|
|
16/10連同loud兄同三水兄參加台東半鐵, 裡面包括2.2km游泳, 100km單車, 再加21km跑步. 同傳統的半馬多了400m游泳及10km單車. 由於是第一次參加, 心裡十分緊張. 加上8月底在醫院裡住上差不多一星期, 之後成三個星期冇練習, 只是hea游下水或慢jog幾k而已. 由於狀況甚差, 加上台東有颱風雨災吹毀交通系統關係, 可能去不成. 最後, 賽事如期舉行. 由於已參加了, 最後抱著去感受完成賽事的感覺. 於是決定繼續去馬. 預計7.5小時完成 (1小時游水+兩次轉項, 4小時單車. +2.5小時跑步) 由於第一次出外賽三項, 運送單車是一個頭痛問題, 最後在ginny處租了單車袋, 幾經辛苦才把單車包好放入袋內. 之後跟三水兄建議的清單執野. 出發第一天在高雄市內閒逛. 第二天才去台東, 到達台東後, 馬上set車, 如有問題, 仍有時間解決. 最後大家都搞掂晒. 那天是比賽226k, 於是去觀摩一下, 到達的時間見到前面的選手已開始跑步了. 已經游完4km水, 180km單車, 但跑起來仍步步有力, 真是鐵人!! 我諗我可以踩畢180km而唔抽筋已經好叻了!!佩服!!佩服!!! 冠軍用了10:24:xx完成賽事. 後來知道有人更連續三日參加全鐵, 半鐵及奧距比賽. 真勁! 第三日OD仍只需2:31:XX就能完成, 頭兩日以11:39及6:09完成全鐵及半鐵. 簡直不可思議!!!
15/10晚參加半鐵說明會, 席中有很多鐵人參賽者, 佢地全部都好fit. 有位45歲組的焦大哥, 佢半鐵只須5:30左右. 教我地好多野!!當晚有點緊張, 但大家都早早上床, 期待比賽日子的到來.
16/10早上4:30左右, 大家已起了床, 開始吃早餐, 5:45左右去比賽場地, 由於安排得好, 很快就SET好所有野, 由於天陰陰, 之前一晚又下大雨, 之前帶去的太陽帽沒拿出來, 種下禍根. 6時許已SET好晒所有野, 於是週圍閒逛, 見到同阿LOUD兄見到寫"三鐵手冊"的作者, 於是過去同佢映相. 之後又同另一台灣住的鬼佬吹了陣水. 差不多到比賽時間, 大家都齊集活水湖邊, 共有219人玩半鐵. 我地40歲組別則38人. 一開賽, 沒有香港比賽的爭先恐後, 冇批"爭", 冇拉腳, 原先諗住hea游保持體力, 但由於水清, 見d人個個游TI咁過自己, 怕游得太慢. 所以不自覺地游快左. 原來好多好手都企後排, 所以慢慢比佢地過左. 到1.1KM的拆返點上水, 見到原來後面仲有好多人游梗, 咁先定番D. 之後就放鬆游埋其餘1.1KM. 上水時間48:10. 後來才知是第30名上水, 難怪見到仲有好多單車未郁. 轉項帶心跳帶, 袋好D GEL同BAR. 出車後, 發覺自己心跳太高. 可能是游水扯高了. 於是初段慢踩, 以降低心跳率. 但就比好多單車爬頭. 10K之後, 開始下雨, 發現後"look" 好緊, 原來個brake小小貼住條軨. 於是搞左1-2分鐘, 又將痴响車上又就黎"luck"d gel放好. 再開車上路, 到水站, 佢地會交水樽比我地, 所以完全唔使停下來, 好有環法feel. 由於順風關係, 去得好快, 用了1:45就到成功鎮拆返點, 呢個名真有意思. 原先打算在這裡小休, 但見剛才上了好耐斜先到達, 又冇車停留, 於是繼續沖回去. 賽前其他選手及說明會都說回程是順風, 所以以為有得休息, 點知全程頂風+則風, 踩得好辛苦, 有d作抽. 於是再過左水站後一段路停下來食鹽餅, 可能落了車一陣, 上車後又好番d. 於是再沖, 到最後10km左右, 見心跳已高到150. 但見時間幾好, 所以唔想收. 到T2時只是3:29:xx. 比前半段仲快左少少. 交車時, 仲有人過來幫我推車, 有d Kona feel. 見時間ok, 以為可以sub7hr. 所以完成冇休息, 只用了1:09做轉項, 就開始跑. 但惡夢而家先開始.
頭一段上斜都冇問題, 可以慢慢pump上去. 但到落斜時, 右邊四頭肌買老抽. 於是停下來拉筋. 因為想2:30內完成半馬, 於是只休息一會就繼續, 但怕再抽, 所以只急步走. 當時陽光開始猛烈, 但又冇太陽帽, 頭4km淨係識搵樹蔭. 中間一段見irun老板娘叫我加油, 好好配速, 基本上我都唔係跑步, 點配速呢? 我諗我此時已撞左牆了. 之後見到三水兄慢慢上梗黎, 界左我, 佢仲好有力咁, 慢慢睇住佢身影遠去. 慢走5km用了差不多50min. 諗住呢鋪可能連sub8hr都做唔到. 之後見心跳回落, 個人好似好d咁, 太陽又收左d, 於是慢jog起來, 但為減慢乳酸積聚, 所以心跳一高出150就改快走, 避免抽到好似上年苗圃咁行都行唔到. 咁就死晒火嘞!!! 一路上補給都十分足夠, 又有冰水淋身, 真正!!到走入利吉小學一段, 見到焦大哥回程, 問佢仲有幾遠, 佢用廣東話同我講,"仲有好遠呀, 慢慢跑啦!!". 當時即時唔識跑咁滯. 之後經過有d小朋友在打氣, 有位小朋友幫我打氣叫加油, 另外一位小朋友笑佢為甚麼和我打氣, 說我不是跑步, 只是在走路而已. 真瘀!!! 之後上利吉國小一段大斜路, 由於我可以行, 就算跑都唔會快好多, 所以暗自歡喜, 可以追近番前面的人. 但問題在斜路真的很長, 估計有3km. 到後來有位靚女工作人員打油話仲有1km左右, 我以為真, 行左好耐都未到拆返位, 以為自己爆到唔識估計距離. 之後再見番三水兄繼續慢慢有力地跑. 佢話仲有1km先到拆返點, 原來個女仔騙了我. 嗚...嗚...我到拆返位後都鬆番好多. 於是又慢jog下斜, 今次追番一d人. 離拆返點1km見loud兄已慢跑上梗, 所以預計佢16-17km左右會界我一野. 於是比心機跑埋去. 但心有餘而力不足, 小腿又開始作抽, 仲感覺有d好似上次苗圃果種縮下縮下的抽筋法. 於是唔敢冒險. 但見仲有40min, 而又剩下5km, 於是跑下行下咁去完成最後4km. 希望仍可sub7.5hr. 但呢4km大直路好似冇盡頭咁. 只見時間消逝, 但風景一樣. 到最後1km, 有位小姐話轉個彎就到終點, 叫繼續加油, 所以又興奮上來, 轉彎後真的見到終點的黃布及很多雪糕筒. 於是慢慢跑回去. 當時已肯定可以sub7.5, 所以不太心急. 之後望下後面好似冇人, 所以可以自己映張靚靚沖線相, 於是整理下儀容. 然後慢跑回終點, 做個舉起終點布的post. 大會完成時間是7:23:56. 過了不久, loud兄都番黎了. 一起sub7.5成功!!
晚上食飯時, 焦大哥問我成績, 我告訴他跑步爆了, 給他媽過半死, 他說老早已叫我們要留力跑步, 但我真的做不到, 因為那已超出我可控制的範圍了. 不過在很久沒有操練的情況下, 對此成績仍感滿意. 不過對完成全鐵的夢想仍然很遠. 仍需多加努力!!!以下是大會的紀錄, 以作存根.
2010年123k台東半鐵
總時間 游泳 T1+單車T2 跑步
時間 7:23:56 00:48:36 3:38:50 2:56:26
名次(總名次/組別) (110/18) (30/8) (108/19) (150/25)
總括來說, 跑步及不懂分配力量是今次的致命傷, 體重亦是重要問題, 我亦相信我差不多是所有半鐵參賽者中最肥的一個. 所以要有好成績, 減磅is a must!!
昨日起床沒有太痛的感覺, 今日痛多d, 不過今朝游了40min (大約1.6km)作recovery, 之後上身鬆左好多. 大腿及小腿仍有點痛, 但感覺ok!!
希望下次的半鐵會有好d的成績啦!!!
[ 本帖最後由 kopo1128 於 2010-10-18 14:32 編輯 ] |
|
發表於 2010-8-18 14:19:15
樓主
發表於 2010-8-20 14:22:47
