請支持爭取馬拉松設輪椅賽

csrunner

柏林馬拉松輪椅賽也只有28名選手參加, 大部分 (22人)為海外選手, 為何人家仍要攪?  這就是文明社會應有之義。

計算成本? 社會支出?   這好容易演變成「所有殘疾人士都是社會負擔」的謬論。  

两個人不搞? 三個人如何?  東亞運有好幾場田徑賽事只有三人作賽, 香港運動員只要能完成, 便銅牌在身了。這又如何?

對於「過左去」為何要拗?  這等終「六四 啲人唔死都死咗, 拗嚟有乜用」!!!   前事不忘, 後事之師, 「拗」係因為要鞭策與監察有關人等, 否則歷史只會重蹈覆轍。

Derek

爭吵也是沒有結論的

[ 本帖最後由 Derek 於 2011-2-22 23:32 編輯 ]

餓龍

原帖由 waikwong 於 2011-2-22 18:25 發表

                               
登錄/註冊後可看大圖

小弟之前寫下感性的說話，現想回應反對人士的意見。
傷殘人士是社會裡的弱勢社群，社會對於他們付出資源比正常人多，這是一個富裕社會應有之義，不好說兩個，就算一個去參加，我們亦應給予他們機會。
所謂有demand ...

Waiwong,理性的討論才能有成果,空有慨嘆只是詩人/文人而已.

我只看到有一個要解決,要研究的問題是:“首先,他們要有十公里比賽的經驗.”這可能要求香港殘奧委員會主動先行每年舉辦一個賽事.

Waiwong 言:“小弟列出以上人士認為今年不設輪椅賽的理由”

我不是因為有什麼原因而認為“今年不應設輪椅賽”而是認為“今年取消輪椅賽是合情理”.

今年推出“輪椅賽”至比賽日期總有兩個多月吧, 兩個多月的訓練對真正及熱心的運動員來說是否不足以達到應付45分鐘的十公里比賽呢?

所以,在下於上一貼問了幾個關鍵問題
1. 究竟現時香港有多少輪椅比賽的運動員?
2. 他們日常在何場地訓練?
3. 有沒有合適的長途訓練場地?
4. 他們訓練的強度是多少?
輪椅賽是否合理就要看以上的答案了.

相信大家都不認為要否決“輪椅賽”的存在, 大家都不會否定或不支持來年舉辦“輪椅賽”的可能性.但總要面對現實,究竟有多少殘疾人士願意參加“輪椅賽”訓練.要知道,比賽用的輪椅並非一般的輪椅,相信價值也很高.加上運動員要克服訓練場地,交通等問題.而且要操作得好,避免受傷總要有個教練吧.假如一年只有一個賽事,他們願意嗎?(參加港鐵競步賽一公里賽事者, 雖然每年都有人為此而加入更長賽程之競走運動員行列,但又有多少會願意整年的訓練只為一個一公里的比賽?這是我經驗之談)

為小眾爭取是很值得去做的事.但,現實始終是現實.不是說有一個夢想就一定能成事.如果不能以客觀的心態去理解事件就不能達成什麼共識.

推廣小眾運動員之難,我是深有體會.與其怪怨他人,不如從自己開始,先行組織一個“輪椅賽”體育會之類的社團,吸納有意加入之運動員吧.

餓龍

首先,我只是自己發言,並不代表任何團體

------ 我敢肯定餓龍你冇參加過2010年既香港長短跑賽事, 今年呢位傷殘選手係有參加大部份無分傷健組別的!

你想表達什麼?你想回應什麼?
其實閣下介唔介意單車手同你一起落場比賽?(你明白我想表達什麼嗎?)
如果單車會會員報左名,之後用單車同你落場,你有乜感覺?(希望佢地唔會咁攪事)

----- 餓龍, 你如果唔睇報名表而去惡評一個專業既專業作家, 反而你唔用心做好你既工作了….大家所知, 呢個賽事係”事後”發生的, 唔係大家一齊報名前一分鐘發生, 而係渣馬跑之前2個月先發生!

最後一分鐘的意義,你覺得點理解?
其實你有冇睇晒所有文章?莊君所指控之事?

------唉吔, 我真係好心痛有咁多人麻木地反對…. 唔知好餓既餓龍係咪餓得濟, 冇留意同睇到輪椅賽既資格呢? 你冇國際認可既特制輪椅車, 你係唔可以跑的! 你地反對之前又唔做足功課了, 我地作為跑友, 好多唔同既跑步資料都會去睇. 你地今年有冇留意有位義肢朋友既訪問, 佢隻跑步義肢都係價值不菲的! 香港有好多傷殘人士, 好想跑, 好想同大家一樣一齊感受快樂既氣氛而唔係講其他. 唔知殘協會唔會幫到呢d跑手而唔好將我地既稅款轉晒去其他運動上! 人家既強度同你又有何關係? 大家跑友都唔肯定到自己今次可以跑100米定1公里定跑到半碼, 你可以肯定到嗎?

閣下既然知道有特制輪椅車,你應該明白我點解會問香港有幾多輪椅賽運動員.
其他的問題似乎閣下不明所以
---訓練強度你使我o 咀了.

--- 那你的”總會”所有投標的資料又不能公開的, “k生”也公開了不能公開的秘密了!

你想表達什麼?

--- 你知唔知道自己講緊d咩呀? 依家講緊香港, 唔係中國! 同埋中國比香港進步好多年, 人地一早就有輪椅賽了, 又唔做好功課就閙作者!

中國沿岸馬拉松,有冇跑友可能講下今年係西貢已經攪左幾多屆?
西貢,唔係越南果個西貢.

---錯晒! 我地既稅係俾政府再由政府決定出係邊一d機構! 就算好似渣馬咁, 佢地係做善事, 唔應該中間人有”太多”的受惠! 另外再重申一點, 反駁人之前要做足功課, 呢幾年呢位跑友都跑左好多個長短途賽, 請問, 係咪已經叫做試辦左? 同埋試辦係唔應該係一d太大型同人太多既比賽度試辨的, 請下次做足功課才反駁作者吧.

第一,任何機構都可以申請於任何地方舉辦馬拉松.但,是否批准是另一回事.
第二,渣打報名費只係報名費,捐款是另外捐的.
第三,個位仁兄想有輪椅賽,但香港有其他運動員一起比賽嗎?如果一個人的比賽是比賽,咁佢老哥應該每個星期都自己攪一場比賽啦(當然,呢d係反話,一笑置之吧)

對唔住,有d火.

leefs

原帖由 lewischan 於 2011-2-22 17:08 發表

                               
登錄/註冊後可看大圖

點解 longrun.hk 不加一個 另類跑友的 forum 呢? 可以集合一些志同道合的人，傷健一家!

嚟緊週日的嘅"祝捷會"你會見到！

chisuet

見此帖火藥味甚濃, 回埋這一帖, 就不再回了.

事情有分輕重,
六四及人質事件等, 都涉大是大非, 人命失去了是無可挽回, 再者有人仍在逃避責任, 當然不可以"由得佢就算".
但馬拉松是年年有, 今年辦不成, 還有下一年. 損失的只是一個機會,
若下一年或以後都不再搞, 到時再嘈就未遲.
就算那班輪椅選手, 他們的訴求都已是爭取明年舉辦.
連他們都放眼下一年, 為什麼我們仍要執著過去?
是不是要下星期就要重新再封路, 再跑一次有輪椅賽的渣馬才叫收貨?

至於應否去告殘疾歧視, 就有那些輪椅選手及平機會去跟了,
如他們也認為無此必要, 我們這些健全人士, 為此而拗應否去告就有點無謂, 倒不如將精力集中關注未來輪椅賽發展更好.

如果長跑網可另開特殊項目的forum, 我會樂見其成, 全力支持.
衷心希望下一年的渣馬能有輪椅賽.
就此別過.

waikwong

田總有冇規定跑者要有十公里比賽經驗才可參加十公里比賽？
參加十公里比賽人士大部份都跑唔到四十五分鐘，部份人是行路的，不是跑，有些人根本沒訓練便參加比賽，為什麼田總會給予他們參加？
本人今年都是第一次參加馬拉松，沒馬拉松比賽經驗，為什麼田總又給我參加？
如跟餓龍的說法，夠資格參加比賽的人會很少，到時田總便冇錢揾了。
真理只會愈辯愈明。我們今天的討論，就是以史為鑑。
有人選擇站在高牆那邊，用種種不同理由，築起種種制度，去欺壓雞蛋那邊。

lewischan

原帖由 leefs 於 2011-2-23 06:55 發表

                               
登錄/註冊後可看大圖

嚟緊週日的嘅"祝捷會"你會見到！

皇上,
我要同個仔溫書,去唔到呀!! 我會支持的!

Lewis

餓龍

waikwong,

徒手與器械係兩回事.安全,永遠都係主辨機構的首要考量.早幾年芝加哥馬拉松發生跑手死亡事件,於香港立法會上即有議員就安全性有題問.到香港發生跑手死亡事件,即時有要全馬跑手有曾經參加過十公里以上賽事的門限.發生事大家當然係睇戲,但主辨負責人就有排解話.更請各位記住,負責人唔係受薪者,只係為興趣而攪的.

波士頓及倫敦馬拉松輪椅賽只為精英賽事.在下不知其他馬拉松輪椅賽的門限為何,如果莊君能提供給大家參考實為各位有興趣討論者省卻不少時間.

本人一再重申,不是要拒之於門外,而是要探討輪椅賽發展的空間及可能性,所以"有人選擇站在高牆那邊，用種種不同理由，築起種種制度，去欺壓雞蛋那邊。"我覺得是有原告冇被告.

再者,英國有一個輪椅比賽會,但網頁正代開發.所以不能得到什麼資料.

gergercheung

唔想就有受薪與興趣呢個話題度再針著!  佢地既款項呀, 收益呀, 亦唔想講 (大家有眼睇報紙)!
總有人認同, 亦有人反對! 作為一項運動, 係香港攪多d都係一件好事! 怕有人傷,有人死,有人投訴,怕麻煩而唔去推動一項對香港形象好既運動又另一件事!  每項運動都有佢既危機性, 唔單只長跑會死人, 慢跑都有咁既機會架啦!  
用器械呢2個字黎形容一架輪椅車真係令人覺得有d那個!  佢地果架唔係一個器械囉! 佢地果個同你對腳一樣, 你有一對腳行, 佢地只係俾你不幸, 冇左對腳先要用輪椅代步!   而且大家依家講緊既唔係要係香港攪精英賽囉! 大家講緊既係支持多d傷殘輪椅人士去同大家一齊參加比賽, 至於攪得好唔好, 有冇危險既, 唔係大會要諗既地方咩? 點解要反而怪責傷殘人士?  香港人幾時變得咁無理, 將人地既過失用顯微鏡放到無限大, 將一d需要改進既主辦機構既問題隱藏落黎?  唔好講邊個俾錢攪個活動, 來來去去既錢咪又係我地既錢? 香港人唔交稅, 可以攪到咁多個活動咩? 難度你又認為傷殘人士可以免稅架喎?  再講落去真係無用! 唔岩channel!
就此別過!

odinmusashi

不為也，非不能也。
輪椅賽並不是什麼新東西，隨便找兩個曾跑過的比賽看看，都有輪椅賽：
http://www.goldcoastmarathon.com.au/default.asp?PageID=19643
http://www.xmim.org/en/rules_regulations_1.asp

田總只會不停擴大10k的名額，也不會花心力去辦輪椅賽。

錢作怪是也。

waikwong

愈辯愈明

餓龍

"大家講緊既係支持多d傷殘輪椅人士去同大家一齊參加比賽, 至於攪得好唔好, 有冇危險既, 唔係大會要諗既地方咩? "
如果閣下有乜提議可以同場而安全之下比賽既話,煩請你明燈指路.好使香港長跑比賽攪手有所跟從.

本人亦建議閣下約同十數位跑手朋友同該位人士一起跑步.唯一條件係佢係你後面緊追住你.你既其他朋友就係佢前後左右.睇下個感覺是否好正.

"唔好講邊個俾錢攪個活動, 來來去去既錢咪又係我地既錢? 香港人唔交稅, 可以攪到咁多個活動咩?"
除左一d蚊形區賽,工商盃及一d慶祝什麼什麼的比賽之外,有乜比較大d又受歡迎既長跑賽係用緊納稅人d錢攪架,我真係好想知.

經過此次之後,該車手應該招募志同道合既運動員係合適既場地進行有系統訓練,此為上上之計

各自表述完畢.

---------------------------------

我考試冇一百分,問題一定唔係我果度....................如此思維........

餓龍

多謝資料提供

"錢作怪是也。"
報名名額----10人以上,20人以下. 300 一位.最多3000 - 6000元.
我睇唔到因為就缺少呢3000 - 6000元.

睇下明年點先再講啦.

waikwong

我真係覺得好好笑，有人不停地講D好似理由的理由。所謂辭窮理屈，正正在此。

本人亦建議閣下約同十數位跑手朋友同該位人士一起跑步.唯一條件係佢係你後面緊追住你.你既其他朋友就係佢前後左右.睇下個感覺是否好正.

[ 本帖最後由 waikwong 於 2011-2-24 21:43 編輯 ]

餓龍

都係果句,講多無謂,試左先再講吧.

千里之行............完

gergercheung

like your reply!

lewischan

原帖由 waikwong 於 2011-2-24 21:41 發表

                               
登錄/註冊後可看大圖

我真係覺得好好笑，有人不停地講D好似理由的理由。所謂辭窮理屈，正正在此。本人亦建議閣下約同十數位跑手朋友同該位人士一起跑步.唯一條件係佢係你後面緊追住你.你既其他朋友就係佢前後左右.睇下個感覺是否好正 ...

妙答.............

babee

點解過左去都重要拗? 其實好簡單, 因為大會用左一個極之令傷殘人士傷心嘅理由去决定辦吾辦個賽事. 而呢個理由亦係傷殘人士聽完又聽既廢話.

"都冇人用, 為乜一定要整傷殘人士廁所?"
"咁少傷殘人士楂車, 同正常人一齊揾位咪得囉, 使乜預留位俾佢哋? 一年可能364日都冇車泊响度, 真浪費"
"火車站駛乜整盲人地圖丫, 真係十年都冇人去摸佢"
"........."

我受薪於一間美國大IT 公司, 專做 Internet 有關既服務. 究竟有幾多盲人到訪我公司網站? 公司有幾多盈利由盲人而來? 我相信0.5%都冇.

一間以盈利為首的公司, 其實有十萬個理由去做大部份人都覺得合理既事, 就係同d 盲人講: "吾好意思, 因為太少盲人用我哋網站了, 我哋吾會特別為你哋做額外設計去方便你到訪..."
好出奇地, 間公司正正做左個相反嘅决定, 就係如果個網站軟件有內容係d 盲人既儀器讀吾倒既話, 咁個軟件就過吾倒QA出吾倒街. 因為呢個决定, 公司過去亦曾delay 軟件發佈日期而令股價受壓...為乜? 呢d 咪係對弱勢社群嘅社會責任囉.

傷殘人士從傷殘既第一日起, 已經注定係"少數人". 用數字多少去回應傷殘人士既需要, 同你呀媽係女人你呀爸又姓陳有乜分別?

除左醫食住行上厠所之外, 任何人都有權去追去基夲需要以外嘅生活質素. 大會以報名人數只有两人而取銷比賽, 我認為係一個"無能"既決定. 今年搞得成, 下年自然就會有更多人參與.

題外話: 皇者之戰我和那位輪椅人士同場, 鈇人賽亦有朋友和他同場. 老實講我哋吾多明白以上某位師兄驚乜. 不過如果有人覺得生命受到威脅, 咁分開出發亦係一個可行既方法.

[ 本帖最後由 babee 於 2011-3-16 00:15 編輯 ]