請支持爭取馬拉松設輪椅賽

hychong

各位跑友，

傷殘運動員Mr. Samuel在Facebook設了一個群組「同路同心，傷健齊跑」，希望得到跑友市民支持，爭取渣打馬拉松辦輪椅項目。

http://www.facebook.com/home.php#!/pages/%E5%90%8C%E8%B7%AF%E5%90%8C%E5%BF%83%E5%82%B7%E5%81%A5%E9%BD%8A%E8%B7%91-Same-Road-Same-Spirit/179677588742539

希望大家支持，去Facebook的群組Like。若果爭取到數萬、甚至數十萬人的認同，是可以有力量改變的，讓傷殘人士都可以參與香港馬拉松。

謝謝！

莊曉陽

csrunner

好 Like !!!

Gunners

support~~

waikwong

like like like

chisuet

我都按左like. 值得支持.
但外地比賽多是平路, 而香港賽道多是上落斜, 要辦輪椅賽舉先要解決呢方面(尤其是落斜)既安全及保險問題.

twins2200

原帖由 chisuet 於 2011-2-20 17:30 發表

                               
登錄/註冊後可看大圖

我都按左like. 值得支持. 但外地比賽多是平路, 而香港賽道多是上落斜, 要辦輪椅賽舉先要解決呢方面(尤其是落斜)既安全及保險問題.

有見地!~

sunrise

原來只得兩個人報名, 田總取消輪椅賽又真係有道理!
所謂有demand先有supply, 或者等香港有多幾位輪椅賽手, 先爭取都未遲!

lewischan

原帖由 sunrise 於 2011-2-20 20:15 發表

                               
登錄/註冊後可看大圖

原來只得兩個人報名, 田總取消輪椅賽又真係有道理!
所謂有demand先有supply, 或者等香港有多幾位輪椅賽手, 先爭取都未遲!

I agree.
只有2個人當然要取消，我不同意麻木爭取，反而馬上動員有興趣的輪椅跑手，準備和參加明年賽事比較實際。

Lawrence

咁又可以... 早d 發報, 多d 宣傳...

你地有冇點聽wheelchair果個promo? 我諗如果想開辦, 又真係要落多d 力既...

咁如果個個都知, 又個個都推, 不過又得果兩個人參加, 咁梗係唔應該麻木爭取啦..

eric798

平機會是否應該以違反殘疾歧視條例向田總提出訴訟？

hychong

今天，廣大女性都可以參與馬拉松，是因為四十年前，美國兩個女性（Bobbi Gibb and Kathrine Switzer）參與波士頓馬拉松，冒著被打壓、被工作人員拉出賽道、撕下號碼布、出聲明譴責及取消資格的，開始了整個爭取女士參與馬拉松的運動。

也是只有「兩個人」參與，而且還是分開兩年參與。

大家今天可以玩馬拉松，全是奧運之父，及小數人的努力，讓這項比賽重現世界，當時有多少需求呢？

香港，是否只等於美國的四十年前？

第一屆波士頓馬拉松，有幾多人參與？香港第一屆得千幾人參加，係咪因為人少，唔應該封路搞，無理由咁勞民傷財，畀千幾人玩？

馬拉松一直係無女性參加，亦唔畀女性參加，話女性唔適合跑。直至三十年前先至改變，係咪因為無女性跑，所以唔應該畀女性玩？

全世界的輪椅賽，都唔多人參加，咁係咪其他地方都應該要停辦呢？田總從來無宣傳，十二月先公佈話有，然後四周因人數不足取消，咁係咪好有問題呢？

你永遠唔開始搞，唔去推動，係唔會有人來參與的。你有比賽，自然會有人想參加，會玩。香港不是只有上落路，外國輪椅賽也有斜路，這絕對不是問題。

請設身處地，想像你是坐輪椅而想參賽的，你聽到這些話，會否覺得舒服？會否覺得是麻木爭取？

[ 本帖最後由 hychong 於 2011-2-21 13:15 編輯 ]

hychong

今天，廣大女性都可以參與馬拉松，是因為四十年前，美國兩個女性（Bobbi Gibb and Kathrine Switzer）參與波士頓馬拉松，冒著被打壓、被工作人員拉出賽道、撕下號碼布、出聲明譴責及取消資格的，開始了整個爭取女士參與馬拉松的運動。

也是只有「兩個人」參與。

香港，是否只等於人家的四十年前？

sunrise

原帖由 hychong 於 2011-2-21 13:00 發表

                               
登錄/註冊後可看大圖

今天，廣大女性都可以參與馬拉松，是因為四十年前，美國兩個女性（Bobbi Gibb and Kathrine Switzer）參與波士頓馬拉松，冒著被打壓、被工作人員拉出賽道、撕下號碼布、出聲明譴責及取消資格的，開始了整個爭取女士參 ...

香港的情況似乎跟40年前波士頓馬拉松比賽的情況完全不同, 當時是女性不可以參加; 而香港是有開辦輪椅賽, 只不過只有兩個人參加而取消, 至於是否宣傳不足導致沒有人參加, 其實不然, 因為輪椅賽手既然極渴望參賽的話, 一定會留意到有關賽事的消息; 正如香港大部份的跑步比賽的都無公開宣傳, 又不見有跑友們會報不到名! 所以有時爭取還爭取, 都是要講道理的!

只有兩個人參賽者, 還算是比賽嗎? 既然他們渴望參加輪椅賽, 不如爭取政府或田總撥款, 讓他們同國外參與有輪椅賽的馬拉松賽事, 大展身手, 不是更有意思嗎?

MW_Run

呢單野........剛上過渣打官網，賽事資料一欄就有十公里輪椅組的，咁佢唔係無聲無息喎。

看過有關新聞內容講報名時間倉促，希望主辦單位明年要跟其他組同步接受報名！

hychong

如果兩個人參賽不算比賽？對不起，森柏斯對阿加斯的世紀大戰，也不算比賽了。

為甚麼硬去怪傷殘人士，而不去怪主辦的單位，根本無心去令整件事成事呢？為甚麼不做多一點，去令整件事成事？想多些人參加，有心的單位便應該去推動，去宣傳，去reach傷殘社群，甚麼邀請海外名將來參加，教育市民傷殘賽。

沒有心開始走第一步，永遠不會有結果。

你叫香港人去海外參與傷殘賽，原因是香港沒有，只會告訴全世界：對不起，香港是沒有推動傷殘人士運動的，所以我們無法在香港參加！

這肯定更好！好讓全世界知道，香港是多麼功利的社會。

[ 本帖最後由 hychong 於 2011-2-21 15:52 編輯 ]

sunrise

原帖由 hychong 於 2011-2-21 15:40 發表

                               
登錄/註冊後可看大圖

如果兩個人參賽不算比賽？對不起，森柏斯對阿加斯的世紀大戰，也不算比賽了。

傷殘人士是應該日日留意傷殘賽，這是否太殘忍和欠缺愛心呢？為甚麼硬去怪傷殘人士，而不去怪主辦的單位，根本無心去令整件事成事呢？ ...

我地講緊係跑步比賽, 而唔係網球比賽, 賽制不同; 唔通跑步比賽要好似網球大滿貫一樣, 兩人對決, 渣馬65000強, 28250強, 14125強.....64強...4強...2強; 那呢個賽事, 真係一世都無結果!

我並不是無愛心或太殘忍, 只不過沙田有一個千幾人參加的跑步比賽, 就係封唔到一小段單車徑而被迫取消, 而你卻要為兩個人而封10公里的東區走廊, 這不叫麻木爭取, 又叫什麼呢?

[ 本帖最後由 sunrise 於 2011-2-21 16:01 編輯 ]

chisuet

首先, 要明白點解得2個人報:
- 時間太倉卒(12月才公佈, 只得2個月時間, 點練?)
- 宣傳相對少(未能在開始接受報名時同步公佈)
- 參加資格有限制(只限曾參加10公里輪椅賽才可報名)
最後一個, 才是最關鍵原因. 記憶中香港好少甚至沒有10公里輪椅賽(如有錯漏, 請指正), 既然是行動不便, 有幾多坐輪椅人士曾去外國參加輪椅賽?

樓上有人講平機會應否告田總, 坦白講, 2011年的比賽已經完結, 而家去拗過去的事也沒有用, 除非田總話以後都唔搞輪椅賽先算, 既然田總對此抱開放態度, 家下打鐵趁熱, 而家就應該開始諗如何在下年渣馬復辦輪椅賽:

我想到的包括:
1) 安全及保險問題(我之前在#6講左, 落斜的風險係一大問題)
2) 訓練配套 (包括教練及找個合適場地給輪椅使用者訓練, 一個400米的運動場顯然不能滿足他們需要)
3) 特製輪椅的訂製及租用
4) 在渣馬之前, 最好搞一個公路輪椅賽
5) 路線方面, 按今年的比賽安排, 半馬及10K問題不大, 只要早於在健全參賽者起步便可, 但全馬就可能有問題, 在回程時很可能遇上健全半馬跑手, 是否應該分隔開? 如不隔開隨時有意外, 如分隔就會令路面收窄, 會更塞人.

坦白講, 身為健全人士, 我真的希望渣馬下年能舉辦輪椅賽, 讓殘疾人士也能分享長跑帶來的喜悅.

[ 本帖最後由 chisuet 於 2011-2-21 16:40 編輯 ]

hychong

老兄，請不要偷換概念，我是說兩個人打網球，不是說大滿貫、網球賽制，兩個人打網球怎可能不是比賽？那麼當年的世界200米冠軍，對世界100米冠軍，是否又不是比賽？

你自己食不到飯，所以也要傷殘人士也不能食飯，那有這麼霸道？

[ 本帖最後由 hychong 於 2011-2-21 16:18 編輯 ]

graceng

馬拉松設輪椅賽應該沒有機會了, 看過今前兩日的明報,發現原來渣打是田徑總會高威林先生賺錢的項目(聽聞佢是包辦了大部份渣打供應商), 輪椅賽是蝕錢的, 一個商人不會做蝕錢的生意o另外大家說輪椅賽只有兩個人參加所以取消? 請問之前有沒有人知有輪椅賽?依d 叫做政治技倆,學學吧o

sunrise

原帖由 chisuet 於 2011-2-21 16:06 發表

                               
登錄/註冊後可看大圖

首先, 要明白點解得2個人報:
- 時間太倉卒(12月才公佈, 只得2個月時間, 點練?)
- 宣傳相對少(未能在開始接受報名時同步公佈)
- 參加資格有限制(只限曾參加10公里輪椅賽才可報名)  
最後一個, 才是最關鍵原因. 記 ...

講得啱, 應該向前看, 我之前亦提議在其他小型賽事中加入輪椅賽, 一方面讓主辦者了解如何辦輪椅賽, 亦讓健兒多點經驗, 多些傷殘人士參與.
其實好似盲人運動員一樣, 以前很少失明跑手, 但現在多得健全跑手的協助, 越來越多盲人可以參與長跑比賽, 而其他參賽者習慣同失明人士一同比賽, 而不會產生不協條的情況!

所以輪椅賽亦應按步就班, 如果本地暫沒有這方面的賽事, 不妨讓出國比賽攞經驗, 賽手有經驗, 攪手有經驗, 賽事先可以攪得成功!