|
17 Aug 2009 6.9km 36'52"
18 Aug 2009 5.2km 27'03"
19 Aug 2009 5.2km 29'59"
21 Aug 2009 23 km 2h21m09s
17/8 中興盃後鬆腳跑, 跑左 6k 零, 感覺良好, 跑完之後做埋神腿前三式 x 4 先收工.
18/8 夜晚份工做完野等收工, 腳仔又痕, 所以又跑左 5k, 跑完都係踢埋神腿三式 x 4 先至去抺身洗面.
19/8 又係夜晚做完野等收工, 見對腳仔跑左幾日都無投訴, 所以又出去跑左 5k, 如常地跑完就做埋神腿三式 x 4 先至抺身.
21/8 自從上個月報左聯合國半馬之後, 就向自己承諾左, 每個月最少跑一次青公, 8月份過左二十一日, 我終於都安排到時間踏上青公. 下午二時既太陽, 實在曬得令人驚怕, 但係既然出到黎荃灣, 無理由會放棄唔跑架, 心諗幾大就幾大啦. 響荃灣公園慢跑十分鐘, 再做埋神腿三式, 就正式踏上征途, 向屯門方向出發. 一直 keep 住 6min/k 既時間慢跑, 經過機場展覽館 / 深井 / 青龍頭 / 沙倉段, 頭上既太陽仍然努力咁發放佢既熱力, 過左小欖既時間, 心悝面才想起, 出門口前睇到電視機話酷熱天氣警號生效左, 心諗如果跟住落黎如果一有頭暈既感覺, 就即時收步上車. 但係一直跑都無頭暈, 只係全身冒汗, 去到埃索油站, 終於都要停下來, 補充了兩支水特, 跟住再次上路. 再開跑既時候雖然膝蓋有少許 疼痛, 但跑上十步過後這種感覺經已消失, 再經過黃金海岸到達三聖之後, 發覺萬能倉及屯門泳池路段都被強烈既太陽照射住, 所以就改變方向, 朝安定方向跑, 以避開太陽既照射, 兜兜轉轉之後再返回屯門公園, 繼續向住鄧記方向進發, 過了屯門站之後並無如平時一樣沿單車徑跑, 改為選擇跑近巴士總站哪邊, 主要都是要避開太陽照射, 再經過蔡意橋返回單車徑, 直至澤豐輕鐵站, 終於完成左今個月既長課, 望望手錶既時間, 雖然並不太理想, 但在今天這種天氣之下, 能夠跑畢全程, 已經對自己作出了交代. 到左澤豐再買了兩支水特, 一口氣飲哂之後就響鄧記做拉筋及神腿, 休息至五點多, 跟住就坐車返屋企.
[ 本帖最後由 billy_yau 於 2009-8-21 20:35 編輯 ] |
|