郭炳江 約以1小時10分完成十公里賽事

bunbun

http://hk.apple.nextmedia.com/financeestate/art/20140120/18598732
蘋果日報 2014-01-20

中環在線：郭炳江輕鬆跑馬拉松 仲有氣撐施政報告        

新地（016）兩位老闆郭炳江、郭炳聯繼上月跑完ICC樓梯，噚日又跑馬拉松。差唔多日日跑步嘅郭炳江約以1小時10分完成十公里賽事，現場見佢跑得幾輕鬆，跑完冇耐仲有氣撐CY上周出爐嘅施政報告，指扶貧政策好，土地政策清晰，又減少樓價大起大跌嘅風險。

新地今年第19年贊助「公益慈善馬拉松」，有過千名員工晨早齊集北潭涌郊野公園，參與半馬同十公里賽事，兩位郭生只跑十公里。據聞郭炳江本身鍾意跑步，每日返工前至少跑半粒鐘，難怪跑完十公里都幾好笑容。

佢細佬郭炳聯雖然都有做吓運動，但明顯唔夠阿哥咁弗、咁好氣，約遲郭炳江半粒鐘先跑完，尾段半行半跑，喘晒氣，但以佢60歲來講都算係咁。

噚日朝早市區得十零度，北潭涌應該再低兩、三度，郭炳江着住短褲，跑完仲有氣同傳媒傾20分鐘先鬆人。無他嘅，明知大家一定問佢點睇最新嘅施政報告，佢都早有準備。

鼓勵入行做建築

郭炳江認為，今次份施政報告做得最好就係扶貧政策，可以鼓勵低收入家庭同鼓勵就業，但長遠就要睇政府點樣落實同執行。佢又獻計，指建築行業嘅地盤工人同工程師都好缺人，政府可以諗計鼓勵中學生、大學生入行，前途好好咁話。

至於土地政策，郭炳江認為，政策清晰令未來五至十年土地供應穩定，樓價冇咁易大起大跌。補地價仲裁先導計劃又為發展商提供更大誘因賣樓套現，再買地起樓，變相增加供應，估計每年可增加4,000至5,000伙。

李華華



文匯報 2014-01-20

2,300人跑公益金馬拉松破去年紀錄        

香港文匯報訊（記者 子京）香港公益金公益慈善馬拉松昨天隆重舉行。逾2,300名跑步健將不畏寒流，齊集西貢北潭涌挑戰半馬拉松及10公里賽事，為公益金資助的「安老服務」籌款。在各界人士鼎力支持下，活動參與人數錄得15%增幅，再度打破去年紀錄，成績令人鼓舞。

郭炳江郭炳聯等主禮

開跑儀式由公益慈善馬拉松籌委會主席郭炳江及贊助機構代表新地主席兼董事總經理郭炳聯，活動籌委會聯席主席張永銳和李嘉士，委員蕭志成和伍偉國主持。郭炳江、郭炳聯、張永銳、蕭志成、伍偉國，更身體力行帶領旗下員工參與賽事。

連續第十九年贊助「公益慈善馬拉松」的新地號召逾1,000名員工和親友參加，人數為歷年之冠。郭炳江衷心感謝各參賽健兒熱心支持，他說：「集團希望鼓勵大家透過這項有益身心的運動平衡生活，同時幫助社會上有需要的人。」

一眾健兒由北潭涌郊野公園出發，途經景色怡人的萬宜水庫和山澗林木。今年，新地不但在賽後為跑手提供美點、生果和餐飲，更送上毛巾、暖杯和其他精美紀念品，以示鼓勵。這項一年一度的慈善籌款活動舉辦至今，共吸引19,000人參加。今年，活動共籌得超過港幣600萬元。善款將會全數捐贈作慈善用途。

felixcat

精神可嘉

qaz.201309

都算係咁啦。

ckycat

這個「公益慈善馬拉松」真的如報導所言，
吸引超過19,000人參加？

它的網頁「去年，「公益慈善馬拉松」得到來自45間機構逾2,000名跑手的支持，成功籌得善款逾港幣640萬元。」
http://www.commchest.org/hk/how/ ... aspx?DocumentId=182

Hennatalk

ckycat 發表於 2014-1-20 18:17
這個「公益慈善馬拉松」真的如報導所言，
吸引超過19,000人參加？

合理啊！本post前十幾行話贊助了十九年，至今(累積)成19,000，平均每年一千

kokyan_lam

以江少爺既年紀同平日日理萬機, 呢個時間完成, 已經好唔錯

長跑傑

新聞話佢仲有氣撐施政報告, 好攪笑....

肥鬼跑手

三四年前他還可以兩個鍾完成半馬

Andy

見過佢中午在寶雲道跑幾次，還有保鏢跟跑。