2009.11.20~22 樂施毅行者

running-sue

0791 隊員 已完成登記程序
0791Arunning-sue
0791B Patrick
0791C Allanccl
0791D John

pan-pan

好想試, 但驚拖累隊友

得得地

原帖由 running-sue 於 2009-6-28 20:58 發表

                               
登錄/註冊後可看大圖

0791 隊員 已完成登記程序

恭喜 sue 師姐組隊成功 !

我遲啲都可能會跟朋友練習,
舊年試過苗圃行動 42km, 但係 100km 太激,
要試過先知... 可能第時有機會再玩.

running-sue

原帖由 得得地 於 2009-6-30 00:11 發表

                               
登錄/註冊後可看大圖

恭喜 sue 師姐組隊成功 !

我遲d都可能會跟朋友練習,
舊年試過苗圃行動 42km, 但係 100km 太激,
要試過先知... 可能第時有機會再玩.

大家一齊加油呀

龜速使者

原帖由 oscar 於 2009-6-18 18:05 發表

                               
登錄/註冊後可看大圖

我想比少少意見！上年行完22個半鐘有以下經驗分享！
其實舊年我行毅行，由八月有人通知有得玩，實際只係練咗兩個月，但個兩個月內無行過山，只係靠跑步同埋行下樓梯(當然行樓梯可能會悶)。所以如果你想用操山 ...

其實麥徑指示足夠，唔怕迷路。而且起步之後，全段麥徑都人頭湧湧，所以唔怕搵唔到路。
不過要留意，如果唔係十一點前出發，去到麥二尾段上北潭坳、麥三中段上雞公山、麥四中段上馬鞍坳都會 塞車。要超車，記住要有耐性、行側邊小路、或者開口講聲「唔該」，大部份人都會讓路。過左呢幾段之後 (如果做20~25小時)，就無咁塞人架啦。
記住，行得要有隊型，如果唔係，行得快既，會係cp等到凍，行得慢既，會好氣餒。

練習方面，俾個參考大家。小弟上年行過，時間係24小時左右。上年由二月開始每星期行一次山，長短不一，但係大部份都係短線 4-5小時行完。另外每個星期跑3~4晚，每次都係 6~7k左右。(仲有踢下波咁) 未試過操長山、跑長課，所以係十月尾既時候，走左去行一次麥三至麥七 (麥1~2好耐無行過、麥8~10未行過)，因為最難就係麥三、麥四、同埋麥七上針山！上針山既樓梯，基本上不停咁行，都要行成30分鐘......果次行完五段路，用左11小時，感覺一下行長途既感覺。(因為之前最長都係行5個鐘)
行山師兄們話，如果呢五段能夠10小時或以內完成，咁應該20~24小時完成無難度。

龜速使者

仲有，如果平時小行山，真係要操多d山。當操到咁上下，記住，上山唔好谷盡，落山要爆盡！
上山谷盡最多快3-5分鐘，落山爆盡最多可以快15-20分鐘！但係落山爆盡，膝頭哥就........所以要行多d上落山，先好爆落上。例如由基維爾行落井欄樹 (反衞奕信徑行)條長樓梯，如果不停咁行到落底都唔腳震，我相信各師兄姐既力量都好足夠去應付jog落山。

allanccl

原帖由 龜速使者 於 2009-7-1 21:28 發表

                               
登錄/註冊後可看大圖

仲有，如果平時小行山，真係要操多d山。當操到咁上下，記住，上山唔好谷盡，落山要爆盡！
上山谷盡最多快3-5分鐘，落山爆盡最多可以快15-20分鐘！但係落山爆盡，膝頭哥就........所以要行多d上落山，先好爆落上。例 ...

多謝龜速使者ching既心得分享，非常有用，謝謝!

daiichi

小弟也成團，目標28hr，多謝龜速使者ching既心得分享

allanccl

原帖由 daiichi 於 2009-7-3 02:20 發表

                               
登錄/註冊後可看大圖

小弟也成團，目標28hr，多謝龜速使者ching既心得分享

恭喜你地成團! 有興趣可以一齊操山，請到以下post睇睇
https://www.longrun.hk/forum/redirect.php?tid=5411&goto=lastpost#lastpost

大圍新跑手

原帖由 pan-pan 於 2009-6-29 22:56 發表

                               
登錄/註冊後可看大圖

好想試, 但驚拖累隊友

pan-pan兄:
唔好咁講....可以一齊操下山，再睇下組唔組到隊啦~

pan-pan

原帖由 大圍新跑手 於 2009-7-3 10:00 AM 發表

                               
登錄/註冊後可看大圖

pan-pan兄:
唔好咁講....可以一齊操下山，再睇下組唔組到隊啦~hgj091" />" />hj

多謝大圍兄!

遲d我都想跟大家一齊操山.  我無信心跑/行完100km, 但到樂施毅行者時我想跟跑/行, 完成得幾多得幾多.

大圍新跑手

原帖由 pan-pan 於 2009-7-3 11:51 發表

                               
登錄/註冊後可看大圖

多謝大圍兄!

遲d我都想跟大家一齊操山.  我無信心跑/行完100km, 但到樂施毅行者時我想跟跑/行, 完成得幾多得幾多.

都得呀，你可以留意呢個post，睇下邊日就到可以一齊操下山，到時又可以搵段路陪跑都得架~

龜速使者

原帖由 allanccl 於 2009-7-2 23:07 發表

                               
登錄/註冊後可看大圖

多謝龜速使者ching既心得分享，非常有用，謝謝!

剛剛醒起仲有一樣。我上年係夜晚係無跑過咁濟，所以對電筒要求唔高。
但係如果要做20~24小時既師兄們要留意，如果十二點鐘出發，入夜時份應該係麥三中段或尾段。如果係兩點出發，入黑應該係麥三段。
正正係麥三有兩大段碎石落山路，所以如果要跑的話 (記住，點快都好，"唔好受傷"係大前提)，要帶強力電筒。我行咁多次夜山，發玩頭燈係唔好用既 (個人喜好)。
我鐘意手渣電筒，放係hip位向前照，咁樣可以將成段路照到。如果只用頭燈，又要頭dupdup，又照唔得多，好難跑。
上年我用支 潛水用既電筒仔 (黃燈)，好處係照到好遠，範圍又大，但唔好處係2個鐘d電玩完。所以我另加頭燈做後備(當然要帶定電池做後備，因為無用support team，所以帶左好多電池)。
今年我買左支 鴨記電筒 ，CREE膽，白燈、夠光夠遠，可以玩到好多個鐘！不過記住，頭燈還是要帶，當後備；電還是要多帶一點點。

今年我 team #977 兩點出發

P.S 唔知大定知唔知邊個曾小強﹖ 佢今年以 north face team名義參加，係#956。有機會見到佢，真係要同佢影張相先得

山海赤子

原帖由 龜速使者 於 2009-7-4 00:54 發表

                               
登錄/註冊後可看大圖

剛剛醒起仲有一樣。我上年係夜晚係無跑過咁濟，所以對電筒要求唔高。
但係如果要做20~24小時既師兄們要留意，如果十二點鐘出發，入夜時份應該係麥三中段或尾段。如果係兩點出發，入黑應該係麥三段。
正正係麥三 ...

操山時都試過用電筒, 都覺得好過頭燈
龜速 ching, 你個鴨記電筒買左幾多錢, 等我都去搵下

我 12:30出發, 應該都會見到曾小強.......係我身邊飄過

龜速使者

原帖由 山海赤子 於 2009-7-4 12:06 發表

                               
登錄/註冊後可看大圖

操山時都試過用電筒, 都覺得好過頭燈
龜速 ching, 你個鴨記電筒買左幾多錢, 等我都去搵下

我 12:30出發, 應該都會見到曾小強.......係我身邊飄過

山兄，我買左舊幾水咋。好平。不過建議買 "ultrafixe"呢個牌子，佢有隻$200左右既幾好。

佢超車既時候叫停佢影返張相留念。

龜速使者

參考﹕
今日跟左班超毅人士操麥1~3，二仔底，死跟最頭一班人。
小弟以6小時10分完成。頭一二名以5小時30分左右完成.....

sleung2002hk

原帖由 龜速使者 於 2009-7-5 22:39 發表

                               
登錄/註冊後可看大圖

參考﹕
今日跟左班超毅人士操麥1~3，二仔底，死跟最頭一班人。
小弟以6小時10分完成。頭一二名以5小時30分左右完成.....

你就好啦~~我覺得搵腳操好難~~~佢地target幾多~~睇下有冇機會一齊操下