升級
100%
TA的每日心情 | 慵懶 2013-10-6 15:26 |
---|
簽到天數: 1 天 [LV.1]初來乍到
|
緊張 興奮 輕鬆 恐懼 折磨 絕望 堅持 喜悅 感恩,一個不能形容的"HK100_2013"
一個毅行前連麥徑都未完全行過晒的人,山賽實際只玩過入門版的希慎21K,連two peaks都驚受傷影響跑季的訓練,竟然膽粗粗學人玩HK100,心情當然係緊張喇.
未出發先興奮,在起步點見到各方好友,影相吹水很是高興,在千二人同起步下忘形的向前衝,GPS又一次未攞到SIGNAL,不過唔理咁多了,只要知時間已足夠,要起步後12分鐘先收到,所以個RECORD唔太準確,在上上瑶時因人多所以都塞左一陣,在郊遊徑不斷奔跑希望唔需要塞車可以走自己,埋下後來出事的伏線,此時太陽伯伯已經靜悄悄地出現,熱情地向各參賽者問好,由於天氣其實唔太熱,但著了保暖內衣的我,在不知不覺間,原來已經流了好多汗水而不自知,出效遊徑後一路跑去大壩都自我感覺良好1:12到達,所以飲水唔多在壩尾的補充站只吃了半條蕉就走,在上西灣山的路先開始飲背囊的水加鹽糖,由於一路都好輕鬆,所以就愈行愈快,2:22分就到咸田,補水食少少野就繼續上路,向黃石進發,沿途多次同力士互介,保持上斜急行落斜同平路就輕鬆跑,其實黎到呢個時間,前後都好鬆動,所以根本就唔需要驚塞車,又上了一課!到黃石都係3:23,在水站見到笑面迎人的VIOLA為我們打氣,在補水期間曲奇又到,食完兩塊包就行,去到海下4:28,一路都無覺辛苦,在水站見到亮哥影相,打聲招呼走時又見到黎SIR,接著行條長命斜海下路,離遠見到施SIR尾燈,在行山扙幫助下愈追愈近,入到白沙澳見佢停低了,才知到原來佢抽左筋,連佢都抽我呢一刻先知驚,即時食左粒鹽糖,可惜為時已晚,不到十分鐘後我的左腳內側開始抽,拉一拉再慢JOG希望佢可以鬆番,當左腳鬆了點的時間可怕的情況續步出現,右腳大腿後又開始抽,之後左小腿,右小腿輪流抽,四組肌肉好似交響樂團咁你一下我一下的在跳動,心中開始恐懼,此時40K都未夠點算好呢,在不斷心呼吸與慢JOG下可以斷續上路,5:40到榕樹澳,在CP見到好耐無見的SAMSON兄,互相問好後,飲了幾杯寶礦力,以為多D電解質會令抽筋好轉,之後休息左一陣舒服了小許就起行上雞公山,上雞公呢段路真係痛不欲生,雖然抽得唔算好緊要,但兩腳輪流作抽的情況下上呢個399米的山頂,真係令人沮喪,明明個人好有力,但就住就住辛苦到爆,途中見到DANIEL在影相,於是都強裝我既黑人牙膏樣出黎,當留下一個美好回憶!勉強下山到企嶺下,見到WILSON同胡蘇,一早知佢地會黎影相都笑唔出了,佢地仲恭喜我咁快到,但我只向佢地表示我大鑊了@@",7:08已到企嶺下,交完水費食少少野,阿JOE亦到了,於是一齊攞CP5的補給包,換衫再上路,佢知我抽筋亦俾了一個咸飯團我路上補充鹽分,我先起行在上大斜路又見到VIOLA行過,佢的笑容加打氣令我又有番D動力繼續上,呢段路開始已經人煙旱見,好耐先見到有人,在馬鞍附近阿JOE再追上了,同佢拍左一段,過萬里長城後,因我對腳又作抽所以叫佢行先唔駛等我,幾經艱苦9:52捱到去基維爾,阿JOE剛休息完起行,而我就補水食麵再繼續!開始入黑,因痛楚了幾小時,精神開始不太好,在落獅子亭的一段斜路都只能用約8'/K咁JOG落去,但都係鬆唔到D肌肉,上畢架山的山路簡直係人生中的一大折磨,到CP前有一個國內山友見我狀況麻麻,鼓勵我努力仲推了我上幾級,我多謝之餘亦叫他不用客氣,呢個比賽係要靠自己的,約11:35到達,因理論上時間仲可以趕到16內到終點,所以只停了無耐就出發,之後絕望之事發生了,在畢架山落龍欣道的馬路位,我可能精神太差一時見到有馬路落斜就以為就到金山,竟然無睇清楚指示JOG左落斜無過對面入小徑,在落了1K左右見到停車場先知錯,又要上番K幾斜,此時真係諗過放棄,夠晒理由俾我賴喇,但諗到自己只係抽筋又無損傷,作為一間正能量工廠,癲友大C兄,無可能咁衰仔既,於是就堅持繼續上路!在重回小徑後又不慎跌了一跤,好在無受傷可以繼續,但隻錶停左唔知,18分鐘之後見到先繼續番,幾經困難到城門,時間已經係13:34,以當時的狀態基本上一定16內無望,所以就用放開心理包袱,以喜悅的心情用兩腳的痛夾雜著針草沿路的大自然美景龜速完成埋去15:36去到鉛礦坳,最後經歷埋大帽山頂的霧與寒風在17:49完成今次難忘的賽事....咁都能夠完成真係值得感恩 ^_^
http://www.trainingpeaks.com/av/RPQ57CBLT46A3UXROQKQZ3VKWY
突然諗起蝦隊長毅行後引的金句都好適合我今次用: 勇敢的人不是不會受傷,只是面對困難仍然會去面對
|
|