|
|
14/3 - 屯門引水道至公奄引水道來回 20k - 2:15'
今天一行26位跑友健兒在屯門兆麟運動場集合, 大約3.15pm出發, 經置樂花園上引水道. 之後白ching briefing當天的路線, 大約3.40pm在引水道起步.
今天頭5k左右, 例牌對腳超級緊, 心想今次死喇, 越跑越慢, 很快地叮叮噹及iris已拋離很遠, 不久anson也從後趕上, 幸好有anson在旁陪跑, 傾吓笑吓唉吓, 之後在上大長甘前, 我們看到一群黑山羊, 這是第一次在香港看見山羊, 很驚訝很開心. 跟著便是攞命大長甘, 自己死都唔比自己行, 雖然個速度比行是一樣 (甚至慢過行), 但也維持跑的姿勢, 彎完又彎, 先後看見堅及7兄健步如飛地上來了, 時間漫長, 一切也停頓了, 只有自己的喘氣聲. 慶幸最後都"冷"到上頂, 上完便落, 之後看見叮叮噹及iris回頭, 心想一場來到, 點解唔跑埋去呀!! 過了黃泥墩水塘壩, 開始見到元朗, 很開揚很美, 於是唔考慮得咁多了, 繼續去吧, 屎就屎啦  不久kandis也從後跑得很輕鬆地趕上前了, 並且有很多ching回頭了, 很奇怪有ching說還有1k多到折回點, 也有ching說還有數百米, 真係唔知相信誰好 
之後地膽勝哥也從後飄到, 示意我們還有數百米便到盡頭, 接近盡頭折回點處, 風景真的很美, 他還講解了這兒叫公奄的由來, 原來山下有一間奄堂, 但為什麼叫"公"呢?? 我現在又記不起了
之後回程, 勝哥, 堅及kandis便越跑越快了, 之後更不見影蹤, 幸好還認得回程路, 在最後數k引水道上, 白ching從後追上, 並以很慢的步速陪跑到終點,
最後有16位跑友一起吃晚飯, 之後更有一班屯門友不厭其煩地送我們區外朋友去車站.
今天很多謝發起人白ching帶我們跑了屯門咁美麗的地方, 大鄉里出城, 第一次跑引水道, 以前都是行引水道的 (行山), 見到條引水道就頭痛, 行極都有, 轉極都未到!!!
也很感謝一班屯門街坊熱情的招待, 真係很有家的感覺  期待下下次繼續暢遊新界區  |
|
樓主
.gif)
.gif)
以前仲玩得...
發表於 2009-3-11 00:24:21
．