想問在跑季賽事之間練習量

kokyan_lam

其實比賽如果想有好成績的話, 係唔應該報得太密, 否則係會打亂自己既訓練同休息.
我最多可以接受到三星期一個比賽

同埋我建議比賽的途程都要好好編排, 半年的賽季, 短程盡量行先, 再半馬, 全馬最後. 免得到時比如渣馬全馬前三兩個星期前有一個10k, 咁就等如浪費左一個寶貴既星期日長課機會, 又變成練速度又唔係, 練長途又唔係, 兩頭唔到岸的窘局.

比賽亦都要分為主要同次要, 即ABC級, A級係你最睇重既比賽, 必爭成績不可既比賽, 一整年既訓練就係為左A級賽事, 通常一個途程只得一個. B級就係次要, 用來測試自己為左A級賽既準備功夫, 或者試新戰術, 跑法, 為A級賽試路等等. 為左A級而準備既B級賽可以有唔同途程. 例如報左美記半馬做A級, 其實可以用皇者之戰10K來做B級準備, 因為皇者之戰有梅子林一段可以練上斜之餘, 又唔會太長程, 咁來做備戰亦得既.

kokyan_lam

C級賽係D玩票性質既比賽, 例如非正式既歡樂跑, 呢D just for fun或志在攞禮物既, 可免則免. 唔使講, A級賽前一兩個星期已經要開始減訓練量, 等身體有最好休息來迎接比賽, 做最好既成績, 所以其他既比賽都唔可以打亂A賽既計劃

kokyan_lam

龜兔競跑 發表於 2013-8-7 20:22
Alex兄 好有計劃喎!  來緊賽貴應該胸有成竹了 , 得閒過多D料比小弟好喎, 咪收收埋...... ...

傻喇, 講出來好似好有道理, 不過實行起來都唔易的....

kokyan_lam

炒炒 發表於 2013-8-9 10:03
A, B, C 是自己分的

即係你想係那個比賽做成績就是 A

正解