Running kit - Running report

長跑傑

在長跑網已經九個月, 每次跑得辛苦想偷懶都會入黎睇下個目標, 就會重新出發, 慢慢地已經跟跑步有不能分離的關係, 2014 年 大家要繼續向目標進發, 我既目標希望在這個網誌達成, 由大家一同見証, 一同成長.

長跑傑

元旦東北縱走 30K -04"34"00
耐無玩山賽，新一年第一日就出事啦，今日由新娘潭入荔枝窩，再轉上吊燈籠，出返鹿頸返大尾督. 一開始平路就太快，慣左死衝，開始上吊燈籠就腳軟，越上越斜，幾乎用曬全部體力去上，落返地已經無力，但果陣先14，5k,接一些平路還可以勉強跑下，但好快又上山，不停的上落，最後還上八仙嶺郊遊徑，山之多超出估計，唯有死死地行，過了法定28K還未完，原來XTE再一次老點參賽者，最後衝落斜埋單成30k, 真係玩完要講WTF.

長跑傑

美津濃半馬 - 21K- 01'37'50 PB
一個幾段上落斜既半馬，比賽前已經無打算做時間，果然一開始上斜雙腳壓力好大，一落斜就死衝三分尾，過左10k情況比想像好雙腳仍可以，可能這星期休息得夠儲碳充足，一直保住4“30/K,最後4k十分沉悶，唯有不停聽快歌，唔比自己跌，結果最後1k睇錶竟然1'33,如果4分k就可以PB,不顧一切衝了，最後PB成功，真意料之外的成績，好野！

長跑傑

飛達新春長跑10K 43”03 PB
.一個月前跑過相同路跑44”06,今次快了一分，都有進步，衰在第7,8Kpacing落得好快，落到4分半，結果雖然 PB, 但造42失敗，可能衝圈不夠，要再勤力一點

長跑傑

週未任你跑 - 馬鞍山-科學園20K
比賽過後當然又係任你跑環節，後追魔友們的長課，原來今日好多人跑科學園，見到長網人，Nike人，全條路都係跑手，追到近元州仔就見到佢地，可以掉頭，其實腳已酸到不行，結果跑左20k,加比賽，今日埋單30k,為下星期全馬準備，希望下星期執多課36k，上馬易d

長跑傑

  Interval training 600x5 - 2"30
  Interval training 1000x5 - 4''20
今個星期原本想LSD, 因週日全馬, 可惜工作太忙, 無時間, 只能衝圈, 狀態唔係幾好, 最後幾個都捱返黎

jpg_chu

長跑傑 發表於 2014-1-17 16:22
Interval training 600x5 - 2"30
  Interval training 1000x5 - 4''20
今個星期原本想LSD, 因週日全馬,  ...

長跑傑今次跑ccm一定要諗定配速嚟跑丶跑全馬真係不可亂沖丶要死守一定的速度嚟跑丶唔係會好易爆丶何況ccm都幾難跑！加油！

長跑傑

jpg_chu 發表於 2014-1-18 11:19
長跑傑今次跑ccm一定要諗定配速嚟跑丶跑全馬真係不可亂沖丶要死守一定的速度嚟跑丶唔係會好易爆丶何況ccm ...

多謝, 今次SET左5"20-5"30, 都KEEP到29K, 但因抽筋, 所有PACING有都打亂了.......

長跑傑

中國沿岸CCM 全馬 42K - 04"14"37
我的第一個馬拉松終於出現，被認為上落斜最多香港最難的一個馬拉松，第一次便去挑戰，賽前十分緊張。
倒搭般早已要出門口到荃灣上巴士，北潭涌極涷，身體由落車震到比賽開始，今次目標也挺有自信地定四小時內，因比賽通常比練習跑得好。
開始頭28K, 雖然上落斜多，但已有心理準備，能保持5分頭pacing, 中途看見Yip 師兄因抽筋而行起來，令自己都開始擔心雙腳，果然，29k後小腿有抽筋感覺，最後更痛得跑不起來，那刻真絕望，還有12k,怎可再跑下去，接著雨，坦克等師兄先後 過頭，令我跑意盡失，埋怨著昨天還去跑步，GEL又帶不夠，真想行回終點算了, 不經意地除下耳機, 聽見大家的腳步聲完全一致, 知道原來大家都在捱回終點, 其實痛的, 不止我一個, 幾百個全馬選手都在努力, 我也不能因做不到時間而放棄,然後拐著跑, 間中有抽筋, 但仍堅持痛著跑, 我始終堅持比賽一定要盡力, 特別是初馬, 終於4小時14分完成, 拿到完成牌一刻, 真的感動,因為捱了很多痛楚去完成, 突然覺得所有完成全馬的人也很值得尊敬, 跑了一年多比賽, 才明白這個道理, 今次得到了經驗, 這星期長課不足, 但比賽前卻去跑, GEL, 鹽丸都不夠, 42K的確不能當10K, 或是半馬去捱回來.
馬拉松如人生, 有起有跌, 講策略, 講體格, 但意志有時勝於一切, 不論你的跑格如何, 除了1,2,3名, 你得到的也一樣 - 完成牌

做人, 跑步也一樣, 都是一場有趣的遊戲, 可以享受跑步, 其實也在享受人生

長跑傑

週未任你跑 - 馬鞍山 -大埔 24K
跑到尾腳痛要行，CCM傷未好

allmyfriend

雖然腳痛, 但有二包神仙粉作獎勵, 都抵啦

長跑傑

長跑傑 發表於 2014-1-26 19:03
週未任你跑 - 馬鞍山 -大埔 24K
跑到尾腳痛要行，CCM傷未好

ThAnks 各師兄，我會小心

長跑傑

27/1 RECOVER RUN 5K .... NO PAIN, EASY RUN
28/1 INTERVAL 1"20 *300* 12 ... NOT EASY... SO HARD, BUT FOOT IS OK ~

長跑傑

長跑傑 發表於 2014-1-28 15:02
27/1 RECOVER RUN 5K .... NO PAIN, EASY RUN
28/1 INTERVAL 1"20 *300* 12 ... NOT EASY... SO HARD, BUT  ...

2月頭仲有一場6K 同10 K, 打算衝多陣圈, 今年渣打玩半馬~

長跑傑

Templo 3k/ 4"14
本來諗住玩6k templo, 但3k已經受不了, 而且跌曬watt. 還是收腳了, 回家才諗起原來明天初一, 有比賽, 今天算熱身好了
預祝大家馬年大運, 像馬一樣在跑道上奔馳~

長跑傑

長跑傑 發表於 2014-1-30 14:58
Templo 3k/ 4"14
本來諗住玩6k templo, 但3k已經受不了, 而且跌曬watt. 還是收腳了, 回家才諗起原來明天初 ...

聽日第一次6K, 正常PB~^^

長跑傑

大年初一利士跑 6k - 23"44
年初一都好多人跑步，以為好短，開頭太快，尾段好辛苦。
祝大家馬年馬到功成

長跑傑

比賽完左，當然黎個長課，同JOE哥打算pre下180條路，由馬鞍山到彩虹，預60K,可惜我腳內側條死人筋又痛，跑左11K入到榕樹澳要行，到左深涌食個tea,決定搭船出返去算了，JOE哥就繼續跑出西貢，我享受左一小時陽光浴，腳又奇蹟地無事了，所以無搭船，原路跑左7k出返去水浪窩，再搭車走，今日停下跑下，都有24K,熱血的年初一，馬年要繼續向目標進發，GOGOGO!

長跑傑

週未新春跑- 13.5K
年初三約美孚友上華景山莊，再過金山，落長沙灣。自第一次上華山，今次第二次上，終於一口氣上到頂，用了42分鐘，之後等齊人過金山，第一次到金山頂原來不太高，最後一口氣衝落大埔道，好爽，比想像中快玩完既一個新春跑

dominic.kwok

長跑傑 發表於 2014-2-2 17:50
週未新春跑- 13.5K
年初三約美孚友上華景山莊，再過金山，落長沙灣。自第一次上華山，今次第二次上，終於一 ...

加油~~