|
跑完澳馬番黎啦, 雖然未有pb, 都係同上兩個week 係跑馬地跑一樣, 2:02. 但比起我上兩星期既21k 練習, 哩次唔係全平路, 其實都快左架啦.
賽前自己行埋一邊拉筋時, 扯親pat pat, 處理左一陣之後先上線, 可能比較遲啦, 前後左右都唔見長跑網人, 起跑時只孤獨一個.
最初幾k pat pat 位置都係扯扯地, 好彩慢慢無咩事啦
頭兩k 太塞人啦, 到大約2k, 見到幾個長跑網全馬ching在前面... 太黑, 唔睇得清楚, 好似係細明哥同屈老大
一路跟住佢地尾, 跑下跑下, 又見到bolo ching 同亮哥, 跟埋佢地過左橋, 已經過左半程啦, 開始比佢地放甩
自7月係晒草跑過斜之後, 到今日先再上斜, 出澳門過橋時還可以keep 倒5'45" 1k, 但回程時上斜好辛苦, 我附近d 跑手都行住, 而我就堅持慢jog 上去, 但係就比行上去既跑手慢... 用左6'45" 先完成上斜個1k, 看著錶時... 仲以為自己睇錯
落左橋仲有3k 倒, 腳已經勁跌watt 啦. 時間就跟住跌, 臨尾100m, 聽到後面有急速既腳步聲, 我即刻加速, 唔想比任何人介我
總結今次都算ok 架啦. 而家唔提腿跑, 腳又會有事, 提左腿又會慢左, 一切都仲要慢慢適應
因為都算慢跑, 身體上唔錯, 全程都唔需要深呼深吸, 又無上星期日既不適情況, 而且可以一路跑一路睇下風景. 跑過星際酒店門口時好熱鬧!! 幾enjoy 啦!
跑道比我想像既難, 以為得條橋, 點知過到澳門市中心, 有隧道, 有n 咁多個燈位...
都係怪自己上斜訓練不足, 好多個月都係跑平路, 睇黎一月前要多練斜路, 否則mizuno 半馬都要捱住去
用左一個月去練半馬, 雖然腳未穩定, 但總算健康地跑完比賽好開心啦! |
|