升級
100%
TA的每日心情 | 慵懶 2013-10-6 15:26 |
---|
簽到天數: 1 天 [LV.1]初來乍到
|
2011又一多事之秋的一年....世界各地都亂到九彩
慶幸在我不惑之年,自己無咩大亂...
世界大事最難忘記都應該係日本大地震....當日在網上直播見到海嘯,將沿岸建築物吞噬,心靈真係相當震撼...
之後核電廠的幅射問題,令我呢個都叫做半個酸瓜的人,成了好多朋友間的咨詢對象,其實我有好多野都係知D唔知D架咋...=.="
香港就不提也罷...見香港一天天的步向死亡...作為本土出生長大的人真係相當心痛..!!老實說我真係睇唔到香港有咩希望,亦開始為個好字將來如何在香港生活而擔心..!!
工作上...去到一個掘頭進仕位,一早已經意興闌珊,返工都只係為生活同責任..!!
家庭上...總算見個好字成長得不錯...一家四口都算樂也融融..!!
本身最大的突破都算係長跑上,本身踢了十年波也只有寸進,可能我是不太屬於足球的人..!!
不過始終都要多謝KEYMANSOHO舉辦"肥佬大作戰",令我認真起步修身成功...間接令我長跑上可以輕鬆練習..!!
年頭在渣打馬拉松,第一次跑在準備不足下以少於5小時完成,令我喜悅得難以形容..!!更於衝線後巧遇"肥佬大作戰"的其中一位導師ALVIN更令我難忘..!!
渣馬後繼續練習...!!九月時再參加比賽,今季第一個比賽可樂10K在起步超塞車加天氣熱關係,竟然要55分才完成(年頭的醫管局長跑,我已經SUB50成功),令我產生了少許懷疑,慶幸一星期後的NB10K,在主場出戰,雖然有少許蝦轆(甩了兩次鞋帶)也能以49:07完成,成功PB,令信心有所回升,之後十月積極參與長跑網的各約跑活動,在不同的高手中偷師/請教,令我我功力增進不少..!!
11月的兩個比賽NB15K 1:16 與地質20K 1:38 成績一個比一個好,更令我信心大增..!!
12月的機場10K,在冷風中更將PB推前5分半鐘去到43:34,而黑人牙膏式的笑著跑全程十公里,更令各人影像難忘!!(因本身真係無諗過可以咁快,所以係從心裡面笑出來的),而石崗30K,在甘中之甘的賽道上,雖然不可輕鬆地笑著跑,但都叫在目標時間內完成..!!
在2011年最後的一日,行D都希望2012年世界和平,香港唔好繼續步向死亡,個好字快樂成長,各方好友身體健康,老虎生活愉快(佢唔愉快我點愉快呀..XDDD)!!
自己就美記半馬同渣馬都有好成績喇...^^ |
|