|
|
|
唔知有冇宿命賽, 呢場比賽年年都做唔到好時間, 唔應該話好連正常時間都跑唔出, 可能真係怕人多有所顧忌, 開賽又遲左到, 熱身未夠兼排隊中, 排唔到有利位置, 好彩身邊有唔少C兄/C姐可以吹吓水, 見到Kopo兄,garykwan兄及stanwong兄都係度等起步, 其實身邊仲有位C姐,因為冇帶老花眼鏡所以睇唔到係邊位, 又怕認錯人(所以冇打招呼),開賽後都係沿河邊走,頭1K走4'30"當係熱吓身, 上到畫舫橋出到河邊, 聽到Blurmax兄叫左小妹一聲, 因為提速上未能回應請原諒, 沿路還見到好多長跑網C兄/C姐, 一直跑希望搵到可以跟吓既跑友, 可能D勁人已經高速遠離, 唯有自己走, 話咁快又過左3K牌, 按下手上時計, 嘩...12'27"...仲慢過平時練習時間, 跑起來人亦不起勁, 應該渣打後缺少操練所致, 心想拿拿聲捱返去收工是也, 過左雙橋到馬場邊, 前面有位熟悉身影, 倚...應該係Kenny兄, 連忙上前打招呼, Kenny兄還一路叫小妹加速上前, 可惜今日真係冇貨賣, 都和Kenny兄拍左1K, 旁邊跑道開始有拆返跑手, 見黑人跑手Thomas, 還有後面跟得好貼意國跑手史提芬奴(見佢好似幾辛苦), 之後仲有幾位外籍跑手, 跑吓跑吓唔覺唔覺又到轉拆點, 再望吓錶20'29"...唉...心想只希望快快趣趣完成佢, 跑左冇耐又一熟悉身影係前面, 個人又有番少少動力, 費左唔少氣力先追到上前, 原來係7兄, 7兄既pacing其實最好拍, 以前長課練習拍7兄走最爽, 因為7兄好就得人, 可為一拍即合, 拍住7兄跑吓跑吓, 後面有位外籍人姐後後面大聲用英文講"讓路", 因為我一直係外面拍7兄跑, 而跑線比較窄, 所以便減速讓佢過, 果位外籍人姐扒頭後勁步而上, 誰不知原來係想拍住自己一個外籍男友跑, 但速度唔算高, 而佢咁又係前面塞住條路, 7兄見狀不異話不說以快步帶離, 而我也亦步亦趨係外圍殺上, 就係咁我倆拍住上到雙橋, 一直沿路去到划艇會, 個位外籍人姐唔知係咪被我地介完心有不甘, 氣喘如牛咁又想追上黎, 我同7兄講"佢真係死唔斷氣", 7兄回一句"橫掂我都跛", 哈哈哈...可惜外籍人姐唔識聽, 7兄就再提速去也, 此時唯有跟...跟...死跟, 因為頭半程冇咩用過力, 仲有後面外籍人姐死跟, 所以便提速回去盡早了結佢, 返到最後直路1K, 仲見到好似熟人, 因為想試試衝吓, 所以冇打招呼, 原來係白C兄, 過左終點仲同白C兄同7兄一同吹水, 雖然今次冇人獲獎, 但好多人都PB, 賽後拿拿聲去攞行李, 因為今次排得幾亂, 所以大排長龍仲見到好多C兄/C姐排隊, 慢子兄仲問小妹時間添, 因為有點寒意所以未及問慢子兄就速速去換衫, 唔知慢子兄跑咩時間, 有冇PB? 之後大合照後大夥兒去左食早餐, 席間收到風CK兄受傷送院, 一直想食完後同倫皇去醫院探望, 誰不知倫皇和堅堅一食完絕塵而去,跟也跟不上, 希望CK兄無大外, 早日康復. |
|
[複製鏈接]
發表於 2009-3-9 10:16:15
發表於 2009-3-9 10:35:19
之後見唔到你了。
發表於 2009-3-9 10:41:41
樓主
衷心祝 CK兄 
