|
|
渣馬前最後一課:
葵青越野賽10k
雖然住在這區, 本應早就要主場出擊, 但不是跟其他更吸引比賽重疊, 就是忘記了報名日期, 今年才是第一年玩, 作為渣馬最後的熱身賽.
渣馬前夕, 亦是狀態高峰之時, 加上多斜坡, 賽前信心十足; 可惜前天不幸患上傷風, 鼻水長流, 要吃傷風素控制病況. 到達城門水塘, 在山上陣陣的寒風, 加上微微的雨粉, 十度的氣溫, 一副虛弱的身軀就連等候比賽都有點吃不消, 等會還要跟眾高手拼搏, 簡直去做一件非常愚蠢的事!
起跑時一如以往快放, 在主壩上狂奔, 前面見不到對手, 有點不安, 當你快過高你一二班的跑手時, 就代表開得太快, 稍後一定會爆得好慘烈. 一想到這裡, 就不再堅持, 放鬆走, 很快就比第一位過頭了. 去到車路開始上斜, 感覺無力, 不久又被第二第三超越. 2k後去到賽道最有挑戰性的那一段, 就是一個又長有斜的上山路, 去到尾段, 不少跑手會選擇行, 好辛苦但唔想行, 雖然行可能仲會快過跑, 不過我係黎跑步, 唔係黎行山, 所以無論如何, 都要跑下去, 試問10k捱唔住的話, 又點跑全馬呢!
半程折返守住第三位, 不過後面有幾個跑手實力都在我之上, 要頂住佢地, 要付出好大的代價, 而在傷風影響下,體力已所餘無幾, 再想到下星期就是渣馬, 鬥志全失, 一個又一個對手好快就超越我, 最後只能以練習的態度, 去完成這場比賽!
時間: 43'xx
組別:８ |
|
發表於 2011-2-11 14:33:57
樓主
係咪開始想進化呢﹖ 
