香港ITU三項鐵人亞洲盃(2010)

kofelix

原帖由 orce 於 2010-10-25 20:30 發表

                               
登錄/註冊後可看大圖

我自己今次游水比預期慢左分幾鍾
單車無咩得勾, 80%帶車/自隊, 機件亦有少少問題
跑步以為足10K, 預算錯左, 亦set左目標對手

當吸收經驗啦(雖然已經玩過好多次)
三鐵就係咁複雜, 成個比賽既戰術好視乎自己身體 ...

我覺得呢D正正係三鐵好玩之處!

我玩完都比佢深深吸引左,決心下年要擁用自己既單車,並多加練習!!~

gforce

原帖由 kofelix 於 2010-10-25 20:20 發表

                               
登錄/註冊後可看大圖

thx~

師兄,其實你知唔知係咩獎黎架??

好靚既獎座!

D文

原帖由 eddiebuzz 於 2010-10-24 23:34 發表

                               
登錄/註冊後可看大圖

Upload 中 http://picasaweb.google.com/eddi ... UTriathlonAsianCup#

唔該晒eddie師兄

sunnyyip

昨日比賽開頭游水去得好順，點知越游越無力，比自己target慢咗2分鐘先上到水，望完手錶都當堂無咗d心機，跟住上車踩發揮都幾好，全程都無比身邊果幾隻鬼佬放甩，入返迪欣湖時諗住收腳留力跑步，點知後面突然成五六架車殺上嚟，想hea啲都唔得，但一落地跑已是有心無力，完全發揮唔到自己比較好果項，係咁比人過，最後2：36到終點，唔達標有少少失望，唯有下次練好d啦。

ginnywong

我都報告下先,2:52完成, 比上年快左5分鐘, 好滿意
http://ginnywong9111978.mysinabl ... p;articleId=2664888

另外報告女子隊成績
AR bee半奧第二
Vivian繽紛組第三
希望越來越多女士加入三鐵行列

wong.siufu

恭喜兩位女鐵人攞獎

恭喜AR bee和Vivian

kito807

原帖由 ginnywong 於 2010-10-26 10:36 發表

                               
登錄/註冊後可看大圖

我都報告下先,2:52完成, 比上年快左5分鐘, 好滿意
http://ginnywong9111978.mysinablog.com/index.php?op=ViewArticle&articleId=2664888

另外報告女子隊成績
AR bee半奧第二
Vivian繽紛組第三
希望越來越多 ...

恭喜呀~~~ 好勁呀!!

vivianip

嘩~~原來ginny係到report晒比大家知~~
阿Bee好勁呀~~ 今年佢攞左好多獎~~佢好似參加左咁多個比賽都有獎咁製~~好勁呀~~阿BEe出年又o黎過~

RowerBee

Vivian, u too!! 你成日話自己唔得, 事實證明你掂架, 你要比多O的信心自己, 一定可以做得更好啊^^
我呢, 三鐵同你一樣都係第一次攞獎架咋, 仲有好多地方做得唔好需要改善,
黎緊都唔可以咁貪玩報咁多長跑賽, 要留返O的時間出黎跟大隊練車先得.....(不過都要過左毅行先得了)

另外, 都恭喜哂各位完成比賽/ 攞獎O既師兄, 完成自己O既目標,
黎緊大家繼續一齊開心三鐵啦

上水馬王

我的ITU report：


DAY 1

今年除左毅行外，全奧距離既鐵人賽係我重點目標之一。但其實呢個"重點"都無乜花過時間去準備，只係在夏天既時候去學曉游自由式咁大把，單車又少操，所以賽前都無定咩目
標，一心求完成叫做完成過下"全奧"就算了。 反而目標係想晌Fun組贏番個獎盃仔開心下，上年拎第四，今年好想搏入三甲！

比賽前認一認對手，發現上屆冠軍無出現，加上因天氣的問題改為"跑+踩+跑"，唔洗游水，所以對打入三甲抱有信心。今次上線比以往的任何跑步比賽都要早，仲要係排第一檔！ 一……出閘呀，大家出得相當之齊，只係有個西人零零舍舍帶出，仲越跑越快！ 同場仲有其餘四組共五組的選手一齊起步，又唔清楚佢地既實力，所以臨場唔敢同佢地鬥燒，keep番自己既速度，留守晌大約15位內的位置。 跑了約1K，發現上屆季軍的選手晌我附近，於是一心拍實佢黎跑，希望出轉項區可以勾下車。 點知原來咁短距離既"跑+踩+跑"係唔洗換單車鞋的！  佢晌我慢吞吞脫跑鞋之際，話咁快就推車走人，點解可以快我咁多？ 一時意料之外令到我少少謊張起來 。 當我幾乎推車出轉項區，想追回佢的時候，有工作人員嗌大聲公："前面選手調轉左頭盔！" 嗌左兩次我都不以為意，直至Eddie晌後面叫我："馬王，你調轉左個頭盔呀！ " 我心諗，唔係呀話，唔怪得先頭個死人頭盔咁難帶啦......頂！  拿拿臨整一整，又side左時間，個心又越黎越緊張。 一上單車個人就定番d，見車就界，亦無其它車趕上，但我的假想敵晌視線範圍內已經消失得無影無奈了！ 當我繼續努力狂追的時候，有個著體院衫既後生仔中途勾我車，應該係16-19歲組別既。俾佢跟左差唔多一圈後想回一回氣，想佢幫手頂一頂，於是問佢有無貨，佢竟然話無氣！？ 真係好想講粗口鬧佢，條友勾完Eddie之後又勾我，根本都無出過力……可能佢都覺得唔好意思，臨入U-turn幾百米才死死氣地帶頭。 雖然佢帶得唔快，不過有半分鐘回一回真係差好遠，諗住U-turn後自己帶番。 點知條友原來係新黎既，
入到U-turn位竟然成架單車停左晌度問工作人員係咪要轉彎！ 天呀....有車晌你後面架，問野都唔洗停低架？ 就係咁樣掂一掂佢後轆後，自己甩唔切lock鞋，就連人帶車扒左落
地  。 最慘就係架車甩埋鏈，搞左好耐至搞得掂，仲點追？   睇黎三甲好渺茫，退而求次，爭個豬肉獎都好啦，於是又起勢踩希望可以收番多少失地。 點知踩唔夠一分鐘，另一架
單車打橫咁鏟埋黎，今次真係炒埋一碟，手腳都損埋。 咁大個仔都未試過一分鐘內炒兩次車咁蝦傻！ 企起身、扶起架車，感覺上已經洩晒氣了，好想退出唔玩，實在太失敗勒！
賽前車呔爆左，無得用全刀鈴；落到場又跟正個瘟神，仲要連環炒兩次車……我問自己點解咁不幸架？ 唉……但當想到比炒車更不幸既事我都經歷過，有乜野係唔可以發生呢？
點解唔可以衰衰地完成埋個比賽呢？ 之後我再無諗過名次了，盡力完成比賽俾自己一個交代吧。

到最後一項跑步，看見我的假想敵已經回程並向終點進發了，而我至剛剛落地跑了幾百米路。 最後2.5K，唔理人定鬼，話界就界，希望唔好輸得太難睇。 過左終點，我都唔知跑成點，因為開賽時唔記得按錶，只知last屎界左好多人。  之後問阿Bee個朋友跑咩時間，佢話大約46'，咁我咪唔洗46'？ 呢個時間可能有得拎番個豬肉獎喎，諗落自己又唔太差姐。 最後決定等埋成績公佈至離開，咁岩見到Eddie準備走人，放是叫埋佢一齊等 。 坐左晌度等左好耐，又晒又俾毒蟻咬，終於等到勒......見到自己個名晌第四個方格，即係第四名！ 我有無睇錯？ 我咁既表現竟然仲有第四？  真係令我好意外！ 而Eddie時間好過我，晌佢組別只能夠得第六。 賽後檢討過，係條魚幫左我，如果唔係天氣差，就唔會由三項轉為陸上兩項；因為第一part係跑，令我有領先優勢，就算第二part炒左車，都仲蝕得起。 如果當日係賽三項的話，我相信連豬肉獎都無我份了！ 所以執得番個第四番黎真係好幸運，仲好感恩呢！ 不過我知道就算今次比賽無炒車都未必可以過到假想敵，只靠佢既比賽經驗晌轉項度起碼贏我三分鐘了，而佢今次贏得亞軍，我最多都只可能得季軍。 鐵人比賽有趣既地方就係多變數，未過終點都未知輸晒未，有意思！   

高高興興影過"威水相"後，就出左去九龍食野、修理單車及pickup苗圃選手包(最後都拎唔到)。


DAY 2

好勒，到今年鐵人賽戲肉，我的第一次全奧距離賽事 。 上年全奧日去左影相兼打氣，今年自己終於有份落場玩！ 經過日前的比賽已經身心疲倦了，仲要唔夠訓，賽前訓得果三粒
鐘，兩日加埋都訓唔夠八小時，真係鐵人咩？ 不過呢場賽事係對自己的測試，睇下完成呢個距離既鐵人賽係咩感覺，俾自己一個參考，明年去唔去玩外地的半鐵賽事。 零晨五
點約好Loud兄及Kopo兄晌上水準備出發，三個男人一齊去迪士尼玩了！  天都未光晒就入到車涌，兩位師兄就拿拿聲set好單車、換好衫&去埋廁所就準備報到。 由於我遲佢地四十
分鐘起步，所以仲好滋油地上網睇下報紙，其餘時間慢慢warm-up、試跑鞋、渣太陽油、花士令、去廁所等等。 總之就放鬆心情當去玩一樣，去享受比賽裡面每一環節。
去到碼頭撞見位老外朋友，吹水吹到差唔多比賽開始，佢叫我晌終點等佢，講笑咩？ 你等我就差唔多！

雞聲一響，眾飛魚擦身而過，我就LSD龜速爬行。 嘩...有d浪喎，有時候高到都睇唔到浮波，當要找方向的時候唯有改游蛙啦！ 另外，海水能見度非常之低，連一米都無！ 有一下我唔小心渣到位師兄的小弟弟，驚幾佢番轉頭打我 。 唔洗一陣俾同組及下一組的飛魚界到七彩， 而我繼續前進尋找我的孤島(浮波)。 好不容易將到一個lap，雙腿突然抽筋，有一刻係好想叫救生艇，仲想叫救命！ 眼見就黎到碼頭，叫自己保持震定，要退出既話都唔好叫艇咁衰樣啦，於是雙腿唔郁，一下一下用手爬向碼頭。 爬到了浮波，感覺又唔係好抽，身體又唔太累，keep住個節奏既話都有可能完成埋下一個lap。 用了兩秒鐘的時間去考慮繼續定棄權，決定去馬！ last一lap越游越肚餓，感覺到d胃酸好似噴泉咁湧出黎，仲慘過抽筋。 最後在"驚濤駭浪"下以"極速"48分幾上水。 好彩到最後都用到自由式爬番來，如果用蛙式既話就死左九世！ 算係夏天"特訓"的成果吧！ 如今晌抽筋的情況下都可以掙紮完成得到，對游海都無以前咁恐懼，仲開始有d信心！

餘下的兩項都係以輕鬆的心情去完成，不太辛苦。 只係單車呢part有少少野想分享......原來齋勾車唔帶車既人真係幾討厭，尤其踩靚車果d，終於明白之前有位師兄出post表達
的憤怨 。 當日最可惡就係玩接力賽果個(廢事公開佢number啦)，條友只係玩踩呢part，有氣有力好心唔好做縮頭烏龜啦！ 同佢及另外一條鬼佬拍實踩左一圈多d， 只有我地兩個
帶車，佢就只係一味死跟，條友根本無意識去兢技，當前面開始慢下來都唔肯頂上，由得整集團慢落黎都唔care，同呢d人比賽真係好無意思。 之後一圈遇到個好既選手，同佢互帶不特只
，有時候仲同爭住帶領tim，可能大家見對方開始無貨，所以立刻想頂上。 其實大家一心都想做好時間，係唔介意帶頭頂風的，只係要遇到個好partner配合至得。 最後一圈差唔
多全程自己TT，單車完成時間為 1:11:xx。 單車的表現都係一般，踩第二圈時開始抽筋，之後都係就住黎踩。

最後一項跑步好舒服，全程LSD，唔心急、唔追人，盡量享受第一個全奧的每一分鐘。 我的完成時間為 3:01:17，感覺良好！ 今年既鐵人季度總算叫做告一段落...

毅行及鐵人呢兩項運動真係幾難兼顧，要認真諗諗明年點樣玩法先得！

上水馬王

原帖由 key 於 2010-10-25 09:56 發表

                               
登錄/註冊後可看大圖

唔該哂eddie兄特登入黎幫我地影相打氣       

x2 thanks Eddie

上水馬王

原帖由 ginnywong 於 2010-10-26 10:36 發表

                               
登錄/註冊後可看大圖

我都報告下先,2:52完成, 比上年快左5分鐘, 好滿意
http://ginnywong9111978.mysinablog.com/index.php?op=ViewArticle&articleId=2664888

另外報告女子隊成績
AR bee半奧第二
Vivian繽紛組第三
希望越來越多 ...

恭喜兩位女獎奪獎！

上水馬王

原帖由 RowerBee 於 2010-10-27 15:28 發表

                               
登錄/註冊後可看大圖

Vivian, u too!! 你成日話自己唔得, 事實證明你掂架, 你要比多O的信心自己, 一定可以做得更好啊^^
我呢, 三鐵同你一樣都係第一次攞獎架咋, 仲有好多地方做得唔好需要改善,
黎緊都唔可以咁貪玩報咁多長跑賽, ...

阿Bee同Vivian都勁！ 大家繼努力！

eddiebuzz

精彩的分享

原來係有目標去攞獎既, 唔怪得又話個獎座靚, 又不停check成績公佈, 嘻嘻

我只係湖裡湖塗咁完成比賽, 都唔知邊個在前面, 邊個後.  淨係見到大鐵人清爺怏成半個圈單車, 段估都唔會有獎攞掛!  哈, 竟然有六個獎!  多得你叫等埋出result, 有得上台影相

RowerBee

馬王, 下年Sub 3 啦, HAHA!!^^

D文

個個師兄師姐都好利害

上水馬王

原帖由 eddiebuzz 於 2010-10-27 18:42 發表

                               
登錄/註冊後可看大圖

精彩的分享

原來係有目標去攞獎既, 唔怪得又話個獎座靚, 又不停check成績公佈, 嘻嘻

我只係湖裡湖塗咁完成比賽, 都唔知邊個在前面, 邊個後.  淨係見到大鐵人清爺怏成半個圈單車, 段估都唔會有獎攞 ...

哈哈，個獎座真係好靚架

你快過我番終點，更係叫埋你等啦，我斷估你拎獎機會大過我嘛

不過你果組d人真係好強！

上水馬王

原帖由 RowerBee 於 2010-10-27 18:47 發表

                               
登錄/註冊後可看大圖

馬王, 下年Sub 3 啦, HAHA!!^^

你出年都玩全奧啦

gforce

原帖由 sunnyyip 於 2010-10-25 23:50 發表

                               
登錄/註冊後可看大圖

昨日比賽開頭游水去得好順，點知越游越無力，比自己target慢咗2分鐘先上到水，望完手錶都當堂無咗d心機，跟住上車踩發揮都幾好，全程都無比身邊果幾隻鬼佬放甩，入返迪欣湖時諗住收腳留力跑步，點知後面 ...

Sunny單車快左好多, 出年應該可以再快d!