跑運動埸的罵怨

foobar

原帖由 停雲慢步 於 2009-9-23 15:26 發表

                               
登錄/註冊後可看大圖

你有氣有力年輕力壯步大力雄, 咪就下人, 衝圈轉彎攝個吉位騎住中線都不會跑多好多. 有些無傷大雅的皮毛小事, 無須上心, 慎防傷肝.

我都認同你的說法, 可以大方一點.
但連續快跑廿幾個圈後,真係好辛苦....

今日跑個陣聽到兩位學生邊行邊講,說:跑步真係好辛苦. 個陣我去到21圈,當埸謝晒累,十分認同

ChARsoN

原帖由 亞平 於 2009-9-23 15:40 發表

                               
登錄/註冊後可看大圖

菲菲,果推BB車既,我話過佢之後,就冇再咁做...之後我都耐唔耐見過佢架....

有時個BB 唔係架車上
而係係肚入面.....(但好似未見過於第一線出現...)

全馬

其實政府開放得個場, 你去跑都要預左有呢D場景出現。
只要佢跑得比你慢, 你都會覺得佢阻住你, 情況好似一個高手在前, 你咪又係阻住佢, 係咪?! 而你又唔可以改變佢地, 咁唯有另選時間去作計時衝圏law。
唔使勞氣, 忍讓下啦!
運動意義係要收身, 仲要修心

Terence86

佢哋慢行都好，最慘係一字型排開，你要過佢哋就要走出幾條線！

Parco爸

死啦...我跑得慢..但又最鍾意跑一線...我都唔知點搭咀好....
鍾意跑一線..是因為400m..易計...易控制...

跑前跑後jog圈就慣性走6線...因為8線通常好多人行來行去...來來回回都有...

星期一親眼見過有師兄走一線...遇著個爺爺與幾歲小朋友在一線玩...小朋友突然玩變速跑..師兄差D片低佢...

都係..一切自律啦..樣樣規管..又未必是最好....

[ 本帖最後由 Parco爸 於 2009-9-24 09:27 編輯 ]

力

一切自律啦..樣樣規管..又未必是最好 x2

MrMoonLight

其實大家有冇留意個運動場使用守則, 個場係開放比市民緩步跑, 係唔可以做練習, 即係話你係度衝圍計時算唔算練習你自己諗
緩步跑的話, 你跑邊條線又有乜所謂吖

saki

如果大家都能自律, 為他人設想, 衝突及不愉快事件自然減少

一個社會什麼事都要靠"法律"去規管人的行為, 其實是很可悲的

華哥

原帖由 亞平 於 2009-9-23 12:59 發表

                               
登錄/註冊後可看大圖

散步的,逆線跑的,倒後行的,推BB車的,擔雨傘的,吐啖的,一字排開慢行吹水的...坐在場邊伸腳入1線的球員..帶小朋友一家在跑道影相的人...缺德的人..香港地冇處不在...可以點?

跑得慢都唔緊要，都係跑，個場開放俾人緩跑，但係佢哋唔係跑，甘就唔好入運動場，我以前間中都去運動場練，時時見到呢Ｄ情境，所以我而家跑街。

jsmleung02

原帖由 華哥 於 2009-9-24 15:11 發表

                               
登錄/註冊後可看大圖

跑得慢都唔緊要，都係跑，個場開放俾人緩跑，但係佢哋唔係跑，甘就唔好入運動場，我以前間中都去運動場練，時時見到呢Ｄ情境，所以我而家跑街。

華哥一線周時有咁情況, 習慣曬啦, 所以我會跑4,5線, 方便避人.   p.s. 星期一晚單野, 我以為你部座駕俾人撞爛呢, 都係audi, 不過睇內文, 原來唔同環頭.

wlau

原帖由 MrMoonLight 於 2009-9-24 12:32 發表

                               
登錄/註冊後可看大圖

其實大家有冇留意個運動場使用守則, 個場係開放比市民緩步跑, 係唔可以做練習, 即係話你係度衝圍計時算唔算練習你自己諗緩步跑的話, 你跑邊條線又有乜所謂吖

而且如果球場有比賽既話內三條線應該唔俾人跑, 就算果時踢波既人練習既時候, 條到隻腳出第一條線, 都無得怪佢, 有時可能反係d 跑步既人影響到踢潻既人添, ....所以自律係人都要, 但跑者同樣都要有自己既自律性...大家都跟番條rule 去玩, 咁先會大家開心...

[ 本帖最後由 wlau 於 2009-9-24 17:10 編輯 ]

schnix

一線係比人快跑用的, 但哩樣野好多人都唔知, 亦都唔會理
我通常會跑一線 (蟻爬除外). 如果有其他人跑得快過我又係跑一線, 咁我就讓開比人跑過, 總之一路跑一路要知道自己有無阻住人. 如果我跑得快過格離個位, 亦會希望佢讓開比我過, 將心比下己囉

bmc

散步,急停,突然cut線,煲電話粥都有，真係見怪不怪,為有大家小心些,反而跑得慢我覺得無咩問題,因為大家都是跑。

wewahaha

原帖由 Terence86 於 2009-9-24 08:55 發表

                               
登錄/註冊後可看大圖

佢哋慢行都好，最慘係一字型排開，你要過佢哋就要走出幾條線！

四位哥哥1-4線並排跑，一係跑去5線過，
一係衝過去，我選擇1、2線之間衝過去，
就到位撞唔到大家開心繼續跑，
就唔到位就你鬧我撞人我鬧你並排阻住人跑，
一句起兩句止大家繼續跑。

lawrence0810

想問下最外圈係咪500m? 跑外圈咪冇人阻lor

我跑時成個場得幾個人, 想撞到人都難~

hoosier

我仲成日見到有人著皮鞋行條跑道添，康文署d職員都唔理 ！

allanccl

原帖由 lawrence0810 於 2009-9-24 23:14 發表

                               
登錄/註冊後可看大圖

想問下最外圈係咪500m? 跑外圈咪冇人阻lor

我跑時成個場得幾個人, 想撞到人都難~

第八線之外無圈約是464M而矣，無500M咁大。

tyler

如果衝400m我唔會跑第一線，因為第一線係最殘，唔夠彈同多人阻
如果快跑多個圈要第一線，我會拍手示意讓路
盡量避開夜晚7/8點跑，因為好多人散步

tyler

虎山道捉著釘鞋好有效率，未跑已開咪叫