17-5-09必達夏日長跑 2009(8K)

田中雅茂

原帖由 runrun 於 2009-5-17 22:02 發表

                               
登錄/註冊後可看大圖

恭喜長跑網各Ching Ctse 都順利完成整個賽事，都好似冇乜人有唔舒服，值得高興！

恭喜獲獎嘅前進兄、suesue、曲奇、Althea小師妹、白頭師兄！今日咁熱嘅天氣下得獎，絕不容易架！

今晚TVB見到susu ...

我睇tvb午間新聞報導都見到呀前進ching係跑手群中行黎行去,
唔知係咪想出鏡呢?hehe!

亞平

原帖由 花子阿DEE 於 2009-5-18 10:02 發表

                               
登錄/註冊後可看大圖

X6,尋日見Sue 兄好似吹緊水,tvb 個咪一隊埋黎即刻埋位講野,說話流暢,好似有稿咁,真的很專業~~

X7,昨日其實有好幾個圍住係度,偏偏邊個都唔搵,一來就搵到仇家啦....

興記J-run

原帖由 咖哩 於 2009-5-17 13:50 發表

                               
登錄/註冊後可看大圖

得得地家姐: 早日康復!
" />" />

X2......祝得得地家姐...早日康復!!

興記J-run

見到一個差唔多全個長跑網師兄/姊都犯左o既大錯，就係集體o向陽光下長時間曝曬，咁樣係會o向賽前失去好多體力，希望大家下次會引以為鑑…

多謝米拿兄的提醒！
我會記住!!

blurmax

見到一個差唔多全個長跑網師兄/姊都犯左o既大錯，就係集體o向陽光下長時間曝曬，咁樣係會o向賽前失去好多體力，希望大家下次會引以為鑑…

Miller Ching,

Thanks for the advice - that's why I could not sub 40 in the race lah!

ChARsoN

原帖由 興記J-run 於 2009-5-18 10:44 發表

                               
登錄/註冊後可看大圖

見到一個差唔多全個長跑網師兄/姊都犯左o既大錯，就係集體o向陽光下長時間曝曬，咁樣係會o向賽前失去好多體力，希望大家下次會引以為鑑…

多謝米拿兄的提醒！
我會記住!!

我記得以前有一年學界田徑800米比賽前又係曬咗好耐至跑....好彩果陣都叫做冬天 冇咁熱
另外 如果我早d 睇到呢個post 就好....

wlau

原帖由 華哥 於 2009-5-17 17:41 發表

                               
登錄/註冊後可看大圖

國際賽係５Ｋ先至有水站，話知你天氣熱定凍，我有年跑廈門馬拉松，氣溫３０度，太陽曬到甩皮，都係每５Ｋ先至有水站。
而家第３Ｋ同第５Ｋ都有水站飲水，已經足夠。設立水站位置都要考慮路面寬度。
報名表寫明 ...

講真 "國際賽係５Ｋ先至有水站", 但佢今次比賽FOCUS 既, 係唔係國際性跑手?
我覺得要因性質同參賽者既身份而有所分別囉, 佢本身個水站DESIGN 上係有問題,
我琴日跑得比賽慢, 算係中後段既選手, 我經過水站既時候, 見到水站張"枱"係對面線, 而且所有工作人員都係幫緊對面線D 人裝水,
我果一刻以為這個水站係回程既, 以為覺得前少少有去程既水站, 所以無飲到, 點之繼續跑落去, 先覺得可能我攪錯, 果然, 我要跑到回程先有水站(差不多5K),
果一刻我已經好累.... 覺得頂唔住, 所以開始半步行既跑速跑過去飲水....
我覺得, 水站既DESIGN 係可以好D, 例如3K , 6K 有水站, 唔好一個水站兩邊用....
因為佢本身條路唔寛, 水站位又細, 令到可能跑外線D 人無咁易GET 到水而就咁繼續跑算....
而且佢3K 同5K 既水站太近, 有D 人可能飲完3K 果邊D 水, 回程果刻仲有一肚水, 而今次路程得8K , 亦可能令到跑手警覺性減底左,
所以無再飲水, OR 用水淋頭, 亦可能係這個原因, 跑手先會相繼係中後段暈低............

試下下年將水站既站置同人手分配改善下會好D.....

[ 本帖最後由 wlau 於 2009-5-18 13:53 編輯 ]

gerryfung

[quote]原帖由 wlau 於 2009-5-18 13:47 發表

                               
登錄/註冊後可看大圖

講真 "國際賽係５Ｋ先至有水站", 但佢今次比賽FOCUS 既, 係唔係國際性跑手?
我覺得要因性質同參賽者既身份而有所分別囉, 佢本身個水站DESIGN 上係有問題,
我琴日跑得比賽慢, 算係中後段既選手, 我經過水站既 ...


同意，兩個水站距離太近，作用不大。

上水馬王

唉，唔意思，琴日小弟有d事黎唔到做義工......sorry

中午搭火車時有線新聞報緊呢單野，原本都幾大劑 之後仲見到速行兄的訪問
無線晚間新聞又見到大汗淋漓的sue師姐

希望仲晌醫院留醫的跑友盡快康復！

最後恭喜各長跑網奪獎的師兄師姐！

華哥

原帖由 wlau 於 2009-5-18 13:47 發表

                               
登錄/註冊後可看大圖

講真 "國際賽係５Ｋ先至有水站", 但佢今次比賽FOCUS 既, 係唔係國際性跑手?
我覺得要因性質同參賽者既身份而有所分別囉, 佢本身個水站DESIGN 上係有問題,
我琴日跑得比賽慢, 算係中後段既選手, 我經過水站既 ...

相信閣下是一位新進跑手，水站兩邊用係好普遍，就如渣打香港國際馬拉松，佢全馬有大半份水站都係兩邊用，有需要隨時去攞水，無人會阻止你，可能閣下係比較少比賽，所以唔明白同熟識賽道情況。
就因為好多主辦賽事的單位，都知道香港好熱，所以唔依照國際賽事規例，將水站設每３Ｋ左右便有水站。
比你差的人可能投訴要每Ｋ都要有水站，亦想要每個水站都設有大型電風扇或冷氣設施俾跑手降溫！
作一項假設，中五會考，全港試題一式一樣，有精英名校生去考，佢哋覺得好易，十優狀元，有普通學校的學生去考，佢哋有少少吃力，但都勉強考到中上或中等成績，而有一Ｄ係自修生或日間要返工而晚上讀夜校的學生，佢哋考時相當吃力，只能考到中下考績，社會上亦有Ｄ懶散學生，佢哋平日唔勤力讀書，所以考得好差。
當佢哋投訴份試卷Ｄ問題好深，令到佢哋考得好吃力，應付唔到，所以成績好差，或交白卷，建議以後Ｄ試卷題目要淺Ｄ，就吓Ｄ成績唔好Ｄ學生。你話甘樣得唔得？
大家跑同一條路，大家都受同一天氣熱影響，大家都係經過水站２次，點解有Ｄ人得，有Ｄ人唔得，就係個人天生質素同後天苦練的成果。
每次跑完，都應該首先檢討下自己的得與失，發覺有失的話，應日後加強訓練，以便應討日後的賽事。
比賽經驗係非常重要，賽事首先熟讀比賽路線同水站位置，比賽前唔好暴曬，起步唔好快，節奏同速度要保持得好，唔好俾人影響，了解自己當日臨場狀態，識得分配體力，中途遇到身體狀態突然下降，識得如何處理。
長跑係有好多學問，並不是隨意亂跑，相信閣下遲多幾年，累積咗有相當比賽經驗，就會係明天的我，打倒今日的我。

[ 本帖最後由 華哥 於 2009-5-18 17:01 編輯 ]

eddie_720

哈哈!!!咁多位,我第一次跑長跑比賽

結果以49分鐘完成,雖然成績同你地比差好遠
不過都好大滿足感!!

awyh

原帖由 華哥 於 2009-5-18 16:59 發表

                               
登錄/註冊後可看大圖

相信閣下是一位新進跑手，水站兩邊用係好普遍，就如渣打香港國際馬拉松，佢全馬有大半份水站都係兩邊用，有需要隨時去攞水，無人會阻止你，可能閣下係比較少比賽，所以唔明白同熟識賽道情況。
就因為好 ...

完全同意！有些人就是這樣，什麼時也只會先怪別人，不會檢討自己。

還記得今年的渣打馬拉松後的第二天，有跑手打電話去投訴為什麼條賽道咁難跑。大會應該安排一條平路係港島區，唔應該上上落落。當主持人說，冠軍跑手能破記錄，他就回答：「我怎樣跟冠軍跑手相比？」

囧....................

wlau

原帖由 華哥 於 2009-5-18 16:59 發表

                               
登錄/註冊後可看大圖

相信閣下是一位新進跑手，水站兩邊用係好普遍，就如渣打香港國際馬拉松，佢全馬有大半份水站都係兩邊用，有需要隨時去攞水，無人會阻止你，可能閣下係比較少比賽，所以唔明白同熟識賽道情況。
就因為好 ...

無錯, 我係新進跑手, 所以我一開始就問以FOCUS 邊一方面既選手為主....
你個會考係以上中六為主, 即係好似全馬拉松咁..... 咁去挑戰既人, 當然要有番一定既經驗同實力先得啦...
但現在這些比賽係以推廣跑步等為主, 咁當中就自然會有好多實力不足同較新既跑手參賽,
既然賽會係FOCUS 這些人既, 咁配套自然就要以這些人為主....

現在跑這些10K 既, 好多都好似我這些新進跑手, 佢地對好多你所講既累積大賽經驗, 係無乜既...
所以可能對好多你所謂既"常識"係唔清楚.... 好似你講渣打全馬水站事件.... 我未去到跑全馬既能力,
所以我只跑佢既十K , 但佢既十K 擺水方法, 可能因為來回係分開, 所以水站只SUPPORT單邊方向既跑手,
好似咁既情況, 我又何來經驗知道好似琴日既CASE 係一站兩用呢?
而且好多跑手就算有常練, 但亦唔代表佢有時間入去熟習跑道, 好似來緊既元朗同十月一日既船灣等....有幾多人可以經常入去熟習呢? 好似我咁, 我平時只能跑維園同去GYM ROOM 跑, 要熟識跑道係難D...而且亦好少會係八點半這個鐘數去練習....
而水站問題, 我覺得好似你咁講, 每3K 就一個水站, 其實係OK, 但我個人覺得, 佢做得唔夠好... 因為琴日既水站站置係3 同 5 K ,最後3K 就完全無水站, 其實會對D 我地這些新進跑手比較食力, 佢平均D , 係後少少先再擺水站, 變左3K, 5.5K 咁, 可能會好D......
我見琴日有D 接受訪問既人, 亦都講出, 水站未必夠, 而要自己帶多樽水去跑...這個就正正係經驗之談, 我下年亦會知道要點做...就係唔好太過依賴水站, 自己帶多樽水去跑(本身我練跑既時候, 都係自己隻手渣住支水跑)

無錯, 事後檢討自己錯係邊, 有乜要改善係必要,但這是事後, 經驗唔會係之前出現...
我自己亦懂得我唔夠力氣, 係八點半這個天氣下全程都係跑, 所以我選擇左行, 同去到水站既時候除左飲水, 仲用水淋身.... 這些是我自己踢開波既經驗.....但唔係所有人都係運動老手...既然FOCUS 既有新人同D 經驗不足既人仕, 又可否睇下我地既提議是不是合理呢?

但琴日暈到出事既, 是否以新進跑手為主呢? OR 亦有不少老手呢?

[ 本帖最後由 wlau 於 2009-5-18 20:22 編輯 ]

wlau

原帖由 awyh 於 2009-5-18 19:08 發表

                               
登錄/註冊後可看大圖

完全同意！有些人就是這樣，什麼時也只會先怪別人，不會檢討自己。

還記得今年的渣打馬拉松後的第二天，有跑手打電話去投訴為什麼條賽道咁難跑。大會應該安排一條平路係港島區，唔應該上上落落。當主持人說， ...

我諗你要分清楚, 乜野叫投訴, 乜野叫提議同個人意見.....
一野就話人唔識檢討自己..... 你又有無睇下人寫乜?
你其實都好似做緊同一樣野, 唔睇下講乜, 就假定左提問者是一定有問題果一個?
你又知我無自己無檢討過自己, 先提出這些觀點?

[ 本帖最後由 wlau 於 2009-5-18 20:25 編輯 ]

華哥

昨日暈倒的人，大部份是新進跑手同Ｄ年青人。
佢哋大部份多數係傍晚或晚上練跑，或係健身室跑步機上練跑，身處陰涼環境，甚少係甘曬甘熱天氣練跑，所以唔適應，導至身體受高溫下虛脫。
年青人好勝，一起步以快速去跑，身體係短時間就升到好高溫，所以捱到暈咗。
廈天練跑或比賽，切記係初段將體溫升到甘高，避免肌肉出現乳酸，以慢起順住跑，慢慢才加速。
我住天水圍，無去試賽道，一年內只跑呢條賽道２次，一次係必達廈日長跑，第二次係工聯會長跑，我對賽道唔熟，全靠記憶。
我都經過新手的階段，我從來只會苦練去適應天氣、路段上落，從來唔會要求天氣環境來遷就自己。
長跑就如人生，要努力學習，不斷改進，去適應社會環境求存，環境唔會因人而改變來遷就你，唯有自己去適應環境。如果事事想環境去遷就自己，廈天就話熱，冬天又話凍，世事那有事事如意。
我都今日這個階段，吃盡不少苦頭，流盡不少汗水，廈天上午９時練跑，酷熱天氣下跑１０Ｋ，紅色暴雨去練跑，條小路浸晒，９號風球，由荃灣經屯門跑返天水圍，冬天６度氣溫仲落緊雨都跑３０Ｋ，點解甘練，因為到Ｄ比賽時，無人知天氣變化係點，這樣可以克服同適應任何天氣同環境。
長跑甘辛苦我都捱得過，世上還那有事難到我。

hogay

原帖由 華哥 於 2009-5-18 21:39 發表

                               
登錄/註冊後可看大圖

昨日暈倒的人，大部份是新進跑手同Ｄ年青人。
佢哋大部份多數係傍晚或晚上練跑，或係健身室跑步機上練跑，身處陰涼環境，甚少係甘曬甘熱天氣練跑，所以唔適應，導至身體受高溫下虛脫。
年青人好勝，一起步以 ...

绝對同意華哥所講..................

peter2008

下次將「廈」字改為夏天，請勿介懷。

wlau

原帖由 華哥 於 2009-5-18 21:39 發表

                               
登錄/註冊後可看大圖

昨日暈倒的人，大部份是新進跑手同Ｄ年青人。
佢哋大部份多數係傍晚或晚上練跑，或係健身室跑步機上練跑，身處陰涼環境，甚少係甘曬甘熱天氣練跑，所以唔適應，導至身體受高溫下虛脫。
年青人好勝，一起步以 ...

華哥厲害我當然知啦, 但亦到係因為你咁有實力同經驗先可以挑戰我地未到達既國際性全馬拉松賽事,
而果d 賽事 就正正係為華哥這等實力派而設, 但好似必達等香港既8k , 10k 賽, 係以推廣跑步為主,
個人訓練係重要, 但因應賽事既跑手既能力以及天氣, 環境而作出少許更改我覺得係可行,
好似之前幾場既, 同樣只係一, 兩個水站, 大家都無乜問題, 但因為今次時間, 天氣有所改變等....
好多之前跑完吐露港, 沙田河畔同渣打10k 既人, 係一時間唔習慣之外, 而出現咁既情況, 係有可能...
佢地可能未經過咁既賽事, 對要點既練習可能唔清楚...... 既然今次出現在咁既事情,
我覺得可以因應天氣, 時間而將參選資格收緊, e.g 係某d 比賽要有係幾分鐘之內等......
以filter 一d 好似我等能力不足既新進跑手..... 令到個賽事可以更易handle.....

peter2008

下次有比賽，早上的溫度是27度以上，建議大會在最後一公里加設水站會較佳，其餘每隔3km至3.5km有水站，這不是國際賽，沿途有不少路障、單車、攔杆等，會影響個人的原素，突然減速等，希望在以後的夏天賽事，主辦單位要留意些。

miller

話分兩頭講，首先，我諗好多ching或者有經驗o既跑手都講過，跑手本身對自己受傷或者中暑/不適係有最大o既責任，你o既身體o向你不適或者受傷前都會俾出唔同o既signal，我地透過練習、比賽去認識身體俾我地o既訊號；另外而家資訊發達，網上面好多資源、意見可以參考，可以避免發生意外…跑步對絕大部份人黎講都係同自己比賽，講笑咁講，你跑一個幾差o既比賽都唔會跑死跑傷人，最多跑慢d做唔到想做o既成績o者…

至於水站問題，好多人未必太了解，呢場賽事o向單車徑進行，大會無得封路，唔可以o向單車徑上面set水站，一個水站serve兩邊都係正常，唔通見到水站我唔俾另外一面d人攞水？另外，太近起點/ 折返點set水站都唔係太好，因為水站係會聚集好多人停低/減慢，仲容易發生意外…

最後，如果為做成績，我同意人少，無晒「行街團」o既比賽係對做成績有幫助架，不過我地仲要考慮比賽氣氛、推動運動，互相包容係必須o既…唔通我地遲d要考左cert先可以跑步、行山、甚至過左30度出街咩？