Running kit - Running report

長跑傑

慶州全馬 第三課 25K 屋企 -小欖（來回）
RC1400新鞋落地，開始為全馬試鞋，出師不利，原本打算上30K, 可惜回程時過左汀九大腿好似有點痛，為免影響日後訓練，還是停了下來，只有25K收工了....後來追尾班車又爆了2k

長跑傑

慶州全馬第四課 - 葵涌 - 小欖 （來回）27.5K
跟浩師兄，justin 師兄跑了入小欖，初段吹吹下水好快過，中途浩師兄講屯門公路鬼故，嚇死人，尾段還開5分半，喝都喝唔停，最後返荃西散水，好累，但又幾爽，希望還可以加開一課35k作全馬前最後訓練

長跑傑

Hysan healthy hike & run 21K 03”02”03
今個月食第四個山賽，有點不願起床的情況下還是出發了。跑大欖涌郊野公園，大棠山路，圓敦，元荃古道，返燒烤場，跑10k石屎路後，上落好急，行了一段留力，以為落山放盡後又急上，食包GEL又跑過，最後計到盡應該三小時，但原來最尾2k要上毅行果段大斜坡，結果多了2mins, 生氣了！whatever, 三月山賽全部完成，四月全馬見！

長跑傑

慶州櫻花全馬 - 03”44”04
五點三起床，坐車，影相，八點起步，頭25k風景很美，滿是櫻花，全平路，幾乎用上330pacing跑，但後段出現斜坡，減慢防抽筋，終於比330pacer 過，到29k更被345pacer介，心有不甘，雖然腳痛，但仍跟他互介12k,終於最後1k,放甩佢，佢一定諗我唔係pacer實過你，最後3”44衝線，達標了，比第一個全馬快半小時，實在不枉此行！2K一個水站，5K一隊銀樂隊，街坊路人都拍手鼓勵，香港真係要學下野啦！

長跑傑

3月長課完結,4月衝圈緊接又來了.
INTERVAL 1000X4.5 4"00/K

長跑傑

玩命
INTERVAL 2000X2 4"06/K

長跑傑

吐露港10K - 47"05
開波太急，4K後已喘氣得很，加上溫度成26度又無風，辛苦到頭暈加想嘔，體內溫度已有30度,少少中暑,要幾次停下來飲水，往後慢慢跑，無再追時間了，好多人訓左係地下，不停有白車聲，希望各師兄無事，安全至上

長跑傑

青公 - 青龍頭 15K - 01"27"39
難得美孚友吹雞，半夜收工又去湊熱鬧，結果跑到訓著左，搭車又訓，飲茶又訓，因為這兩天通頂收工後堅累……

長跑傑

2014/0424 INTERVAL 1000X3 4"12/K
FOR 後日比賽

長跑傑

2014/04/27 同心喜跑慈善馬拉松 8K 00"37"06
4“44/k, 比半馬更慢，五月唔玩比賽了.....原來退步比進步快得多，無練兩星期，時間後退至半年前

長跑傑

葵青12.5K
早上五點起來晨運, 出身汗,好舒服;5月無比賽放鬆心情跑, 原來才是最舒服, 一直都迫得太緊了. 我的跑步心境又進了另一階段

長跑傑

夏日炎炎跑大棠斜坡 12K - 01"03"47
咁屎熱晒到濃，跑完食自助餐

長跑傑

LSD 30K 葵涌 - 小欖

長跑傑

雨夜徒跑50K 深水步-秀茂坪
今晚拍JOE同KEN走一轉西貢出返彩虹,一早知要淋雨, 但大家唔大雨都唔跑,真係少年輕狂,一開始經大埔道跑上金山好爽,因為正是黃雨中,上斜第一次咁舒服,而且車輛駛過的水花由頭淋到落腳,像沖涼一樣,大家都話,喂黎多野呀~司機都傻了眼.
接著到大圍跑城門河好冷清,又可以跑單車徑,Z型跑都無阻人,真是奇景,完了海濱長廊已經18K, 但雙腳像跑了2K熱身.
經西沙路入西貢,又黑又暗,好彩三人行加落雨,無遇到狗既突擊,但D私家車既燈照到盲...上上落落經老圍,水浪窩,出了西貢,KEN先走,我們又繼續,雨都開始停加上接近30K,跑得無咁舒服了.
遇上西貢公路,一條大上斜,記得上次由上而落是多麼爽,今次真係甘, 跑完雙腿開始黎料, 開始提不高,腳板又酸又痛,唯有呃自己長課係咁架啦
衝一輪落斜落到將軍澳已經39K, 食過宵夜,又再上斜,恐怖的澳景路, 真的又長又斜,有幾次想行,但JOE真係唔等人,唯KEEP有住跑,因為好陰森,今次真係真身都出埋,跑到無我境界,心想就到,KEEP住去....不停重覆, 終於捱過. 最後落秀茂坪見已經50K,就打的走佬, JOE話你都未盡,我話下次先啦.....咁甘~

fowler23

師兄，堅喪

長跑傑

熱力動慼 26K 葵涌 - 三聖
收工後,又係跑步既好時機,今日由屋企,過青衣,再出返荃入屯門,頭10K好辛苦,又焗又熱,幸好出返荃灣開始落雨,迷迷糊糊到深井有點眼訓, 小休數分鐘又出發，開始天光見到不少師兄由屯門跑出黎, 去到小欖仲見到榮哥私操,好勤力, 突然發現地盤有隻輾扁左既狗,死得好恐怖, 驚到我警都唔敢報,希望有人見到執走佢吧.,跑到黃金海岸已經23K有點肚餓,食個包再上路,但此時大腿內側擦到好痛,跑多3K就頂唔順,去到三聖剛好有巴士, 就返家訓覺了~ ~懶左好多~

長跑傑

DARK 60K - 06"58"55
特登請兩日假為一次跑步,因為我覺得這次長課實不簡單(以我能力), 去程30,回程30, 一課跑60K , 晚上比日間實在涼得多,一口氣便15K, 到了深井有SEVEN補給,然後進入夜深, 來回的人己很少, 唯到了20k有人在小欖橋底釣魚, 經前日死狗果度,屍體已消失,幾驚夕見到, 23k,黃金海岸,第二個補給站,拉拉筋又出發, 25k左右開始到屯門，有點迷路，JOE話一路向北搵渠,跑跑下又搵到,屯門原來好多人半夜跑步,過了屯門醫院,剛夠30K, 可以回頭了, 惡夢來了,雙腳開始不聽話,乳酸都跑了出來,跑姿開始生硬,37K停下拉筋,45K到了深井想GIVEUP, 雙腳無一個位不痛, 接下來玩催眠,不停講到了到了,頂埋佢, 52K荃西真想就跑回家,不跑過青衣,但不夠60K,意義就失去了, 為了唔衰得, 我用上喪屍跑法,腳在痛,不理會,心在想保持一個跑既姿勢,直到終點,樣子當然十分痛苦,在死頂,一輪上落橋,終於到按錶一刻.我做到了.....其實長短只是數字,要超越自己,衝玻心魔,才是最難的事, 8小時連休(實跑7小時)可以訓教了zzzz

長跑傑

環九龍半島 70k
星期六日，又係跑通宵既好時機，老早約定了今天跑100k,可惜事與願違，有些事總估不到。頭50k月中已跑過，50k打後由秀茂坪到旺角8k, 雙腳都還可以，但60k打後，天氣繼續焗熱，雙腳開始軟，可能凌晨五點左右，精神散漫，出現討厭再跑的感覺，雖然雙腳還可以，但原來跑得太長會有一種反感的感覺，最後返回運動場剛好一大圈70k用了12小時，無痛下戰意全失，敗走了，可能跑資太短，今天明白100k不是捱到就可以，要有一種決心，今次明顯無，下次還想再試^^

長跑傑

RUNNING FOR 64

長跑傑

Fearless dargon charity run 10K -51"50
已經無練10k,30度猛太陽,邊行邊跑，hea完個10k