獨跑樂

running-sue

原帖由 燉奶佬 於 2010-1-12 10:59 發表

                               
登錄/註冊後可看大圖

係wor，跑完個d都未寫添，我地食野個間叫咩名呀？

汀角路茶座

花子阿DEE

原帖由 燉奶佬 於 2010-1-12 10:59 發表

                               
登錄/註冊後可看大圖

係wor，跑完個d都未寫添，我地食野個間叫咩名呀？

叫做淡水公仔麵~~

燉奶佬

佢地真係唔落味精lor

燉奶佬

13/1
20:30 15c
葵芳運動場
10k  恢復跑
47'34" 141/150
大凍了，食完飯先落去跑，d人都散得7788，腳步都幾輕鬆。

本星期已跑34k

跟跑員yat

帥兄 10k  恢復跑 47'34" 點跟你呢

燉奶佬

14/1
7:00  22c
跑步機
8k tempo run
30'42" 164/174
跑得很滿意的一課。繼績加油，堅持。

燉奶佬

原帖由 oscar 於 2010-1-13 23:31 發表

                               
登錄/註冊後可看大圖

我一陣都要走返轉恢復跑先，唔係今個星期點玩咁長呀！" />" />

係呀，粗粗地都跑下啦！

燉奶佬

原帖由 跟跑員yat 於 2010-1-13 23:32 發表

                               
登錄/註冊後可看大圖

帥兄 10k  恢復跑 47'34" 點跟你呢

ching，你保留實力jer

亞平

奶媽，你都風花雪月返左來啦...係時候公佈下喪走40k既日誌喇~~

燉奶佬

風花左一日，雪月又一日，慢慢先啦，有拖無欠

燉奶佬

16/1
14:30 18c
鄧記-屯門碼頭-天水圍-元朗-屯門湖山公園-鄧記 40k

想不到13:30才於油麻地食完飯，14:15分已可以在虹橋落車，七兄已在拉筋。換衫時，奧兄咬住三文治飄然而至更衣室。換完衫，出到去，細明哥sue 兄也已在場準備就緒。拉筋時，彼此對各人的裝備先議論一番。然後行出澤豐作起點，就到的時候，測試下自己的心跳先，無心跳既？鬼咩，都無戴心跳帶，可能心情實在太興奮忘形，畢竟，這是自己平生第一次有超過兩人的長課。

天氣不錯，嚴冬已被不熾熱的陽光趕走，剩下的只有乾爽舒適。只是憑肉眼都可知道空氣質數很差。但各人的精神面貌都不俗。

急急走回鄧記取心跳帶，14:50正式起步。開步不久，便見錶上的速度時4’49”/k，好心提下佢地，點知換來的是羞辱與恥笑，「無可能，邊有o甘快呀，係5/k 呀，傻佬」，「你平時係blog度，寫d野準唔準架，哈哈哈」，我嘗試反駁，為隻錶討回公道，「會唔會係剛起步，有力，自己跑快左呢？」，「唔會既」。可能佢地對於我連累大家遲了5分鐘起步，懷恨在心，乘機報復，所以唔好得罪長跑網既人，以後要好好記住此點，不然後果是比死更難受。我惟有默默接招，都係sue兄好，無加鹽加醋，不過睇真的，原來是戴上耳機聽歌，所以沒加入討伐行列。細明哥已稍稍落後了點。不久，去到富健，有人對住我地跑過黎，「有人對住我笑既？」「抄神呀」，因此又認識了一位ching。但去到屯門碼頭，他與細明哥已不知抄左邊條路消失了，個然名副其實。

此時又一輪攻勢，「依家我地跑左幾多呀？」 「3.6k」我答，「邊有o甘快呀，最多3k零，dump左隻錶好過啦，我隻腳準個的高科技啦」。我眼眶的一泡淚水，幸好有副超作掩藏而沒有被發現。「喂，一陣間計下警署去兆康幾多k呀？」 「我話2.4」「我話2.7」，兩位大哥，放過我啦，我是旦話個數字，唔合你地意，未又踩落我度？「喂，依家開始計啦，我隻錶係6.89k呀」都係佢地點話點好，唔敢造次，做順民好啦，鬼叫搭錯賊船咩。結果是約2.4k。「都話係2.4啦」隻錶爭番啖氣。跑下跑下，跑了12k，才發現完全忘記每5k按錶，哈哈，可以鬧番佢地啦，我提高嗓門罵過去「都係你地衰啦，撩我傾計，又要我計呢計路，攪到唔記得計時，我邊可以同一時間做o甘多野既jack！」大家又傻笑一輪，步速最穩的長腳蟹都不禁跑快了，7兄立時叫其收番慢，都話人興奮時會不其然跑快左架啦。

過了洪水橋左轉進入歸天之路，不知不覺就跑了15k，(1:11’55”)，我仍然堅信我的錶是準確的。再不久便是20k(1:36’11”)(5k:24:16”)，陰陽人sue 兄仍是跟得好貼，話題自不然去到她處，「本身有既野，等佢拎番出黎jer」 你一言，我一語，都是認為好可以做好成績，想不到3個男人都係一個墟。

天氣好，加上之前跑過一次，熟路，所以跑得很順，仲有氣同佢地鬥咀。上次，跑了20k 已要食包gel，今次去到28k先食，沒大風大雨之下，能量消耗也減少了。25k (2:00’53”)(24’42”)，在惠康入番支水及水特後，便踏上回程之路，去到連接屯門的單車徑，奧兄很快便加速，有了上次的經驗，他已有充足的信心，只見他身影愈來愈小，7兄也跟著他絕塵而去，但我仍有15k，當然唔同佢地癲，但也不自覺的加快了腳步，快d跑完，北上尋歡的意念成為我的動力。Sue 兄也咬住咬住。陽光的顏色變得深黃，慢慢有入夜之勢，天已涼了點，竟有點睡意襲來，所以在28k時食左包gel，跟著架高副超，光猛番，個人醒番些，又重新上路。未去到兆康，奧兄已消失在視線範圖，此人功力深不見底，稍一加操便有不俗的耐力與步速。7兄稍有人性，減慢了等我與sue兄，但當他再稍稍加力，又超前幾丈遠，玩變速嗎，都係走番自己，離澤豐站(他們33k的終點)約300m，有物體移近，腳步聲漸大，不久越過了我，是sue兄，犀利，我被界了! 剩下自己繼續餘下的7k，雖然一個人跑，但知道有人在運動場等自己，便沒有了孤單感。

35k (2:49’15”) (5k 22’58”)，與上次的時間相若，好明顯想快d收工，叫人等太耐都係唔好既，我係話緊係深圳等我開飯既酒肉朋友呀。40k(3:12’17”)(23’02”)到達鄧記，奧兄已立即向我揮手，心中一陣暖意，「快d呀，開locker羅衫呀，好凍呀。」我又錯估了自己的地位。

完成了渣馬前最長的一課，應該都收貨。沒有第一、二次跑完35k那種疲勞程度。希望保持到狀態至渣馬。

神童威威

原帖由 燉奶佬 於 2010-1-18 18:28 發表

                               
登錄/註冊後可看大圖

16/1
14:30 18c
鄧記-屯門碼頭-天水圍-元朗-屯門湖山公園-鄧記 40k

想不到13:30才於油麻地食完飯，14:15分已可以在虹橋落車，七兄已在拉筋。換衫時，奧兄咬住三文治飄然而至更衣室。換完衫，出到去，細明哥sue  ...

奶兄,
好利害喎！唔係話你跑40k利害，而係描述得好利害，簡直亞平上身...

燉奶佬

係呀威威，睇得多佢d野，好自然跟風law，都唔知寫緊咩，好似唔係寫跑步law，你又練成點呀。

running-sue

原帖由 燉奶佬 於 2010-1-18 18:28 發表

                               
登錄/註冊後可看大圖

都係sue兄好，無加鹽加醋，不過睇真的，原來是戴上耳機聽歌，所以沒加入討伐行列。

頭段正確
沒有加入行列, 係因為我當時發現, 我已經上佐一部聲稱5.10/k既賊船

神童威威

原帖由 燉奶佬 於 2010-1-18 23:58 發表

                               
登錄/註冊後可看大圖

係呀威威，睇得多佢d野，好自然跟風law，都唔知寫緊咩，好似唔係寫跑步law，你又練成點呀。

我咪繼續偷懶緊...上一課已經係1月1日，渣打半馬想sub130都好好好困難...
幣！下星期日仲要比賽，點算好？

燉奶佬

[quote]原帖由 oscar 於 2010-1-19 00:25 發表

                               
登錄/註冊後可看大圖

重踩呀，死人頭，無人性，知你人肉測距犀利啦，下次放你係撒哈拉，睇你計唔計到行番香港有幾遠。
下次長課係24/1 下午同wong 蛇佢地跑。自己睇post啦，
再下一次係30/1 下午再跑屯天元，你得唔得？