2014.03.23 AXA 安盛香港街馬10公里@九龍東2014

AlexCat

nacorner90 發表於 2014-1-13 22:36
睇佢地個facebook, 有師兄提出路線,  如何計算扣除成本後之收益等問題,  但有關人士好像對這些問題視而不見 ...

真正喜歡跑步的，出街跑個圈都10K,8K，我唔參加就唔講咁多！

adrianho

佢成個offering似係全馬，又有牌又嘉力華又可以有親人打氣，加上要區議會支持一定有野益返佢地，所以收全馬既錢佢冇錯。不過實際係跑10k就顯得好低能

mar123

想大家思考一點,是否基層人仕就不能參加比賽呢? HKD480 is much as 2 days wage for the lower working class.

golfer504

http://www.hkmarathonpro.com/Ent ... e%20Race%202014.pdf

同一日, 有個$130的比賽!

donald_duck

爬左咁耐文章，我覺得$480報名費係笑話啦，會報一定係early bird既$280，一係就唔玩，所以$480既報名費只係市場技巧，希望早些確定報名人數，因為搞一個幾千人既活動，當中涉及幾多資源調配，早點確實人數會好安排。
至於活動我睇到係首次可以申請到係市區封路，都係一種突破，今次可以係10K，下年可以有半馬，又可能再封多D市區路。我地成日話渣馬跑五隧一橋無人地帶，今次未嘗不是突破。

不過作為跑友，我都覺$280係比一般賽事略貴，但我係經跑會報，聽講搞手有優惠比各大跑會，不如長跑網問下囉。

ckycat

sporxxoho has the post. interesting discussion
http://www.sportsoho.com/pg/match/read/3645279/axa-102014

wlau

donald_duck 發表於 2014-1-15 23:23
爬左咁耐文章，我覺得$480報名費係笑話啦，會報一定係early bird既$280，一係就唔玩，所以$480既報名費只係 ...

280/480 如果係慈善賽, 我唔覺得貴.. 好似渣馬, 聯合國, 清水灣咁.. 我覺得唔算貴..
但有人係FB 問佢點解要成 480 , 佢答係慈善賽, 講自己係慈善賽, 但又搞咁多嘉年華, 開演唱會, 咁D 錢點駛就大問題.., 因為佢扣除一切開支先捐D 錢出去, 我之前係FB 問佢, 480 用作慈善既比例有幾多, 受助機構有邊D, 佢寫九龍東青年團體, 我問佢即係邊D機構, , 佢完全迴避唔答, 咁佢令我好懷疑果480 元既比賽費用係俾佢攪場大龍鳳出位, 定真係幫人..
佢肯答人清清楚楚就唔會攪到咁多人對佢有咁大疑問..
岩岩睇番, 佢答番有邊D 機構.. 咁就得番個問題.. 就係比例有幾多, 係唔係扣除晒包括演唱會等活動先會捐錢出去.

donald_duck

我都希望搞手clear比例的問題，其實類似的問題我地唔會過問UNICEF，渣打（渣打盤數舊年都比傳媒報導帳目不清）只因為此等機構有一定知名度同公信力。作為一個新馬仔，要取信於人係要多點力度，希望搞手明白。

大力

去以下網頁睇下主辦機構嘅主席幾猛料啦 -

http://www.baincapitalprivateequity.com/team/leong-cheung

當當國際級大鱷, 秒秒鐘幾百億上落, 收你幾舊水算少啦

踩渣打踩得咁盡, 佢參加過邊幾個本土搞嘅馬拉松賽? 憑咩下定論?

要玩我情願跑同日 ANS 10k, 百三蚊搞掂, 仲可能有 energy gel 送

bennylks

報左名，$230，用discount code

bennylks

俾個機會佢，一試無妨~~

bunbun

http://www.am730.com.hk/column-190947
am730        2014-01-17

《強風吹拂》香港版        
園丁

最近這個月，我介紹過三浦紫苑的小說《強風吹拂》及社企「全城街馬」(Run Our City)舉辦的青少年長跑訓練班。讀到全城街馬創辦人之一的張亮，在主場新聞分享訓練學生的經驗，恍如《強風吹拂》的觀塘版，令我想起「竹青莊」宿友的奮鬥。他們都是抱著同一信念去跑步，在訓練與比賽中成長。

其中一個與全城街馬合作的青少年機構，是觀塘的荷蘭宿舍(宿友多是無家可歸的青少年)。最近認識宿舍的院長陳永忠，他談到宿舍內7名參與長跑訓練的年輕人如何成長，由4個月前完全不知道甚麼是長跑，一開始狂踩油門向前衝、衝、衝，直至經過8課的長跑訓練，以及課餘時間的額外練習，今天終於跑完10公里，時間大約1小時左右。

「盡管他們的速度不算快，但也算是一項值得高興的成就，令學生在訓練的過程中，學習堅持與不放棄，相信他們的經驗有助日後感染更多宿友，一起參與長跑訓練。」

其中一名宿友、14歲的何樂軒說，以往沒有參與長跑，看到宿舍內的宣傳，便膽粗粗報名試試，當作鍛鍊身體。「其實都幾辛苦，通常都要夜晚訓練，但放學返到宿舍都好累……不過，最大得著係覺得身體好咗，訓練到耐性同專注力，呢方面對返學讀書都有幫助。」

下周日，這群年輕人將會在沙田的一個10公里賽事小試牛刀，這也是他們一生的第一個公開長跑比賽。對這群青少年來說，跑步的意義同樣不在勝負和速度，而是一個奮鬥的目標，重拾他們的自信。祝願他們把跑步視為畢生的志業，在漫長的人生路上，無論順風、逆風還是狂風暴雨，都一直堅持跑下去。有意參與支持全城街馬的學校、團體、義工和捐助者，請電郵[email protected]

Etudiante

希望主辦單位之後會搞下全馬或半馬,
例如將路線延伸右至藍田或油塘區,
上至經彩虹村至鑽石山繞志蓮淨苑再截返

此次賽事路線圖:
http://www.runourcity.org/tc/event5.html

salmon

其實佢地一D都唔專業，面對眾多評擊都係見招拆招.最不齒佢地未搞掂個慈善牌就話自己會捐錢,要捐我自己捐都得,點解要比佢地利用呢樣野而幫自己出名?正一掛羊頭賣狗肉.佢話自己純搵錢都無咁嬲,一於抵制佢地啦.點解要比佢地利用哩?

大力

除咗利用慈善作包裝之外, 推銷手法都令人好反感啦 :

先話報告費係 $480, 但早報平兩舊, 你估 $280 平呀?!  學健身中心收會員嘅招數! 擺明係昆人早落搭, 低下 marketing 手法!

樓上師兄又話有 discount code 可以收順 d, 搞手又唔係跑會, 何來 members? 咩人有 code 先??? 無 code 果班跑友比多 $50 咪好 on 居?

有冇人有 friends 做 AXA?  我估員工 / agents 免費, 成本由 on 居跑友承擔!

炒炒

donald_duck 發表於 2014-1-15 23:23
爬左咁耐文章，我覺得$480報名費係笑話啦，會報一定係early bird既$280，一係就唔玩，所以$480既報名費只係 ...

真係封路？定跑行人路？
睇佢路線, 又上行人天橋又落行人隧道. 點睇都係跑行人路多

donald_duck

大力 發表於 2014-1-16 14:39
去以下網頁睇下主辦機構嘅主席幾猛料啦 -

http://www.baincapitalprivateequity.com/team/leong-cheung

呢位師兄似乎好熟主辦單位既人，不過討論應該係針對事實同事本質，太針對人就影響了討論喇。

我地都係希望搞清件事值唔值得支持。

1678

唔講價呢條路就算星期日早上封路，個吸引力都唔係大

suniebo

有晒跑手資料 , 到時一人一份proposal都未定, 咁就真是一跑多得, 好著數吓.

大力

donald_duck 發表於 2014-1-17 13:22
呢位師兄似乎好熟主辦單位既人，不過討論應該係針對事實同事本質，太針對人就影響了討論喇。

我地都係 ...

利申: 佢係我同學, 我好了解佢為人。

我上文係講佢搞長跑, 但完全無相關經驗; 踩其它馬拉松比賽, 但自已又無參過。咁點算對人不對事?

至於收費同 marketing 手法, 你可以爬下文, 睇下其他跑友嘅睇法。

如果師兄有唔同意見, 可以分享下。