TCS Amsterdam Marathon 2014.10.19

brompton

我今次，跑完荷馬，會租車專登經過德國入瑞士，去德國買護膚/美顏用品。所以，要預留行李quota，回程會鑼成箱用品回來。送禮，自用都好。

brompton

係德國買眼鏡框，某個德國出名品牌，平香港門市一半有多。一個全Titanium薄輕身眼鏡，約一千元港紙。如薄輕鋼的，約$600-700。唔洗等特價，行入去，標出價錢已經好靚。眼鏡框打住Made in Germany。

brompton

德國，係一個非常好購物的地方，d價錢真係平，(唉！可想而知香港野係幾貴)。望住Euro的標價，初到時真係唔慣，乘開十算，嘩！乜咁平？我自由行，有時間，踩住架單車，唔急，慢遊。可以係城市四圍去。去一般市民居住的地方，食野，購物。

brompton

德國的皮鞋，平靚正，真皮手工做，HandCraft in Germany。係香港，無兩，三倍價錢，唔洗唸。見到廚窗，樣樣都想要。總之，Made in Germany唔會貴得去邊。入口野，就另計，價錢比香港貴好多。

例如，香港一部大行20"摺車，香港賣$2000，係德國可以賣$4000，一d都唔奇。所以，要野買Made in Germany，先會咁平。

brompton

離柏林鑼號碼布舊機場無遠，唔知乜Suburb。我無喇喇跟錯GPS，渣左入去。感覺好似係深水涉，四圍一望，全是平民食野的地方，又有不少雜貨店。裡面的餐館，好似係聯合國開咁，乜餐都有。由唐餐，至東、中歐餐，西歐餐，印度餐，土耳其餐，數都數唔晒。係香港，無乜機會食土耳其餐，入到去，見到個餐單，main course，都係十元，八塊歐羅($80-$100)。唔識點叫餐，就見週圍客人食緊乜，我就指住要乜。

一個main course，一個人係食唔晒。德國食餐的份量，係好大。以香港人的標淮計。

brompton

德奧捷，我去左好多境點，全不收錢。唔同大陸，一間唔知乜廟，都要收一百，幾十人民幣。所以，觀光，祇要有部單車(或可以坐公交)，就可以不花一分一毫，進進出出入觀光點。如果坐公交，就貴鑼。

問過同我買荷蘭飛機票的旅行社，五日任用公交的pass(好似係五日，或者係四日)，價錢係$1250港紙！我都係踏單車算。

brompton

公交咁貴，唔怪得荷蘭大部份人口，都以單車代步。

brompton

玩左二十三日，我祇比左兩個境點錢，一個是參觀新天鵝堡(要預先係網book好時間，旺季好爆。係門票買，隨時無票)，另一個是係國王湖遊船。

去歐洲跑馬，如果有時間，真係唔好跑完即走。慢遊行下，玩下。歐洲，生活節奏慢。不過，德國的生活節奏，同香港有得fight。德國係一個高效率，高記律，高要求的國家。

brompton

跑歐洲馬，旅遊資源豐富，交通便利，民宿處處。如果，以人生路不熟為理由，選擇跟跑馬團，無可厚非。又或者，成團跑馬人，有照應，同聲同氣，有傾有講，亦無不可。

但，如果想試下自由行，感受當地平民風情，風險亦不高。而且，價錢必比跟團平。不過，要視乎個人性格。有些跑友，平日生活工作，已經好忙，無乜時間plan行程，又或者用行有大小，自由行不方便。跟跑馬團，亦是一個不錯的選擇。

brompton

我習慣自由行，可能係我有在人生路不熟的地方，踩單車的能力。一部單車，一個單車包，就可以天地咁任去。加上可以渣車，無論左軚右軚，都無問題。就算無租車，係歐洲穿州過省踩單車都得。

跑馬+踩單車/租車自由行，係我至愛。

brompton

未來都會以歐馬為主，計劃有西班牙馬，東歐馬。模式，都係咁玩。流浪玩法，平民消費，體驗歐馬風情。

brompton

祇要鑼住一部三防的手機，載上GPS地圖，離線GPS單車/汽車導航功能，離線歐洲旅遊指南，離線民宿資料，交通資料。一張銀聯提款card，歐遊就無問題。加上唔咸唔淡普通話，英語加手語。

還有帶備自拍神棍，藍牙自拍神器。:-)

brompton

如果係荷馬，師姐見到有個好似香港人咁款，踩/推住架Brompton仔，出現係鑼號碼布，或起步點的地方。可以同我打聲招呼。我們一行四人，三架Brompton仔，一架Dahon摺車。

brompton

IMG_7731.jpg
IMG_7875.jpg
DSCN2120.jpgDSCN2257.jpgDSCN2272.jpg

kf

我住起点附近，18号一早會到expo拎野，之後坐火車去睇風車

minmin

我都係18號一早到,去expo,

minmin

brompton 發表於 2014-9-26 10:34
祇要 鑼 住 一 部 三 防 的 手 機 ， 載上GPS 地 圖 ， 離 線GPS 單車 /汽車 導 航功 能 ， 離 線歐 洲 旅 遊 指 南 ， 離 線民 宿 資 料 ， 交 通  ...

好似可以租單車,但係唔識路,唔知踩去邊?

tango

brompton 發表於 2014-9-26 11:08
IMG_7731.jpg
IMG_7875.jpg
DSCN2120.jpgDSCN2257.jpgDSCN2272.jpg

多謝分享，，好吸引

brompton

Holland Bike Route Map:

                               
登錄/註冊後可看大圖

brompton

荷蘭，全平路，踏單車代步，旅遊，找尋平民美食，係最好選擇。可惜，係風大