大圍長跑長友Blog (賽季又到，唔止要勤力d操，仲要勤力d寫Blog。)

大圍新跑手

10.20 城門河畔 Recovery Jog 6K
之前夜晚都係跑完先食飯，今晚試吓食完飯隔個半鐘先落街跑，係樓下公園做完熱身就開始慢jog去到城門河瀝源橋折返，全程約 6K用咗45'10，跑完d筋好似係鬆咗好多但係都仲感覺攰攰地。

登錄/註冊後可看大圖

大圍新跑手

原帖由 michaelyw 於 2008-10-21 13:51 發表

                               
登錄/註冊後可看大圖

大圍兄：
雖然未曾與你見面，但在閣下的跑步blog中得知你是對跑步十分熱心，
藉此恭喜你順利完成30K+ 長課。我在這邊曾試過兩次跑30K以上的長課，兩次都跑到焦頭爛額，第二次只靠食pack gel堅持到最後。 看來我距離跑全馬仍有一段距離...我希望下年十月墨爾本馬拉松跑到4:00。大家繼續努力，願你能成功達標 (3:45??)

米高兄：
多謝ching既鼓勵，其實跑完上次個30K長課之後，係而家我諗我極限都係大約33K度，所以來緊幾個月要更加努力，大家一齊加油啦，我都係度預祝你明年墨爾本馬拉松能夠達成目標。

P.S. 小弟有諗過，如果明年渣打全馬能夠達標，會計劃參加一個海外馬拉松，澳洲會係小弟其中一個選擇，因為可以順道探望住在那邊多年冇見面的細佬，話唔埋到時有機會和ching一齊跑呢。

大圍新跑手

10.22 城門河獅子橋 <---> 雙橋來回 8K Tempo Run
琴晚偷懶冇跑所以今晚無論如何都要跑返，放工返到屋企食咗兩塊面包頂肚就出發。
先由屋企樓下慢跑約 2K去到城門河畔公園熱身，然後例牌全套拉筋之後就沿河畔跑向雙橋，一路見到好多跑友，有d仲係熟口熟面，係差唔多到雙橋既時候迎面見到有個又係熟口熟面既女跑手經過，跑姿輕鬆優美而且步速幾快吓，我個心係度諗一陣回程唔知有冇機會追到佢呢，可能因為係呢個原因，回程既時間都冇慢到，果然好快就離遠咁望到呢個女跑手，兩個人既距離一步一步拉近，跟住仲係天橋轉落海鮮舫斜既時候過咗佢，跟住就順勢跑返終點。
時間：去程 20'57，回程 20'40
飲完水休息咗一陣就慢慢咁jog返屋企樓下公園，係公園完成埋最後指定動作就去食飯。

大圍新跑手

原帖由 Alex 於 2008-10-23 05:23 發表

                               
登錄/註冊後可看大圖

哦! 追女仔

有目標跑起上來冇咁悶o麻，ching都試吓啦，幾有效o架，嘻嘻！

大圍新跑手

原帖由 obaanc 於 2008-10-23 12:08 發表

                               
登錄/註冊後可看大圖

ctse都要試呢 萬試萭靈

nc姐好似有d經驗，係咪ctse練跑都會搵d型仔跑手來追吓？

登錄/註冊後可看大圖

大圍新跑手

原帖由 michaelyw 於 2008-10-23 21:41 發表

                               
登錄/註冊後可看大圖

ching 若過來玩，就算唔同城市我都會盡量過來參與 ~
藉此提供相關資料，希望幫助到ching選擇   

澳洲的大馬拉松賽事有：4月份的坎培拉、7月份的Gold Coast、Perth，8月份有Adeleine(南澳，但規劃較小)、9月 ...

米高 ching 唔該使，4月份太近渣打，9,10月果段時間未必請到假，如果係咁睇來得7月份果兩個安排到。

登錄/註冊後可看大圖

大圍新跑手

10.23 大圍至馬鞍山遊樂場 Easy Run 9.5K
因為琴晚跑得8K唔係咁夠喉，所以今晚諗住去運動場衝吓圈，希望幫到來緊星期日個比賽可以跑快d

登錄/註冊後可看大圖

大圍新跑手

原帖由 loban 於 2008-10-24 13:26 發表

                               
登錄/註冊後可看大圖

....  吾該晒您引路先 la , 我地沙田街芳成日都會撞到 haha ~~~ " />" />
... Sunday 我地就上梅子林 , 您地就記住囉隻杯番泥  la ~~~ add OIL" />" />" />" />" />" />

冇問題，水"杯"大把啦，使唔使幫你攞多隻呢？

登錄/註冊後可看大圖

大圍新跑手

10.26 香港長跑會第 31 屆半馬拉松
順利完成今季第一個半馬拉松賽事，今日天氣都幾熱加上賽前狀態麻麻，賽前只係希望可以跑到sub 2已經收貨，最後跑到1'47'20仲無厘頭咁第一次攞獎真係喜出望外。

登錄/註冊後可看大圖

大圍新跑手

各位 ching：
請放過小弟啦，其實當日跑得比我快既長跑網 ching 大有人在，我只係想係度同大家分享吓當日同大家一齊比賽既愉快心情。

登錄/註冊後可看大圖

大圍新跑手

原帖由 daniel0415 於 2008-10-27 14:33 發表

                               
登錄/註冊後可看大圖

大圍兄：

你的後勁真係強！最尾由烏蛟騰折返時，我看到你和MJ仲差約２分鐘的距離，咁都俾你追到一齊沖線。（不過我今次跑完，隻腳又傷上加傷了" />" /> ）

daniel兄：
你都好强呀，對腳有傷都跑得咁好。

登錄/註冊後可看大圖

大圍新跑手

原帖由 瘋狂跑步機 於 2008-10-27 13:50 發表

                               
登錄/註冊後可看大圖

哈哈. 生平最怕斜路. 上第一個斜已經覺得幾吃力, 為怕突然休黑, 唯有有幾多跑幾多. 唔敢力谷.驚突然 ...
睇怕要操多d梅子林先係上策 .

瘋兄：
如果係咁，有冇興趣聽晚放工一齊來個夜探梅子林呢？

登錄/註冊後可看大圖

大圍新跑手

原帖由 desmond 於 2008-10-27 15:42 發表

                               
登錄/註冊後可看大圖

你地三個一齊衝線個下真係好型，呢張相都可以放係我地網當眼處

而且仲好難得，Alex兄張相係邊度搵到o架？我搵唔到既？

登錄/註冊後可看大圖

大圍新跑手

原帖由 瘋狂跑步機 於 2008-10-27 15:32 發表

                               
登錄/註冊後可看大圖

嘩! 大圍兄咁快恢復到架? " />" /> 小弟唔知聽日回唔回到喎. 聽日再覆閣下. 諗下跑幾點先? 邊度至邊度?

瘋兄：
我今日對腳仲好攰呀聽日都未知恢復成點，諗住如果有人陪既就由沙田運動場跑上梅子林(車路尾)，有力就跑兩轉上斜，冇力就一轉返返運動場。

登錄/註冊後可看大圖

大圍新跑手

原帖由 daniel0415 於 2008-10-27 21:47 發表

                               
登錄/註冊後可看大圖

大圍兄：
多謝關心！小弟是第一次跑這條路，根本唔知路面情況，祗是按著自己的均速跑而已。落斜時隻腳就感覺痛些，不過都預著跑完後會肿的，所以今日一早就去看跌打，希望可樂見吧。

可樂我冇報呀，不過到時會去跟跑或者做吓二公，ching你好好養傷到時見啦。

大圍新跑手

原帖由 waiwaibrother 於 2008-10-27 22:01 發表

                               
登錄/註冊後可看大圖

大圍兄,唔駛等到迪士尼喇！我今早收到信nike有得玩，到時見啦！

好呀好呀，咁到時又可以一齊玩。

大圍新跑手

10.28 緩跑徑 6K Recovery Job
今日要 OT 遲咗放工再加上星期六跑完個半馬之後仲未恢復，一行樓梯就感覺到舉步維艱

登錄/註冊後可看大圖

大圍新跑手

原帖由 chung908 於 2008-10-28 23:24 發表

                               
登錄/註冊後可看大圖

我都有跑黃金海岸15k.

雖然我係水皮d(唔敢著長跑網衫),

但都希望同你地一齊比賽!!

到時見!!

好呀，咁ching到時係咪都會著New Balance鞋來跑呢？

大圍新跑手

10.29 深水埗街坊小隊約跑 Hea跑約12K
昨晚放工越區支持SSP長跑網Twins發起第二次約跑活動，由於該區道路繁忙又多燈位，所以都係冇咩目的咁亂咁跑。就算係西九海濱長廊快跑一段都係冇咩力跑唔起，對腳同膝頭仲好似有d唔舒服咁，加上又肚餓搞到回程既時候仲有少少厭跑既感覺，好彩有堅兄陪我一路跑一路吹水先冇咁悶，時間好慢太約跑咗1小時45分鐘，來緊兩日都唔想跑住，希望星期六既尖鼻咀探路既時候d跑興會返返來啦。

10月累計里數 : 193K
11月目標里數 : 冇
P.S. 可能真係因為 over-trained搞到個人好攰同埋開始有少少厭跑，來緊11月除咗keep住每星期一次長課，其餘既練跑就講即興到時想跑就跑。

大圍新跑手

原帖由 Alex 於 2008-10-30 12:26 發表

                               
登錄/註冊後可看大圖

If you are under-trained, you may not be able to return to the finish point of race.
If you are over-trained, you may not be able to stand on the starting point of the race.

Trained step by step: ...

Thanks Alex ching.