大家如何看待比賽的勝負

allanakb48

個人經歷，本人已經是要参加元老組的人士，上年參加一個區際田徑大會1500米，當日元老組得3人參賽，即是只要肯跑就有獎。而其中一個選手不斷問人點cut 線，又大大聲話自己未跑過，而最後他跑出5’15，左右而且赢了. 及後我在其他地區分齡賽竟然都見到他的名字，仲超過3個區。 我想帶出的問題是大家都一把年紀，第一好，第3又好，公平競爭，体育精神。但我可能太執著，我不太欣賞這種人。因為20年前我曾是學界冠軍，我自己或者是競爭對手都不會用這種方法，大家都是公平競爭，友誼第一，比賽第二。但是現在是否有部分人對對待比賽的態度變左質，其實大家都一把年紀，多一個朋友又何況呢!

PS . 這個勝利者最後係無同我握手，佢見到我，可能因為我得第三，慢佢30秒，但我想同佢講，20年前我跑4’30，哈哈。

DorisC

師兄, 看你的經歷也有點感慨; 跑友中有 60s 70s 80s 90s 的朋友仔, 不同年齡跑朋友仔的人生觀對獎項得失甚至 PB 或自己的 PACING 也有不同的保留及爭取! 我沒有什麼意見, 因為知道是人生佰態! 年輕的也許會閗心較強亦比較外露, 也不能說什麼, 每個人也年輕過有閗心一定比在家HEA 的是好的! 日子久了社會人生經驗增長了應該漸漸會純化了明白一山還有一山高天外有天, 閗得幾多....: 況且比賽多的是一次得失剎眼又過啦....哈哈! 但如你經歷, 那位朋友非年青小伙子也有如此面對不了自己的情況態度, 只感他是人年長了但思考沒跟進上..哈哈! 共勉之! 我對自己的 PACING 成績沒有什麼保留, 因為我會面對自己, 並不覺自己太差或太好, 只想跟朋友分享生活那又何需保留小事; 獎項..有是BONUS 沒有亦沒有影響什麼, 又何需執著呢!

onionufo

師兄，好老實講，我唔覺得果位跑手嘅行為有不妥之處，除非佢比賽過程入面有故意出術阻擋他人前進/跑出界等犯規行為則另當別論。單從師兄嘅描述，果位跑手嘅行為充其量只能算係心理戰術嘅一種，一個稍有經驗的跑手理應都見怪不怪，更何況師兄以前係學界高手，更加無理由唔識處理呢種局面。如果因為信左人地話佢好渣而對佢放鬆警覺而導致比賽輸比佢，只能話係自食其果。何況比賽想贏其實再正常不過，根本唔係咩唔健康嘅心理。個跑手係係冇犯規情況下使出心理戰增添勝算，乃合情合理。無法理解點解師兄會覺得咁樣會違反公平競爭，体育精神。

allanakb48

onionufo 發表於 2013-11-2 11:10
師兄，好老實講，我唔覺得果位跑手嘅行為有不妥之處，除非佢比賽過程入面有故意出術阻擋他人前進/跑出界等 ...

我同意你分析和觀點, 人在不同時間會有不同的體會, 其實我都學會放低, 只是想享受比賽, run for fun, 無壓力... 哈哈

小叻

每個人對比賽得要求也不同, 係都講個比賽得3個人, 而5'15, 其實真係唔係一個快時間, 可能果位冠軍跑手, 真心認為自己跑得不快? 又或者只是同名同姓? 又或者只是未曾跑過1500M的距離? 又或者他真的不懂CUT線?
我早幾年會很緊張勝負和時間, 獎項反而不重要, 因此就算是自己組取冠軍, 但輸比某些對手, 或時間不好都會不開心...
當有人問我跑成點, 我會講好差, 又或者上線時, 會話自己狀態麻麻, 於是有人就覺得我好假, 或者好串, 但事實我真係覺得自己跑得唔好~

當然人成長咗, FOCUS又唔同咗, 又試過有意外, 現在只要可以跑, 無論勝負都咁開心… 最攪笑係, 之後就有好多人, 尤其是男跑友問我, 點解我跑慢咗? 無理由我會輸咖?

呢位師兄, 我認為長跑是好個人的, 每個人的生活背景和體質都不同, 根本不必同人比較, 而一句說話也不足以左右勝負… 那位冠軍跑手, 都應該影響唔到你~

allanakb48

非常同意，當天我比賽的目標並不是名次，是盡自己能力完成比賽，而我報名的原因都是因為我的小朋友不相信我懂得跑步，始終人到中年，體重上升，不能同當年相比，但當天他們努力的幫我打氣，從而令我決定復出，而這個post都是我當天遇見的一個小點滴，想同大家分享和討論一下，哈哈

Mickey

allanakb48 發表於 2013-11-3 06:28
非常同意，當天我比賽的目標並不是名次，是盡自己能力完成比賽，而我報名的原因都是因為我的小朋友不相信我 ...

很好的啊 ⋯ 相信師兄今次比賽目標已達，並已成為你的小朋友心中的英雄偶像了。

coolmanlai

玩開道路長跑賽而不懂田徑場cut線规則的人比比皆是,我就是其中之一.有說800米要跟線道跑過100米绿色弧線後才可cut線,1500米就可隨意cut線,但跑800米有時裁判員又會話無須跟線道跑,所以賽前問清問楚好合理

onionufo

coolmanlai 發表於 2013-11-7 19:09
玩開道路長跑賽而不懂田徑場cut線规則的人比比皆是,我就是其中之一.有說800米要跟線道跑過100米绿色弧線後 ...

800m正式比賽的確要過左mark位先可以cut線。

http://www.youtube.com/watch?v=ck3oXjirPsQ

stwilson

其實一般跑前我會調查好，比如看看舊年成績如何，如果有機會就要好好把握。
如果能力不行盡力而為就夠了。

chtang

正是各人取向不同。放鬆點吧！