Mission 國慶長跑 Week 3:
22/9/2013: LSD 17k
地點: 馬海濱->梅子林->亞公角->石門->畫舫->馬海濱
天氣: 26, 晨, 雨
天兔來勢凶凶, 約跑取消, 決定正確, 不過其實早上既天氣還是可以的, 反而帶點涼意. 既然如此, 早上9:30落樓, 沿海濱跑去. 1公里左右, 見到一個藍衫跑友, 速度唔錯, 4'45"左右, 打算過佢, 但佢反而跟上. 好呀, 有趣有趣, 可以拍跳. 一直保持速度試探, 對方又一點不相讓, 一直咬到3公里處, 佢趁我稍仍回氣放甩左50米左右.
我不以為意, 直上梅子林, 一看原來佢都在上梅子林. 好了, 大好機會考驗我既斜路馬力! 在開始上斜時依然有50米的距離, 在半程時候我已經追上, 再發力之下, 今之終於到我擺脫左佢, 哈哈. 在頂上停下休息, 約大半分鐘後佢亦到頂. 搭訕之下原來是火炭的跑友叫Michael, 報左富士山馬拉松要開始斜長課, 因此到梅子林來. 我向他介紹左皇者之戰全馬的路線給他參考長課的跑法, 亦介紹長跑網希望佢多多上去望望.
吹水一番後佢下山了, 我亦不想再挑機, 因此再休息多幾分鐘才下山. 下山後, 想起亞公角, 就去試試路, 希望可以帶給約跑的其他跑友多少新鮮感. 沿沙田醫院途中都有一段上山路, 因為時間不太夠, 天氣又不穩定, 留待下次再去. 沿環形天橋落地, 再坎一段小路, 終於到達石門站, 沿城門河支流直出畫舫返程, 沿途雖要過馬路但石門車流不太多, 還可以. 好歹是一條新路線, 因此都有點新鮮感. 下次一定要試試証亞公角斜路.
回程時方才發現在海濱的路上, 有不少無懼打風的跑友(其實整個上午風雨都唔大, 就睇想唔想跑了^^), 都在回程, 我都要快快回程趕住去超市囤糧了!
呢一個長課會係10.1前最後一課長課, 下星期會為10.1進行tapering.
總時間: 1'34'03"
平均速度: 5'32"
Split:
6'19"/4'49"/4'46"/5'15"/5'33"/5'48"/ 5'44"/5'44"/5'37"/5'58"/5'57"/5'55"/ 5'25"/5'18"/5'25"/5'16"/5'12
本月共跑136k
|