|
原帖由 stanwong 於 2009-5-11 10:03 發表
恭喜馬王兄完成第一個三鐵賽事,下次再接再勵,爭取更好成績!
有冇見到Loud兄?唔知佢成績點呢...
事情就係甘 , 唔好厭悶
今次都好滿意自己表現 , 由於一早知道要好早開始 heat one start at 6:10am , 星期四 , 五便比平時早 1 個鐘頭上床 , 就算星期六睡得唔係太好 , 都應該不會有太大影响 , 星期日一早 2:15am 自己就準時起床 , 照平時習慣吃過一碗麥皮加一個小麥包 , 放輕脚步避免噪醒熟睡中既 2 名債主及大人 , 取過戰車 , 行裝 望望表 3:15 , 好 ! 出發。
本來今次應該响沙田出發 , 但由於自己懶沒有預先放部車响阿媽處 , 所以唯有搭的士去大尾篤 , 用左 $93.00 , 可惜既係我己经預先訂左總會既接戴服務俾左 $100.00 , 但沒有用到好浪費呀 , 當報名費啦 , 無偈。
去到大尾篤都只係 3:55am, 仲見到幾個後生仔响停車場放同箏 , 燒烤場 o個邊仲傳黎一大班
約有 15-18 個學生哥模樣既哥仔响處大聲吹水。我见時間尚早 , 揾張櫈坐坐;
望住個海 , 感覺有 d 凍 , 怱然见到有位 ching 着住潛水衣 , 手取住电筒和蛙鞋 , 向住岸邊水下面好似照什么?
大家打個照面 ,
ching : 咁早去踩車 ? 小心 d 呀?
我 :有心 , 我去比賽 ,
ching : 嘩咁早到 ? 諗住企櫈仔呀 ?
我 :講笑啦 , 笑左 2 聱好大聲 , 哈哈! 咪反啦 ching.
Ching : 3 項 ?
我 :係呀 ! 陪太子讀書啫。
ching : 個個好似李致和咁勁 , 你都無㽼啦。去o個邊睇睇有無魚先。
我 :ching 都玩開 ? 唔阻你……………
就咁自己等到 4:45 分call 埋個 friend 响停車場跟手去放低 d 行理响 locker, 預備去報到, 放置單車 , 突然响轉項區 , 有人叫左聱 Andy….
把聲好熟…原來係 Jason 兄..大家打個招呼之後再 set 完轉項物品
。
每次 3 項 , 都會见到好多好毒好毒既單車 , 好易毒發身亡 …..
終於 5:50am. 要預備下水了 , 拉住筋聽 briefing 啦 , 又见到 Jason 兄 ,
呢次仲有 Ginny 師姐..大家吹下水 , 自我介紹下 , Ginny 己经忘記我係邊個了。
由於幾個組別一齊落水 , 我估計都有 100 人以上 , 今年自已只係游過一次水咁大把 , 唔好阻人發達 .一于包艇出發啦 , 頭 300 米用住輕鬆自由弍游下先 , 都仲跟到大隊 , 但去到最尾浮波 , 風浪明顯大左 , 又驚消耗太多體力 , 改游蛙式 , 慢慢俾大隊放開 , 終於游左一圈 , 望下表 19’xx , 好意外…比 ITU disneyland 頭 750m 快左…,但望下前後左右 , 大隊己经離遠去,
得前面 1 個自由式 , 1 個蛙式 , 後面有 6-7 個人到 (其實自已也不大清楚)
好 ! 為避免上水望而消耗過多體力 , 一放決定跟住那個蛙式 ching 尾游住自由式 , 反正佢游得都唔慢 , 仲有游蛙式一定游到比較直 d 既線道 , 只要我望住佢脚影便成 , 果然策略無錯 , 上水望望表 37”28 , 即係呢圈仲比頭先快左 1’ 體力仲留得幾好。去到單車轉項區 , 見到我個 friend 着緊鞋 , 有點意外仲見到佢 , 原來他的頭盔扣不見了响處找緊 , 等我換好佢己经出發左,
出到上車區 , 我己经 set 左 50T 拖住 19T 去衝左個頭 200米直路 ,…
一直利用頭段既速度衝到 1/4 到轉 21T ., 23T., 25T …仲有 1/4 先到 400米亡命斜頂 , 無法起身搖車上去 , 仲有 2 件老外响我後面一齊搖車 …爽呀!
4 laps 既來回單車賽道 , 對我黎講並不陌生 , 以前末結婚前都经常來 , 對於上波我問題不大 , 但下波 , 可能人越大胆就越細 , 竟然有時要煞住制先敢衝下去 , 眼見大部 ching 下波速度都接近 >60km/hr….自已頂多 45km/hr..
單車環節都無想像辛苦 (就梗係 …一路俾人界..不過好開心..見到咁多猛車, 自己都好開心)…去烏咬騰上完斜 , 回程下波可以休息 , 比 Disneyland 要一路踩可能仲舒服 , 1hr 42min 終於完左單車環節…換完跑鞋…隻腳有少少麻, 但無緊既現象…自己呢年跟 longrun,ching& ctse 約跑
北區兄弟 “馬王, stan, kopo, cyw, dee”每星期既基本功既努力無白費到 , 心跳得 149 , 咪同我跑 lsd 一樣 , 就 keep 住呢個心跳跑埋尾呢 10km, 反正望望表 , sub 3 無望 , 好好享受呢次比賽 , 等到 9 月 Disneyland ITU 先再谷過 , 成個賽事用左
3 hr 14 min 16 sec 。
非常滿意自已表現 , 身體狀况比之前 ITU Disneyland 強左好多, 要改善既地方仲有好多 , 事後同我朋友食早歺 , 大家都估跑步沒有 10km 長 , anyway…今次只不過是當 ITU 前之熱身。之後踩車返回上水都是 12:00 到 ,
仲可以陪家人去吃午餐 , 仲去埋公園玩 , 最緊要大人唔好詐型。
完
[ 本帖最後由 loudspeaker 於 2009-5-11 13:54 編輯 ] |
|