|
好耐未UPDATE過個BLOG. 渣馬仲有3星期, 點都要跑下. 所以上黎UPDATE下. 事源近日經常因跑步問題同老婆嘈. 之後索性唔郁. 點知唔郁一排連自己都變懶晒. 加上對腳上20KM以上就開始痛, 所以跑來跑去都係十零K貨仔. 乜鬼長課都冇. 今朝的起心肝, 同小虎黎個渣馬前LSD. 早上7:00由粉嶺向馬鞍山雙橋出發. 在科學園見到陸上兩項正在比賽. 見到JASON同FRANKIE, 同佢地打氣, 不過可能佢地要搵發聲方向, 可能反而阻慢左添, 希望唔會啦!!之後又見到沙田街坊隊反方向跑來. 原先諗住到雙橋就番轉頭, 但後來見仲有貨, 就建議不如跑入西貢, 小虎又贊成, 於是兩條傻佬就向西貢出發. 跑到20KM左右, 腳腕又開始投訴, 响呢個時候是冇得番轉頭的, 於是睇下頂到幾多. 點知頂下頂下又冇事, 西沙公路好多上落斜, 不過向西貢方向就落斜比較多, 所以唔算辛苦. 到大網仔迴旋處, 小虎CALL我話爆左. 於是等左一陣間, 見到佢時, 諗住以為仲有6KM, 慢JOG番去, 不過小虎費事博, 於是自己跑埋去, 可能休息過的關係, 跑起上黎又OK喎. 點知跑唔夠5分鐘就見到路牌指去西貢海傍. 之後跑多陣就去到碼頭. 全程31KM. 跑了3:30. 有D慢. 原本諗住整個車仔麵先走, 不過因為太凍, 見到有小巴就即刻跳上車, 完成渣馬前的一課LSD!!! |
|