|
嘩...位位都係跑得之人, 去程和米高兄, 慢子兄沿途護架 , 陪伴倫皇左右, 跑到去馬場段, 漆黑一片 , 倫皇話是日賽馬可能關閉街燈, 即刻取出手電記得有個電筒功能, 以免單車友見唔到我地發生意外, 好彩過左雙橋馬鞍山段有番街燈, 跑到去學校位, 大班人集齊人馬沖上梅頂 , 可惜大圍兄已經快到不知所踪 , 諗住計吓時睇吓用幾多時間沖上頂, 大圍兄話我按錯錶, 明明係梅子路口位按錶(唔計條途中隧道位,直頭係馬路位開始), 上到梅子閘口位按停, 用埋中午食飯既力先可以8分正上到去, 其他C兄約多30至45秒內上哂黎, 冇理由計錯架...多謝沿路一齊jog返落去既田中兄, 一齊吹水慢jog , 駛到原本陰深沉靜既梅子路熱鬧起來 , 沿路追上快腳集團, 好彩到左划艇會追到sue C姐, 仲一齊跑完河畔段 , 到左晝舫等齊人腳, 直奔沙田運動場, 回程中見一位C兄遠遠狂奔 ..利害...心諗今日都未發功, 睇吓被他已經放離左200米, 試試可否加油追趕, 去到沙燕橋先有所接近, 原來係堅兄...正在玩變速備戰賽事, 互片一輪 先可以係運動場前追過, 不過已經死左大半 , 入到場見runrun C姐已到場慢jog等開飯, 一餐6餸晚飯才40元正, 唔知堅兄駛唔駛補貼, 咁平都得? 多謝特別蒞臨沙田食梅既斧山7劍及SSP小隊成員, 仲有倫皇, 米高兄及慢子兄, 歡度了一個愉快既晚上.
p.s. 原來認識米高兄咁耐, 今次先第一次一齊跑, 有機會真係要走多幾轉先.
|
|