑完后拉筋時d汗先至baba聲咁流。

場地：體育館外圍（大圈）
距離：7.2K
用時：39’38”
跑鞋：美記wave rider 14