|
2月3日跑步報告:
昨晚小妹夜左收工,趕唔切到運動場會合大家,所以運動場內發生既事,小妹未能報告,請見諒....
由於有新隊員:法法及泰泰第一次參SSP活動,我一早已叮囑本小隊資深隊員VV+圍圍+kinkin要多多招呼新人,免得怠慢人家~
我呢,放工後趕回家換衫後就急急出門,話晒今晚跑完有好多野興祝,所以都預備左一個細細地既慕思蛋糕......興祝d咩?
1. 賀長號網2月1日馬鞍山盃大獲全勝!
2. 預祝渣打馬拉松成功;
3. 預祝SSP街坊小隊隊員蓉蓉2月4日生日快樂!
除左泰泰之外,昨晚宵夜者有:圍圍,kinkin,tartar,bonbon,菲菲,VV,活活,豹豹,華華,batbat,法法,00,壽星女蓉蓉,小妹及"夜媽媽"趕來的迪迪,共15人.....
我地去左SSP運動場對面食日本料理,個個都係叫d普通既餐,唯獨是華華---要食咩魚頭送啤酒,唉,lee個小朋友......都唔知成左年未....
食到10時許,服務員為我們捧出點了一支腊燭的蛋糕,大家馬上唱生日歌,好搞笑,唔知邊個問蓉蓉想聽中文定英文版,人地壽星女選了英文版,但大家卻唱左中文,仲係要最老土個隻:"恭祝你福壽與添齊.........".....之後vv拿住部相記拍video,各人輪流講d祝福話,好搞笑....00一路講一路口吃仲口震震....佢可能甘大個仔都未被拍過video,以為自己做緊主角,所以緊張囉......所以樓上亞vv話佢睇番條片好好笑.....
我地仲傾左好多議程:有咩啤酒賽,3月8日沙田河畔賽,數碼港賽,燒尤魚shopping,渣打安排,3月6日逍遙跑.....黎緊好多活動,大家又可以與長跑網既ching/ctse聚首一堂,諗起都興奮~~
我地都有影下相,等各人upload上黎啦~~
[ 本帖最後由 witchycatcat 於 2009-2-4 09:49 編輯 ] |
|