本帖最後由 kokyan_lam 於 2013-7-19 17:42 編輯
Pre-Season Course Week 1
16/7: Time Trial 5k 地點: 國內
天氣: 25, 晚, 陰
經過141日既休季期, 又要開始為新一個賽季好好準備. 兄弟姊妹們, 假期已經放完了, 係時候做野! 呢段時間內作為保持狀態同儲里數, 共收獲左645k的里程, 好希望呢一筆資金可以成為新一季的一個好基礎. 另外, 深明練拳唔練功, 到老一場空既道理, 因此在休季期既後段, 開始加入左動態拉筋同Core Training. 相比上一季, 13/14季既季前準備工作可以講係充分既, 對我呢個業餘來講. 新一季由本星期開始, 會進行4-6星期既季前準備, 長度視乎狀態同進度而定, 目的係操起狀態, 因此會重新加入速耐項目. 到左賽季打算就每一個比賽進行專項, 參加5-6個10k/半馬比賽既目標暫時冇變. 對未來既一季, 我係樂觀既, 希望自己既成績有所進步, 亦希望藉跑步認識更多志同道合既朋友, 互相鼓勵, 擴大自己既圈子. 新一季吹雞, 先來一個time trial, 睇睇自己現時可以去到邊一度先. 呢幾個月來, 完全冇做過速耐課, 因此呢一次time-trial會成為日後計劃既指標. 先做2k warm-up, 然後動態拉筋. 25度, 微風, 陰天, 環境合適. 隨意set一個目標時間, 就4’05”/k pacing. Dare to aim. 4’01”…4’06”…4’04”…頭2k冇咩異樣, 3k開始集中力下降, 開始氣喘. 有d懷疑自己做唔做得到. 集中精神, 第4k做4’00”. 第5k比較難捱, 出汗開始大, 用盡肺活量總覺得唔夠, 下肢冇異樣, 不過開始覺得攰同辛苦, 再難發力. 咬緊牙關4’03”完成, 即時手量心跳, 165bpm. 抖順後cool down 1k完課. Time trial結果滿意 .
總時間: 20'13"
平均速度: 4'03" Split: 4'01"/4'06"/4'04"/4'00"/4'03"
本月共跑89k
國慶長跑10k倒數77天 皇者之戰10k倒數152天 渣打2014倒數214天 |