Running kit - Running report

長跑傑

HK168 第三段
大欖涌郊遊徑 - 元朗 15K
收工遲左中途加入，微雨涼快，不太吃力

長跑傑

麥理浩徑 7-10 段-37K - 07'40'00
由屋企跑上起點3K,針草帽無問題，M9-10有不少路跑，但最後一段大斜坡實在令人咀喪，最終大家用盡了最後一口氣跑回終點，人都顛！

長跑傑

碼頭 - 青衣海濱 - 葵涌 11.5K - 01"00"20 (RECOVER)

長跑傑

今次計劃夜行3-8段, 一起步不久就大雨, 在全身濕透下還要被狂風吹過, 真難頂, 經過3-5段, 好多人都滑倒在濕滑而又爛的泥地中, 我都至少跌四次,直到夜深, 雨勢時細時大, 又有隊員拗柴.加上我超級眼訓, 最後在M5中段退落黃大仙走, 而另一隊勇士則繼續前行~ 今次用9小時行了30K左右路, 天氣同捱眼訓因素的確影響好大, 如果是比賽, 這樣放棄實在不值, 真是一次好好的教訓 ...

長跑傑

葵涌-美孚-荔景-青濱-荃濱-葵涌 -23K
由屋企join wilson到美孚，巧遇靚mill， 再join 恒恒 經荔景上青衣南橋到到北橋，送走快腳恒恒後便跟wilson繼續青濱，返到荃西送走wilson後獨自荃濱，再跑回家，細雨微風，十分涼快

長跑傑

浪子回頭M78 - 30K
成條徑已經行過幾次, 今次玩針草帽來回, 要粗爆大家既耐力咁話,
, 先上針山,再上草山,今次聽住歌真係無咁悶, 但希望無嘈親人, 今日真係成個山係行山友,休左5分鐘再上大帽山, 再跑落去小亭只係用左3小時15, 好快,但回程就要食返曬大斜路, 好甘, 好斜,好難頂, 到左大帽山頂, 大家唔想再上針草山了, 決定落左铅礦拗SHORT CUT茖水塘, 最後用7小時完成30K路, 我就一上一落跑返屋企加操7K, 腳都要爆粗了

長跑傑

上水食豆花 25k成個星期無跑, 因為病到七彩. 今日跟魔友由大圍跑入上水食豆花, 天氣十分炎氣,去到元州仔都正正常常, 但之後再入到大埔會合大師兄就開始缺水, 感冒未清個人開始暈暈地, 加上個人比 d 烈陽入曬, 20k左右爆曬計, 最後痛苦地跑埋5k到上水,就行去食豆花了, 10蚊任食食左5碗~

長跑傑

收工跑4K

長跑傑

收工跑3K

長跑傑

期待已久的54K, 上次因太眼訓,中途放棄,所以今次鬥志好高,一定要行到最難既其中6段. 今次隊長排出隊形,帶pacing既先行,控制唔到自己既就押後,有人負責報時,提食糖,諗野講激勵下隊員,播下歌呀咁
第3段用了不足3小時便成功走過,再行埋第4段已經凌晨1點.大家開始累,眼訓,缺水... 靠不停食糖,GEL,飲水,聽快歌,又一齊唱下咁捱過, 一級又一級樓梯, 斜坡,終於捱到第六段尾城門水塘, 以為有水機可以補給, 點知已經無曬, 因為多人BBQ關係.正當打算行去SEVEN之際,JASON一個電話打來, 說已經準備好食物,水駕車上來支援, 真是及時雨,當左佢係一個神, 大家大休個半鐘後天已光, 雙腳麻痺情況下上針山, 十分攞命, 捱完針山, 再大大段斜路上草山, 加上烈陽直射,我地不停講笑麻醉自己, 又過一關,最後上大帽山, 心諗最後一段,好快到終點, 咬緊牙關捱埋佢, 終於上到白波, 往後2K下斜不知那裡來的力量. JOG埋落去, 見到小食亭終果刻, 真係霎時感動~17小時10分,日行到夜再到日，終終終於到終點
完成了54K路,終於有少少信心可能真係可以完成100K路, 經過今次, 覺得D隊友都好堅下, 過左晚夜,默契度都提升左好多~

長跑傑

早上25K

長跑傑

衞徑1-5段-36.6K-08"10"22
雷利第二次都可能係最後一次操, 上次6-10, 今次1-5, 我總算走過全段,跟毅行比, 平地少,高山多,實在有點更辛苦.今次拍JOE,MAVIS 2大高手.
一開始走錯了大潭篤水塘,skip了孖崗山, 接下來便用半小時上紫羅籣山,過了渣甸山,石礦場,接上小馬山, 一開始食左2個400米山, 有點勉強, JOE GOR帶PACING更加扯爆,之後由柏山衝落鰂魚涌, 接下來便要搭MTR過海, 十分有趣,2段徑中隔過海.
油塘下車, 經墳場上炮台山,五桂山一大堆斜路, 樓梯, 返落平地就跟JOE GOR 跑, 可能太勉強, 右腳有條筋開始痛, 一直忍住, 中途KARL加入,於井欄村食左個飯,十分滿足,到井欄樹後上東洋山, 上得好急, 又焗, 十足針山, 捱過左, JOG落去飛鵝山終於見到豆花店,大開心了,勁食...1碗, 因為已經賣曬.
最後第5後, 超悶引水道, 因通宵無訓, 在引水道又發作,邊行邊訓,險些行左落條渠度, 最後天黑了, 4K用最後一口氣JOG埋佢收工.

長跑傑

國慶跑 10K - 49"44
打破不了49的宿命, 大美督船灣淡水湖水壩來來回回,又曬, 心機都光了, 以sub50成績完成, 收貸 ~
第一次著網衫比賽, 好多人影相, 唔識既叫長網加油, 真好~

長跑傑

元朗西鐵 - 南生圍 12.6k -  01"22"26
比賽後跟屯元天跑友慢遊南生圍-12K, 全程暴曬，勁熱，好彩有豆腐花食，但要夾住袋行李跑，真跑到爆粗/：--+/*/：

長跑傑

九龍半島大暴走 30.83 K - 03'09'00
維港景色真美, 第一次由西九睇到土瓜灣, 平時行,無耐性, 跑就可以一小時盡覽~真有睇頭的30K

長跑傑

早晨 10 k

長跑傑

LANTAU 2 PEAK 21K- 04'12'37
這個比賽橫跨 大東山, 鳳凰山, 香港第二,三高既山, 壓力好大, 但事前有心PRE-TRIP, 懂留力, 問題只是能否四小時內完成, 開賽好多斜坡, 唔理, 衝過曬, 因為上山路一定窒車, 大把機會休息, 結果上大東山果度好慢, 大家你推我撞, 過左爛頭謍, 一落山, 見識到D超人係跳崖, 唔係排住落, 我學佢一定卜死, 0130落到伯公拗, 終於鳳凰山, 好晒,好高,好多人抽筋, 我一步步過左10幾人, 終於到頂, 落山又係我既世界, 超快咁彈落山,0300 跑過彌勒山, 0324終於到360棧道, 今次有留力, 一口氣跑落去, 半小時已到地面, 0400 最後2K 狂跑返東涌, 最後都OVER 4 小時, 但完成左又幾過癮
同跑友食飯後又到毅行每週一操, 由於隊友又行2 PEAK, 所以又返上伯公拗後JOIN, 惡夢才剛剛開始.......

長跑傑

賽後, 毅行隊友已經在山上操練,我買左4罐可樂加袋冰打算上去伯公拗後JOIN, 原本可以坐車上伯公拗, 但我見有時間. 就打算行上去大東再落伯公拗,可惜高估了自己, 拎住袋冰, 加體力不繼, 上到一半已經想喊, 無退路之下上下停下, 幾經辛苦終於到大東山, 未落到伯公拗已經見到佢地上緊黎, 太好了, 又行少段~飲過可樂後, 原路折返, 再上大東, 心諗一日三次經過大東山,勁! 落返東涌都好辛苦, 因為不停咳, 應該吹親感冒, 今天總計已操35K山, 最辛苦今次 ~

Deric雄影

一個字---勁！

長跑傑

遲來的recover ~