|
今日大家都好勤力, 猿球最叻, 一早獨自一人走晒四個O, 最後個O仲係由釣魚翁返TKO, 2拾幾K先用咗3個幾鐘, 勁呀!!!
我同16就操下午, 二人由運動場出發玩上次佢地操鷓鴣山果條線, 點知未上晒鷓鴣山我已經'鷓'過鷓鴣, 比個烈陽曬到我爆晒, 要16等完又等. 落山條氣順返d, 可以跟住16慢慢jog落去. 去到壁屋間超市, 搵唔到凍既寶xx或佳xx, 貪好味買咗枝1L既冰凍豆漿, 一路飲一路JOG落井欄樹, 好快就幾乎成枝飲晒. 唔使一陣就發覺唔對路, 覺得個肚脹住好唔舒服, 仲成個人散晒冇晒力, 最後C吓C吓捱到澳景頂, 諗住可以利用地心吸力吸我返運動場, 點知落咗唔夠一半已經成身軟晒, 個人仲想嘔添, 好采16對我不離不棄, 陪我由澳景行返運動場, 全程用咗3:25. 返到運動場拉筋既時候, 大腿抽筋抽到拉唔到, 沖涼既時候卒腳趾時又抽筋, 沖完着褲又抽, 水又唔想飲, 嘢又唔想食, 真係咁耐以黎都未試過爆成咁, 離開運動場後過咗成兩個幾鐘個人先回復正常. 今日16冇跑成半個月復操表現冇問題, 但係我既表現就......兩個字講晒-----失格!!!
ICEBERG操黃昏, 唔知佢操成點呢? |
|