|
|
3/10 跟壞人隊操凹凹
早一夜收到小道消息...有機會落雨,心諗咪會涼d囉
點知去到西貢....只能見到藍天,而沒有雨水
等齊人,大約8:50am左右由牛開始出發
因為壞人隊長病到黑晒面...R副隊長又未訓醒...咁我先可以帶住個頭黎玩
今日身邊無摸鬼教練跟住...試下走快D既速度,睇下自己去到邊個程度先
上完牛,之後輕輕咁跑下....跑跑下感覺到身後有壓力,再聽到有腳步聲
原來係圍圍大前鋒開始攻擊...一路走一路走...到左雞,圍圍開始放慢囉
咁我就繼續去啦...落到水浪浪...時間1:32...快左添
之後等佢地落黎...跟住補水(多謝停雲師兄既十卜)
向著馬出發....我見自己有D狀態,咪繼續去囉
去下去下...又有壓力...原來到小前鋒馬王進行攻擊
就到馬頂...R副隊長醒喇...好輕鬆咁就介左我
之後落完馬...係平路位試下跑啦....跑完一條比較長既路之後...
頂唔順,比壞人隊過先...我就調節返自己既速度,慢慢行下先...去到基圍耳3:59
之後都係行去沙田咬....落到去,已經見到壞人隊(壞人隊長黑晒面)休息完補水中
咁我又要食麵,補水...就同佢地講,你地搞掂就行先啦,唔水等我
我食完麵,補完水就獨自上路...上獅都幾辛苦下,因為個麵未落格
到左落架時就好好多,個麵已經落格喇...速度都開始快返...落到大埔道6:06
唔停唔休息,向猴出發...頂!!咁多車走黎喂猴食野架...搞到成條路都係猴,幾乎行唔到
一路行,一路爆粗 ....去到樓梯入口見到源師兄走人囉...狗狗又打黎
係城門十卜...等我一齊上針,草,帽...去到城門6:52
......無可樂飲...車仔阿叔又無可樂...只好買甜筒食...狗狗幫我入水,好兄弟
食完甜筒,補完水....睇睇時間,,要食壞人餐飯應該無可能...要做10個鐘都還可以
咁就唔多休息...開始上路...有狗狗帶住行...好好多
一路上針,過草....落到鉛鑛咬8:24
之後唔多休息喇...同狗狗&前輩大叔一齊上路...前輩大叔講左D毅行經驗我地聽
一路行...希望入黑前去到馬路位啦....又去到路
行到上波波頂先開始黑喇....咁我同狗狗就不停咁跑落去...希望個時間靚D
落到荃錦9:54....終於做到10個鐘內喇 |
|
發表於 2010-9-28 11:13:03
發表於 2010-9-30 00:36:04
，因為會令到電解質的濃度下降&失衡，肌肉就會賣老抽，每次少量少量咁飲就ok。另外識一d老手話飲的8成是保礦力，聽到都覺得甜到漏
...
樓主
!!!
激
