升級
   100%
TA的每日心情 | 慵懶
2013-10-6 15:26 |
|---|
簽到天數: 1 天 [LV.1]初來乍到
|
本帖最後由 tank1438 於 2013-3-18 13:08 編輯
3月16日 爛頭50 意想不到的鼓舞
http://www.trainingpeaks.com/av/TPUTCZJKKINOAHV7G7HZGOYGAA
一個被某跑步網定為重口味山賽的比賽,如我一個人未必會玩,去年報名時,胡蘇問我蟻行後再合作好嗎?於是一口答應,當係今賽季山賽收腳賽都合時候,但之後已經無左件事,到渣馬臨近先記得呢個山賽,第一次試路係渣馬前十日的年初四,行了唔夠一半已經後悔報左名,咩賽道黎架,d路都唔係人行既 ,渣馬後再試多次時,可能條路俾人試得多感覺又好了少少,3月9日再試後半的路,在曬到暈的天氣下都不輕鬆,但路係好過前半好多的,之後同胡蘇傾策略與預計時間,首先對獎項真係完全無期望,因雖然二人男子組參與人數不多,但都有些知名人事參與,我地呢d席席無名的癲佬咪玩喇,策略就因起步後k幾先上山,所以傾好一起步快放衝出重圍之後上山就可以行自己唔駛怕塞車,再留力到最後過老人山餘下10k左右易走的路再狂奔回終點,時間就預天氣好就7:30-8:00,熱同曬就8:00-9:00,頭半難好多所以預4:00-4:30,後半預3:30-4:30!
千三人入梅窩比賽,交通已經係好大問題,好在胡蘇醒目早一晚book定藍的,一早幾個癲友在東涌舒適的入到去梅窩,在熱身吹水影相後就輕鬆地上線等起步,起步前有醒獅表演又幾有氣氛,在一片歡樂聲中起步,在沙灘跑真係幾特別又有d困難,好在都叫企得前,約第十行左右起步,我地按照策略一起步就衝出去,直到入村後見到某些高手的pat pat先收油等上山,一路同胡蘇夾得好好,互相溝通快慢節奏,輕鬆的上到山落第一條唔係路的路去愉景灣水壩,可能試過兩次路,知到點落,雖然落得都仲係慢,但都算輕鬆!,差不多到壩位時見到denial 同阿逸黎影相都可以裝到個輕鬆樣出黎
落到大壩,見到第一個認識的跑友大圍兄追到上黎,而到cp1時間約1:04比預定的1:15快,但可能天氣都仲係幾好,所以唔覺辛苦,只在cp飲了一杯運動飲料就走(不過隻味好鬼難飲 )
上老虎頭入摌林的路,由於無箸長褲雙腳被磨到紅晒 ,之後在落沿涯位前有少少拗柴,不過問題唔大,在走完最差的路段後,不忘同胡蘇"俾個五"慶祝下,之後jog往白芒途中有攝影的師兄鼓勵我地話:[小強個半鐘黎到,你地兩個鐘都好好喇],聽到後精神為之一振,繼續奔往cp2,到處時間約2:04,比預定的2:30快好多!所以在cp補水飲野休息約4分鐘先上山,山山複山山,山山可其多,行極都好似行唔完,幾經艱苦到達爛頭營,當然又要同隊友黎個"五"喇...yeah......之後衝落梯級,由於我落斜比較慢就俾胡蘇行先,可能之前的爛路都掂,呢d梯級相對無難度,我都愈跳愈快....衝呀....臨到伯公坳火兄在此影相打氣,真係唔該晒!到cp3時間為3:43,時間靚到我地相對而笑,cp的食物麻麻,個2公仲有d串,真吹脹
休息完向南山進發,由於時間太靚,所以呢7k都行左好多黎回氣,慢行中傾下呢樣傾下果樣,時間好易過,不過有樣奇怪係呢段竟然前後都差不多無人,50分鐘左右去到馬路位再上白富田的梯級,呢段開始已經好曬,所以都開始上得唔自在,5:15左右去到cp4,見到阿joe,佢見到我地時都有d愕然,之後話我地有機會係team3或4,此時我地都喜出望外,難以致信....佢幫我地補完水,我地食左少少野就俾佢趕走,叫我地唔好浪費機會,臨行仲塞左兩件餅俾我地!
原本好有動力上老人山,但愈行愈曬,好鬼難頂,我地只可以互相鼓勵,一齊講粗口,一齊媽差個賽道黎洩忿... ,臨到老人山頂,有個位有好正的涼風,精神為之一振,仲見到有個師兄直頭坐在一 塊大石上歎世界添,當時幾鬼想停低一齊歎呀... ...到左老人山頂基本上上晒山,又要黎個"五"喇...yeah....之後慢jog落去芝麻灣,但原本都仲有d上落,在細圈慢jog途中約40k位"老抽"呢個老友又黎搵我,真係客鬼氣...已經食左十幾粒鹽糖都係頂唔到尾...不過有左hk100時抽住行60k的經驗,依家十畸啫,小兒科喇!好在胡蘇仲有d食鹽在身,於是補鹽再上路,可能食鹽飲水太多去到42k已經無晒水,但個cp5跑極都未見,要成44k幾先見真係玩野,到cp5時約7:08,大會2公都提我地係team第三,於是補水後即走!
雖然無壓力,但都唔想錯機會,於是只放慢些少不斷向前進,離遠見到梅窩碼頭,向後亦望唔到人的情況下,心情已經輕鬆左好多,在忍下抽筋的痛,繼續跟住胡蘇返終點,原本想到碼頭開始一齊飛奔回去,不過當時對腳唔俾我咁做,胡蘇亦好難得等埋我一齊入沙灘,兩人攜手歡呼衝線,yes...we did it!
一過終點Judy在此等各癲友衝線,即時幫我地影相慶祝...
https://fbcdn-sphotos-h-a.akamai ... 296_450534867_n.jpg
最後以約7:50的時間完成呢個人都癲的山賽,仲有獎攞真係心滿意足鳥 ,二人男子第一係所羅門hk,第二係消防,第三竟然係癲友,真係仲想點呀......!係唯一遺憾係第一個山賽的獎盃仔都無個,只得個完成牌同可有可無的小禮物
最後多謝各遠道入黎影相打氣的師兄師姐,各一齊比賽的朋友,比賽的攪手(當然我都想好似舊年d參加者咁問候下佢娘親)...當然仲有我既好拍擋深井陳豪胡蘇喇...!
|
|
發表於 2013-3-2 04:54:54
樓主
,不過好天個景唔錯又行得幾開心
發表於 2013-3-16 09:29:00
下次要再努力啊! 