強烈反對渣打馬拉松加價

凌志

小弟係新人, 如有講錯, 請多多指教!

$300報名費跑馬拉松其實好平, 我反而怕田總唔再攪, 我就要比更加多錢外出參賽, 近如澳門都唔夠香港平(除非你有澳門身分證)。比較澳馬及渣馬, 其實渣馬真係好好多。

如唔同其它地區比, 拿中國沿途馬拉松來比, 渣馬一樣比較好, 方便, 地方好, 水站多, 唔知大家點睇？

tyler

其實果件衫貴極有數，，唔等洗野可免則免，如2007果塊神主牌，拎得上手其實唔佔幾多錢

jogging_cat

我第一次跑長跑就係2007渣馬10k，記得我攞到件衫既時候都不知幾開心，簡直就當佢係真蔵，雖然我唔覺得佢好靚，但係卻覺得佢好有記念價值。不過跟住果幾年件衫就擺咗喺櫃桶底，都無著過真係好似唔係好環保law。另我無動力著lee件衫既原因，主要係設計真係決乏新意，size又太大 XS 都唔啱著，所一件都己經夠喇，我會好真貴2007年果件，其他年份果d真係可以送比人。

jogging_cat

強烈要求渣打馬拉松今年<<<大幅改變t-shirt設計>>>

人工智能:
如果今年件t-shirt又是無大改變
會考慮集體捐出件新衣,以示抗議

1. Kin
2. laputa99
3. jogging_cat
4.
5.

踢出我天地

件T-shirt年年都一樣~~點解唔轉下(奇怪)~~宜定仲要300元
件T-shirt快d同我轉左佢

踢出我天地

人工智能:
如果今年件t-shirt又是無大改變
會考慮集體捐出件新衣,以示抗議

1. Kin
2. laputa99
3. jogging_cat
4. pong
5.

awyh

原帖由 凌志 於 2010-9-29 19:41 發表

                               
登錄/註冊後可看大圖

小弟係新人, 如有講錯, 請多多指教!

$300報名費跑馬拉松其實好平, 我反而怕田總唔再攪, 我就要比更加多錢外出參賽, 近如澳門都唔夠香港平(除非你有澳門身分證)。比較澳馬及渣馬, 其實渣馬真係好好多。

如唔同其 ...

小弟愚見，呢件事發生既可能性極低。

比因

原帖由 Parco爸 於 2010-9-29 14:30 發表

                               
登錄/註冊後可看大圖

任何活動要俾錢都會有意見...只因人人出發點不同...
渣打馬拉松有人當係長跑賽事...會認真去操練...沒有任何紀念品都會參與...
亦有人當作嘉年華會去參與...去影下相...拿D紀念品...最好越多紀念品越好....
還記得上年有報不到賽事的跑友們說...不認真跑步既人霸左D名額
咁..不如又倒轉諗...為何有心跑既人不早點去報名呢?
講到底...都係有理說不清...每人心中底線不同



hychong
留意到閣下的回覆...總愛說外國的賽事如何好..如何好...
香港的賽事如可不好...如何差...
坦白講...小弟未有機會參與外國賽事...
但呢刻...我對我曾付出的每場報名費...
曾參與既賽事...在各方面總算滿意...
或許..我只是願意付出幾十蚊至幾百蚊的小跑友...沒什麼特別大要求吧!

若有一天我能出外見識...定必作一比較...看看香港的賽事是否真的差到如此地步...

同一個距離既比賽, 係唔同既地方, 交通環境, 要顧慮既野都唔同, 係香港呢撻小地方更加係難!

主辦當局搞得唔好呀, 紀念品差呀, 政府部門支援唔夠呀, 怕市民投訴, 無承擔呀, 我地要批評要鬧, 一定有野可以鬧.

我地又可唔可以調轉頭諗下, 係香港呢D環境可以搞到馬拉松已經係唔易? 

或者, 係時候改變下諗法, 我地唔係只係得到幾多, 而係我地已經有幾多.

講到尾, 還是一句願者上釣罷了, 是不?

hychong

其實香港跑友都好合理。我跑過要在街邊買水、買食物的比賽；跑過沒有流動紙巾提供，要自己用手敏屎的比賽，我都唔會有乜抱怨，因為至少睇到賽會是有心辦，只是要欠缺經驗，有甩漏在所難免。

田總最大的問題，是搞手的熱誠太少，對他們來說，這賽事可能只是每年賺經費的例行公事。所以我們的T恤設計是年年一樣；跑不完的跑手上車也算了（外地馬拉松，六、七小時時限很普遍），還要在號碼布上打X，在傷口上灑鹽（聽不止一名跑友說），馬拉松不是為了令跑手有自信，讓他們有些成就滿足感嗎？為甚麼要這樣做呢？

其實搞設計有多難，要多少錢？你想慳錢設計，咪搞個T恤設計比賽囉，實有人參加設計！只是搞手在過去多年來，連這些腦筋點子也懶得去做。

希望大家爭取成功，今年有件新T恤！

Parco爸

原帖由 比因 於 2010-9-29 22:47 發表

                               
登錄/註冊後可看大圖

同一個距離既比賽, 係唔同既地方, 交通環境, 要顧慮既野都唔同, 係香港呢撻小地方更加係難!

主辦當局搞得唔好呀, 紀念品差呀, 政府部門支援唔夠呀, 怕市民投訴, 無承擔呀, 我地要批評要鬧, 一定有野可以鬧.
...

完全同意...
剩係終點前一段小馬路...有跑手要跑過...有行人要過馬路...
都可以同個交警嘈餐死....有誰有資格話誰是錯呢....

我不敢講香港既賽事是最好...但最少還有機會自由參與.....

hychong

比因君：要搞比賽，其實倫敦、紐約和東京，不會比香港容易的，只是看看政府和主辦單位，有沒有意志去辦，是否明白馬拉松對城市的效益。

若香港只是一個三流城市，不必追求卓越，這樣的確會「無咁谷氣」。既然香港號稱國際都會，發展要追求國際水平，為甚麼我們的馬拉松，跟人家相差這麼遠呢？香港跑手的認真和投入，不輸其他地方，我們絕對應該有一個更好玩的比賽。

比因

莊兄, 工作關係, 小弟平時受D運輸署, 環保署, 路政署, 交通部.......等等等等既氣真係比得上咁多年跑既全馬呼吸過既氣咁多!

我完全理解到政府人員做野既方法, 就係乜都怕上身, 怕投訴, 有乜事最好人地上檯好過我上檯被人插! 一個十幾二十米長既道路工程尚且如此, 更何況42.195公里既漫漫長路?

呢D官僚情況應該唔會出現係倫敦、紐約和東京嘛? 亦都唔係一朝一夕改變到既事實.

"國際都會"呢D虛名, 我作為一個香港人都無擺係個心度. 相信放下一份執著, 我們心中都會好過一點.

hychong

比因君：我住英國兩年，睇兩年英國報紙，只可以講英國政府同香港政府，唔會有太大分別。

我明白你所講，但如果個個都係咁，香港只會一直退步下去的．．．我真係好希望，有生之年，會碰到外國人同你講：呢個比賽好正，一定要來香港參賽，感受香港的氣氛．．．

比因

原帖由 Parco爸 於 2010-9-29 22:55 發表

                               
登錄/註冊後可看大圖

完全同意...
剩係終點前一段小馬路...有跑手要跑過...有行人要過馬路...
都可以同個交警嘈餐死....有誰有資格話誰是錯呢....

我不敢講香港既賽事是最好...但最少還有機會自由參與.....

在我能得到既最好環境之內, 跑好我既步, 就係我既目標 !

至少我還可以 "用腳投票" 的 !

比因

原帖由 hychong 於 2010-9-29 23:22 發表

                               
登錄/註冊後可看大圖

比因君：我住英國兩年，睇兩年英國報紙，只可以講英國政府同香港政府，唔會有太大分別。

我明白你所講，但如果個個都係咁，香港只會一直退步下去的．．．我真係好希望，有生之年，會碰到外國人同你講：呢個比賽好 ...

莊兄, 我都是在香港住了>20年, 看過>20年香港報紙, 亦明白到從這些媒介看到的, 跟實情實在相差太遠了!

英國一個掘路工人, 同香港一個返高級寫字樓既打工仔, 大家估下薪金可以相差幾多? 結果可能幾有趣! 呢個就係社會環境唔同既最佳證明.

有咁既大志係好既, 但係我都相信, 每個地方既馬拉松搞得出來, 一定有D野係呢個地方有, 另外一個地方點整都唔會有既, 呢D先係驅使我地周圍去見識唔同賽事既理由. 

點為之好, 點為之唔好, 其實都可以好主觀既; 若向好的方面想, 或許不必等有生之年, 現在已經有外國人在說著這番話了! 是不?

hychong

比因君：咁掘路工人人工，同寫字樓打工仔人工差幾多，又真係睇唔到同搞馬拉松有好直接的關係（況且英國稅率又較香港高，失業率也較高）。其實好多比香港更唔發達的地方，好似東歐、中歐咁咁，佢地的比賽都好靚架。

每個社會都有不同固然，但這些不同也未必是理由，解釋有些地方發展得好、有些地方沒有機會發展。若果這樣正確，那麼窮國是永遠無法追到富國，中國也不可能有經濟奇蹟，因為每個地方不同。

點都好啦，總之希望搞好些啦，受惠的係廣大跑友。

chisuet

原帖由 hychong 於 2010-9-30 12:21 發表

                               
登錄/註冊後可看大圖

比因君：咁掘路工人人工，同寫字樓打工仔人工差幾多，又真係睇唔到同搞馬拉松有好直接的關係（況且英國稅率又較香港高，失業率也較高）。其實好多比香港更唔發達的地方，好似東歐、中歐咁咁，佢地的比賽都好靚架。
...

莊兄:
關鍵是民眾的心態.
在香港, 馬拉松只是關跑手事, 有份跑的就興高采烈, 但對跑步(甚至是對運動)無興趣的市民來講, 在鬧市中搞馬拉松"與我何干"? 甚至認為封路令他們改道而行是擾民, 阻住佢地做生意或shopping.

不似在外國, 就算沒份跑也走出來支持, 正如你所介紹的外國馬拉松, 有人送水送食物(甚至送香吻), 載歌載舞似嘉年華會.

要改變心態不是一朝一夕的事, 雖然政府, 田總或贊助商可以做得更好, 但一日非跑友的心態仍未改變, 我們的馬拉松難以有突破性發展.

Terence86

政府唔支持，由得個搞手亂黎。我覺得與其比幾百億搞個什麼亞運，
不如投資少少搞好個馬拉松。起碼有數萬香港人得益。年年有得玩，
長遠好過搞亞運。你睇外國搞得好既馬拉松，會成為當地盛事。

hychong

Chisuet君，

反對馬拉松不止香港人。我有朋友住洛杉磯，洛城搞馬拉松，佢形容是disaster，洛杉磯人人駕車，你封一日城，當天不用駕車出街了。但至少主辦單位和政府有意志，今年設計一條from stadium to sea的dream route，每一mile找明星去站台打氣（有高比拜仁等），去令impossible becomes possible。

馬拉松不是沒有商機，倫敦是要出觀戰指南，教大家去邊度有野睇、有乜名人精英運動員跑、附近有乜野食同野買。大家當睇煙花趁墟的心態。

只是香港人，沒有機會見到馬拉松的魔力，大家起身忽然看到有一截封路，覺得不方便可以理解。

若果，政府當馬拉松一場大騷節日舉辦，沿途搞些音樂，搵名星藝人打氣，盡量搞到歡歡樂樂。派名人觀戰指南話，劉心悠著乜衫幾號、方力申著乜衫幾號、梁耀忠又著乜衫幾號，早些宣傳當日乜band、歌星名人在邊度打氣。

令市民覺得，睇馬拉松好似睇煙花咁，咁係可以搞到好好、好正、好有氣氛的．．．

hychong

講咁多，我都係希望唔好放棄認命，要爭真普選太難了，但搞好馬拉松至少中央唔反對，可能性高好多。

只要有夢想，凡事可成真！

呢兩日講咁多，如果大家覺得煩，小弟向大家抱歉。