|
21-2-2010
過了七天沒有跑步,日夜顛倒,每天只睡3-4小時的生活,
彷彿已忘記了跑步或是比賽的存在了.
在今日比賽前個半小時依然打緊機唔願訓,
如果唔係為自己找借口要俾表大圍兄,
我今日應該唔會出現.
最後總算訓左一小時就起身,
去到馬鞍山連早餐都未食就要做熱身,
在熱身期間發現對腳踝好緊,
呢個情況近期出現左2次,而且都係長課之後,
或者係我每次跑左好既長課後俾自己休息得太耐,
再比賽時就要時間操返起掛??
為免腳傷惡化,所以特登唔帶錶同遲起步,
等人群散去先開始.
或者留在較後位置的都係速度沒咁快既選手,
所以我可以輕易地過到人,過下過下又忘了自己身體係不在狀態.
不停咁同自己講要均速,但時快時慢反而令我更早爆左,
估計未到2K時我已經想收工,橫隔膜痛到不能呼吸,
腳亦都越來越痛…..對於意志薄弱既我黎講,
身體比意志更早宣報投降係一件好罕見既事,
可想而知我過了一個精采的假期後對我的身體有多大的影響.
我知道自己唔係著住網衫的話,一早已經行緊返去.
加上如果呢一刻放棄的話,我根本就未有能力去完成全馬,
所以我立即估計自己仲有幾多體力,並定下均速完成賽事,
當屈老大同其他CHING過我既時間,換了是平時我就算追唔到,
起碼都會發力跟上去,但今日我只顧跑好自己,
跑下跑下總算捱到返去運動場既路上,
奇怪既係呢個時候身體先開始上力,
加上COOKIE CTSE一句加油後突然想追返上去,
眼見屈老大在我身前100M,當然就想試下追上去,
可惜當時屈老大只餘下200M就過終點,而且屈老大臨尾仲發力= =,
所以只係追到距離50M….目送屈老大過終點.
而我既時間係36’43
跑完後見到平時在葵芳一齊跑時女同學,結果佢地3個都跑35MIN,
比佢地問左句,點解你會係後面既,你無理由仲慢過我地 ,
哈哈~我都唔知點答好,唯有講係留力準備渣打囉.
不過今日比賽最大得著係令我明白平時訓練幾都好,
如果沒好既生活習慣,對跑步都會有好大影響.
另一點就係我可以根據自己體力去定一個好既Pacing,
我唔知當日再跑快D會唔會爆啦,起碼之後我都跑得好舒服,
時間反而係其次,希望渣打當日我都可以好似今日咁做到定Pacing
[ 本帖最後由 亞聰 於 2010-2-24 20:58 編輯 ] |
|