升級
100%
TA的每日心情 | 奮鬥 2013-10-9 11:48 |
---|
簽到天數: 1 天 [LV.1]初來乍到
|
年年跑渣打前後, 都有人投訴大會做得不夠好... 但論宣傳, 水站, 設備資源, 封路, 效率, 渣打係做得唔錯!
個人認為, 十多年前的澳門馬拉松, 跟現在相比是每況愈下; 但香港渣打馬拉松則愈攪愈好!
參加了渣打13年, 對呢條賽道好有感情, 見到渣打在電視, 地鐵站樓梯的廣告好有心思, 總會會心微笑!
請問參加比賽係為件衫? 講真, 成6萬人的比賽, 無論佢設計成點, 我9成9都係放埋一二邊唔會著出街!
香港無特色? 我覺得都經過唔少景點, 尖沙咀, 汀九/青馬橋, 長青隧道, 西隧, 添馬艦, 會展, 銅鑼灣, 維園... 港九新界去晒啦~ 香港地方細細, 仲想點?
外國係有外國的好, 但論賽道, 好多都係去下市郊, 圍住條河, 在公園, , 城市跑~ 咪一樣係悶! 何況真係有心盡力地跑馬拉松, 都跑到死死下啦~ 邊有咁好心情四圍睇風景~! 再唔係, 同對面線的參加者打氣激掌, 睇下人地跑都唔悶啦! 睇風景的, 以拎相機跑, 諗住映完相就上岸的參加者為多.
至於無人打氣, 香港人普遍係無心參予任何體育盛事, 看東亞運就知, 一係就好似大陸咁比$, 夾硬叫長者, 中小學生出來撐場! 要咁多人打氣做咩? 好似廈門和波士頓, 我覺得太嘈~好煩!
渣打馬拉松貴? 首爾要四百幾, 日本要八百, 波士頓, 威尼斯, 雅典要過千!
唔同地方的馬拉松有唔同定位, 有些以快路見稱, 有些以困難為賣點, 有些以氣氛為主, 有些就用紀念品吸引人. 香港嘛~就係成為香港盛事, 鼓勵多啲人出來跑!
其實一年有咁多馬拉松, 要揀一個合自己心水的都唔難. 既然仲有好多人撐渣打, 唔滿意香港渣打嘅, 就留番個位比有心跑的人啦! |
|